طبعا كل المشاركين على المنتدى بيشكروا حضرتك على المجهود الرائع دة بس اسمحلى ليا شويه ملاحظات فنيه على الكاسيت دة مبدئيا لو حضرتك تلاحظ ان فى الكاسيت دةموجود مكانين لل اس دى كارت واحد خاص بالميمورى والتانى خاص بالنافيجيشن ودة معناه ان كارت النافيجيشن بيشغل برنامج اسمه اى جو ومن تجربتي الشخصيه ان البرنامج دة خرايط مصر اللى موجودة عليه من 2011 تقريبا ولو حضرتك عملت تحديث لنسخه الاى جو ( الخاصه بالنافيجيشن )دة علشان تنزل اخر الخرايط الخاصه بمصر الجهاز هيهنج ودة لان الرامات الموجودة على الجهاز دة لا تتعدى 128 ميجا ودة قليل وخصوصا لو مشغل النافيجيشن مع اى اغنيه وبالصدفه جه لحضرتك موبيل طب حضرتك هتسالنى طب ما انا اشتغل بالبرنامج القديم هاقول لحضرتك موافق بس كل الطرق والكبارى اللى تمت فى الفتره ده مش هتظهر فى النافيجيشن وللتاكيد قبل ما حضرتك تشترى الجهاز اعرف نوعه بالظبط وادخل على النت واعرف المواصفات من الشركه المنتجه ( مثلا نوع الشاشه سواء كابسيتيتف او ريسستفودة مهم لاستجابه الشاشه للاوامر بالتاتش وكمان نوع البروسيسور اللى راكب وموديله واخيرا ودة مهم جدا كميه الرامات ولو حضرتك لاقيته اقل من 512 ميجا يبقي مالوش لازمه هيبقي مجرد منظر جديد فى العربيه ومايساويش قيمته )
اخيرا من ضمن عيوب الجهاز دة لو عند حضرتك اغنيه مقدمتها الموسيقيه طويله مثلا زي اغانى ام كلثوم (معلش انا قديم شويه) المقدمه الموسيقيه بتاعتها حوالى من سبع لثمان دقايق مش هتقدر تجرى الاغنيه او اى مقطع منها لان الجهاز من ضمن عيوبه ما بيجريش الاغانى خالص جوة الاغنيه الواحدة طبعا اكيد الملاحظات دة عن تجربه للنوع دة من الدى فى دى طويله فالاحسن حضرتك تصبر لغايه ما تركب جهاز اندرويد والله الموفق واسف على الاطاله