الكارثة ان الشعب الامريكي بقى عنده شعور انه مستعبد بواسطة البنوك ..... وانهم زي الثيران اللي بتدور في الساقية .... ومش قادرين يتوقفو .....الشعب الامريكي معظمه مديون للبنوك وبيشتغل ليل ونهار عشان يقدر يسدد الاقساط
وده اللي باحذر منه كل اللي اعرفهم
احترسو من بطاقات الإئتمان ....... ده سم .... لكنه محطوط في عسل
المقصود به انك تنفق اكتر من طاقتك .... تنفق من مال لا تمتلكه ....تنفق بسهولة .....لكن تعالي بقى ساعة السداد يا جميل .....
انا محاسب قانوني من 20 سنة تقريبا ...... ما عنديش حساب في البنك اساسا باستثناء حساب في البريد عشان السيولة ما تبقلش في البيت او المكتب .....
وعمري ما اشتريت حاجة بالتقسيط غير مرة واحدة و عدت من 10 سنين والحمد لله وما اتكررتش ...
ده مبدأ .... اللي معايا ثمنه اشتريه ..... لو مش معايا ..... انتظر لغاية ما يبقى معايا ....واعيش على قدي ......لكن طبعا لكل قاعدة شواذ ... ممكن ناس ظروفها تحكم عليها ..... كل واحد و قدرته علي تحمل ظروفه
.......
البنوك عندنا بتعمل نفس السيناريو ....... مش ناقص غير انهم يجولك لغاية البيت عشان يفتحولك كارت إئتمان ....
بس احنا متأخرين حوالي 15 سنة عنهم .... يعني اللي بيحصلهم ح يحصل عندنا في عهد ابناء جمال مبارك بإذن الله
قولوا يا رب يسترها معانا ومع اولادنا من بعدنا