حد عنده خبره و فكره كامله عن بطاريات ال ups اللي بتركب للاسانسير لمواجهه الانقطاع المفاجئ و المتكرر للتيار الكهربائي .
و شكرا جزيلا .
عرض للطباعة
حد عنده خبره و فكره كامله عن بطاريات ال ups اللي بتركب للاسانسير لمواجهه الانقطاع المفاجئ و المتكرر للتيار الكهربائي .
و شكرا جزيلا .
وحدة الطوارئ الخاصة بالمصاعد ليست يو بس اس وانما لوحة تحكم صغيرة بها مستشعر انقطاع التيار وكارت تحكم وبطاريات تقوم بفصل فرامل المصعد عند انقطاع التيار ليصل الي اقرب دور ثم يتوقف وهي متوفرة عند كل شركات المصاعد وسعرها من خمسة الاف الي عشرة الاف تقريبا
انا سالت منذ شهر عنها قالو لى ان سعرها 4000 جنيها
الأسانسير عندنا حموله 4 افراد .
سألت عن الوحدة دى من سنة كان سعرها حوالى 8 الاف جندى.
فمات الكلام من ساعتها وكبرت دماغى .
حاليا أنا بدخل ولادى ومراتى الأسانسير وأنزل أنا وأطلع على السلم ...عشان لا قدر الله لو عطل أو قطعت الكهرباء أقدر اسحبهم يدوى وأقدر اتصرف وأطمنهم ....ومنها رياضة عشان الكرش.
تقبل تحياتى
اخى العزيز الاسعار المبالغ بها بسبب الجشع للمكاسب الكبيره للتجار لان الذى افهمه انها عباره عن كرت كنترول وثلاث بطاريات 12 فولت فكيف يصل السعر الى 8000 جنيها
وهذا ماوجدته عن هذا الجهاز
لمواصفات الخاصة بجهاز الطواريء للوصول لأقرب دور
يعمل الجهاز في حالة أنقطاع الكهرباء أثناء حركة المصعد للوصول بالمصعد الي أقرب دور للمبني و مميزاته كالتالي:-
1- يعمل الجهاز علي المواتير حتي قدرة 15 حصان
2- يحدد الجهاز الأتجاة الأمثل للحركة صعودا أو نزولا طبقا للحمولة و ذلك لتوفير أستهلاك البطاريات.
3- أمكانية العمل مع مواتير سرعة واحدة أو سرعتين (يتم التوصيل علي السرعة العالية للموتور).
4- أمكانية العمل علي جميع أنواع الأبواب الأوتوماتيكية (حسب الطلب).
5- وجود نظام الشحن الذكي و الذي يطيل عمر البطاريات لسنوات و سنوات.
6- وجود شاشة توضح عمليات البرمجة للأتي.
• عزم الموتور
• أقصي زمن للتشغيل
• زمن تأجيل بدء الموتور
7- يستخدم الجهاز عدد 3 بطارية 12 فولت 7 أمبير للبطارية الواحدة يتم توصيلها علي التوالي.
8- يعمل بدون توصيل مغناطيس علي طارة موتور الحركة الرئيسي.
9- توصيل مغناطيسات التوقف علي الجهاز.
10- توصيل دوائر الأمان الأتية علي الجهاز
• الزحلقة: لحماية المصعد عند النهايات
• الشوكة: لتأمين عدم عمل المصعد إلا بعد غلق الشوك
• الكالون: لتأمين عدم عمل الجهاز إلا بعد غلق الكوالين
11- امكانية تشغيل لمبة طواريء حتي قدرة 100وات
12- امكانية العمل مع جميع انظمة تحكم المصاعد.
13- البطاريات صناعة أتحاد أوروبي (يوناني).
14- مكونات الجهاز الألكترونية و الكهربية صناعة كورية أو أوروبية.
15- العلبة الخارجية للجهاز مصنوعة من الصاج السميك و مدهون الكتروستاتيك بودر.
متابع
على فكره انا لسه متصل بشركه بتورده وسالت عن السعر بالتليفون قالوا لى 4750 جنيها شامل البطاريات
اعتقد ان السعر ممكن يتخفض شويه وقت الشراء .
وكلمت شركه ثانيه انا باتعامل معها قالو لى بان السعر 3800 جنيها
من الاخر موقع الشركه فى اى منطقه هو الذى بيعلى السعر لان مصر الجديده لها سعر غير الهرم او الجيزه
على فكره هذه الاسعار غير شامله التركيب
مهندس الاسانسير عندنا في العمارة بيعمل صيانة شاملة وتجديد في الاسانسير عندنا
قالي ان سعر الجهاز ده 5500 وفي اقل بس ده ممتاز وحاجة تعمر علي حسب كلامه
عمتا انا شايف ان الموضوع بسيط وممكن يتعمل من خلال الباور انفرتر لان الاستهلاك لايتعدي 10 ثواني مش اكتر واعتقد ان انفرتر 5000 وات مع 2 بطاريات كل واحدة 140 امبير كافية جدا جدا
الموضوع بسيط وبالفعل فيه انفرتر علشان يطلع من 12 فولت دى سى ل 220 فولت ايه سى علشان يفك الفرملة وطبعا غالبا بيكون الاتجاه نزول لان وزن الكابينه بالحموله اكبر من وزن التقل فبيوصل الكابينة لاول راية او بولة دور وبكده ياخد امر ايقاف فيفصل الكهربا عن الفرملة فتقف الكابينه وغالب الانواع بتشتغل على بوله منفصلة لان ميهموش رقم الدور انما راية ايقاف وبيبقى شايف الشوكة والكالون للامان وملوش دعوة بقدرة الموتور لانه مش بيشغل موتور وملوش دعوة بحمايات الموتور وكل اللى بيبص عليه وجود التيار او انقطاعة فى عدم توقف الكابينه امام راية