الموضوع: جولف2 ولا ابيزا 94

ناس بتقول جولف 2 اجمد واكثر اعتمادية واوسع وقطع غيار متوفرة وارخص من ابيزا 94
بس بصراحة انا شكل الجولف2 مش مريح بالنسبة لي فكنت عايز راي خبراء الابيزا واعرف مميزات الابيزا خصوصا 94 وعيوبها وهل صحيح عيوبها اكتر من مميزاتها زي ناس كتير كانت بتقول كدة بس مركبوش العربية دي وهل قطع غيارها أصبحت نادرة وغير موجودة وهل صحيح مش أي ميكانيكي ممكن يشتغل فيها.

الف شكر لحضرتك علي المعلومات القيمة دي وبصراحة انت طمأنتني جدا خصوصا انا كنت ميال للابيزا بس الانجكشن ناس بتقول ان الميكانيكية مبتفهمش كويس فيهم وكمان انا من الشرقية وبيقول مفيش ميكانيكي بيفهم في الابيزا غير في الحرفيين

[QUOTE=Karim Ibiza;3875499504]اهلا بيك فى قسم سيات

الكلام اللى انا هقوله مش عشان انا فى قسم سيات ولكن هقوله عشان انا كان معايا ابيزا 98
الابيزا من 94 الى 99 تعتبر جولف 3 من ناحية الميكانيكة والعفشة والشاسيه وبيركب عليها كل المواتير اللى بتنزل فى الجولف بدون اى تعديل
يعنى انت راكب جولف بسعر اقل والشكل مختلف
جولف 2 نزلت من 83 الى 92 وسعرها حاليا فى الـ30ــات وناااادر جدا لو لقيت حالة نضيفة وسليمة ومش ملعوب فيها + ان قطع غيارها من ناحية الصاج والفوانيس والصالون بقت غالية لأن تجار الاستيراد مبقوش بيجيبوا الموديلات القديمة لقلة المكسب فيها وارتفاع جماركها

بس يااستاذ كريم في ناس كتير بتقول ان الابيزا هي polo ودي انا شوفته ويكيبيديا الخاصة بالبولو
وليس لها علاقة بالجولف ولكن ممكن فعلا يتسقط لها موتور جولف

المشاركة الأصلية كتبت بواسطة Karim Ibiza

اهلا بيك فى قسم سيات

الكلام اللى انا هقوله مش عشان انا فى قسم سيات ولكن هقوله عشان انا كان معايا ابيزا 98
الابيزا من 94 الى 99 تعتبر جولف 3 من ناحية الميكانيكة والعفشة والشاسيه وبيركب عليها كل المواتير اللى بتنزل فى الجولف بدون اى تعديل
يعنى انت راكب جولف بسعر اقل والشكل مختلف
جولف 2 نزلت من 83 الى 92 وسعرها حاليا فى الـ30ــات وناااادر جدا لو لقيت حالة نضيفة وسليمة ومش ملعوب فيها + ان قطع غيارها من ناحية الصاج والفوانيس والصالون بقت غالية لأن تجار الاستيراد مبقوش بيجيبوا الموديلات القديمة لقلة المكسب فيها وارتفاع جماركها

عن تجربة عضو معانا فى القسم بس للأسف مش بيدخل المنتدى كتير, كان معاه جولف 2 وباعها وجاب بولو وبعدين جاب ابيزا
بيقولى الجولف 2 كأنك راكب عربية قديمة من ناحية شكل الطابلوه والصالون عموما
والبولو حديثة بس صالون ضيق قوى
الابيزا جمعت بين وسع الجولف و سعر البولو والتطور بتاعها

قطع غيار الابيزا زى ما قلت فى الميكانيكا والعفشة هى نفس الجولف وهى نفس البولو
صاج وفوانيس موجودين بشكل اوفر من الجولف 2 وارخص اكيد

انا شايف انك تشوفلك واحدة 98 او 99 عشان المواتير الكربراتير مش بنفس وفرة الانجيكشن والتحويل بينهم مكلف
او تشوف واحدة 94 بموتور انجيكشن وتكون حالتها نضيفة وصاحبها بيصرف عليها

بس يااستاذ كريم في ناس كتير بتقول ان الابيزا هي polo ودي انا شوفته ويكيبيديا الخاصة بالبولو
وليس لها علاقة بالجولف ولكن ممكن فعلا يتسقط لها موتور جولف

طيب سؤال تاني ويريت مكنش طولت علي , حضرتك عارف الشوارع في مصر عاملة الزاي وانا ديما هيكون معايا ناس فياريت تقولي ظروف الابيزا اية في المطبات وهي محملة وعفشتها عاملة اية وهل هي عربية ناعمة ومريحة في سواقتها ولا ذي الفليشيا