يا جماعة انا بقيت محتار جدا فى العربية اللى فى الفئة السعرية دى
1. الصنى: صاجها ورق مناديل ومشكلة فى ضفيرة الكهربا واشاعة ان الموتور هندى
2. الاوبترا الشكل الجديد نزل غالى
3. اللوجان الشكل الجديد نزل من غير الاوتوماتيك والشكل القديم مفيهوش abs
4. الساجا حريقة بنزين وقطع غيار غالية
5. الفيرنا زى ما كلنا عارفين فراملها ضايعة وثباتها ضايع من اول ال 120
انا بصراحة كنت ميال للوجان بس بعد ما نزل الشكل الجديد ومنزلش منه اوتوماتيك بقيت محتار جداااا
مش عارف اعمل ايه :majd(4):
رأيى تستنى اللوجان الأوتوماتيك لو ينفع تستنى
اللوجان الاوتوماتيك مش موجودة حتى فى المغرب يعنى لسه لم تنتج وده معناه ان الانتظار ملوش معنى
فعلا مش موجوده اوتوماتيك بس برضه مش موجوده بره 1600 ونزلت مصر 1600 فمحدش عارف
خلاص خليك في الشكل القديم
هات بروتون بيرسونا .. فيها كل حاجة، وعيوبها تعدّي .. والله أعلم.
انتا محدد انها اوتو طب متخليك فالوجان الشكل الجديد بامكانيات تقارب النيسان مع وجود فرق السعر وانتا اولي بيه
كان نفسى والله بس الاربطة بتاعت رجلى بتتعبنى من السواقة فى الزحمة
لوجان والاوتو هينزل بس اكيد في وقت
متفكر فى الميجان من 2007 وانت طالع اوتوماتيك وكل الامكانيات وجميله جدا ودور على حاجه 50000 كبلو او اقل تحفه
شوف حاجه كسر زيرو احسن