بعد الاستلام - مقارنه سيراتو 2010 وسيراتو 2014

**Hosam_Optrawy** · 01-04-2014 07:03 PM

الف مبروك ياباشا ربنا يباركلك فيها ومشكور على المقارنه

بس مش متفق معاك في موضوع الثبات وعلى فكره انا كان معايا قبلها برضه سيراتو 2010 هاى لاين :)

**esam_ayad** · 01-04-2014 08:05 PM

ألف مبروك ياباشا
وتقييم جميل وشيق
لكن أنا مش متفق مع حضرتك في موضوع الثبات ده
أنا العربيه معايا هاي لاين بجنوط 17 وثابته جدا في الطريق وفي طريق هنا في الكويت عامل زي التراك بتاع سباق فورميولا وان كله منحنيات وحتت بسيطه مستقيمه وكنت بجيب بيها 120 عادي جدا وبدون ماتخرج من حارتها وكمان حاطط الدركسيون علي الوضع العادي مش الرياضي.
عربيتي فيها انتي رول بار(مش عارف معناها ايه في مصر بس هي زي سيخ حديد طويل ماشي في العفشه الخلفيه التورشن بيم علشان يقلل لعب العربيه في الملفات ومطبات الهوا.

وعلي فكره في فرق كبير بين السيراتو بجنط 16 وجنط 17 وبالذات في مفاصل الكباري ومطبات الهوا.
ودي انا جربتها بنفسي وللأسف نزلت تفيت ( سوري علي اللفظ ) علي السيراتو اللي بجنط 16 لأني حسيت اني مش متحكم فيها علي عكس الجنط الـ17 المجرم جدا جدا جدا اللي ماحسيتش بأي حاجه نهائيا وعلي نفس الطريق ونفس مفاصل الكباري ونفس مطبات الهوا.

**Atrees** · 03-04-2014 02:31 PM

الف شكر لكن من شارك في الموضوع واهتمامكم

احب بس الفت النظر لكام نقطه كده بخصوصو الثبات عشان ما اتفهمش غلط

اولا : انا مجربتش السيراتو الجديده 2014 في موقف طارئ عشان اقيم ثباتها بالشكل السليم مقانه بالسيراتو 2010 اللي جربتها كتير في مواقف ثبات

ثانيا : حكمي عليها مقتبرن بعوامل كتير زي مثلا

- العربيه اكبر حجما واطول بين محور الامام والخلف
- العربيه مساعدينها انعم واطري بكتير عن السيراتو 2010 وكمان مشوارهم اكبر
- ال 2010 جنط 17 وال 2014 جنط 16
- الباور كهرباء في 2014 علي عكس ال 2010

وبسبب النقاط دي مع تجربه في موقف صغير علي طريق السخنه بفادي مطب هواء والعربيه مكانش تجاوبها معايا زي ال 2010

الثبات هنا نسبي يعني انا مش بقول انها مش ثابته انا بقول ان ال 2010 اثبت وده بسبب العوامل اللي قولت عليها - وطبعا مع التجربه بعد التليين وعلي سرعات اعلي من 180 كم هعرف اقيم تماما

والله يا جماعه العربيه تحفه - وصدقوني محدش يحكم علي ثبات العربيه في دخله ملف علي سرعه - الثبات يتقاس بس في الناوره العكسيه حرف S

بيبان علي طول اذا كان السياره ثابته ولا لاء وكمان حجم التراكشن وال G force اللي ممكن العربيه تستحمله

وانا شايف ان عمليا بسبب النقاط
- العربيه اكبر حجما واطول بين محور الامام والخلف
- العربيه مساعدينها انعم واطري بكتير عن السيراتو 2010 وكمان مشوارهم اكبر Soft Suspension
- ال 2010 جنط 17 وال 2014 جنط 16
- الباور كهرباء في 2014 علي عكس ال 2010

لازم عشان اعوض دول في عربيه زي دي يكون في ESC & ABS

لكن ثبات السيراتو جيد مرتفع في مستوي السيارات اجمالا

ربنا يستر طريقنا كلنا :)