بعد ماحجزت ندمت .. فعاوز رأيكوا ضرورى ؟

اولا انا زهقت من حكاية ان انا ادور على عربية واللخبطة اللى حاصلة دى .. انا كنت هجيب الجين 2 بس تسليمها اتأخر مع انى حاجز من شهر 2 وبيقولوا لسه التسليم على شهر 5 .. المهم قلت اروح للانسر وخلاص وامشى مع التفكير المصرى اركب حاجة قطع غيارها موجودة وتعرف تبيعها .. وشوفت لانسر مستعمل 140 الف سوبر اكشن مودييل 2013 بس كان فيها خرابيش .. فقلت طالما 140 اجيبها زيرو 2014 ومش مهم الفرامل ال abs وفتحة السقف .. وفعلا حجزت والمفروض استلم بكرة .. المهم شوفت اللانسر الشارك شكلها عجبنى وبفكر الغى الحجز واجيب الشارك .. فاانتوا ايه رأيكوا وايه الافضل ؟

الشارك افضل من لانسر فى كل حاجه ما عدا وسائل الامان والاعتماديه

كفايا بومه

الشارك احسن مليون مره

لانسر شارك افضل

اقتباس:

---

المشاركة الأصلية كتبت بواسطة tameraast

كفايا بومه

---

كفاية بومة بقى
حرام تدفع ١٤٠ الف فيها دلوقتي حراااااااااااام

انا معايا بومه
البومه حلوه و كله حاجة بس طالما هاتدفع لا ادفع في الشارك موتور مايفيك و جبار و احسن من البومه و تكنولوجيا احسن

متندمش على اى قرار ابدا انت لو فضلت فى حيرة و مشيت ورا كلام الناس واللة مش هتشترى عربية ابدااااااا كل واحد لية وجهة نظر و بيشوف الموضوع من اتجاهو انت اتفرج على الاتنين تانى هية البومة جميلة و اعتمادية الاقصى الحدود و سعر اعادة بيع ممتاز و تكيف تلاجة و عفشة ولا هية ناعمة و لا خشنة متوسطة و تسارع متوسط ولا هوة قوى ولا ضعيف من الاخر هية عربية تصونك فى الطريق دا حقيقى عن تجربة بردو الشارك شبابى و شكلها جميل جدا و الاختيار ليك شوف الانسب و اتكل على اللة و نصيحة متندمش ابدا على اختيار انت اتخدة و متمشيش ورا الناس الى هتكرهك فى عربيتك و بلتوفيق انشاء اللة

رأيي شارك هاف إسبورت لو مش هاتبيع قريب بلاش بومه و شكرا
البومة حلوه بس لو خايف تتزنق
لو هاتجيب كاش خليك في الشارك و تاني فئه بلاش أول فئه

ليه ماشوفتش البيجو 301

اكيد الشارك احلى في الشكل والاستخدام ولكن البوما احسن عربية لها قطع غيار متوفرة واسعارها رخيصة ولها بدائل تايواني وصيني ببلاش وماتور البومة فااااااجر وده راي الشخصي وانا انصح بالبومه وربنا يوفق للخير ان شاء الله

الشارك طبعا واستخير ربنا

كفاية بومة مفيهاش اى رفاهية و كرسى السائق فيها تحس انه عاوز يوقعك او انك قاعد على طرفه و مش مستريح

اقتباس:

---

المشاركة الأصلية كتبت بواسطة manfromegy

رأيي شارك هاف إسبورت لو مش هاتبيع قريب بلاش بومه و شكرا
البومة حلوه بس لو خايف تتزنق
لو هاتجيب كاش خليك في الشارك و تاني فئه بلاش أول فئه

---

هو سعر الفئة التانية كام؟

145000

بص انا معايا بومة 2013 سبورت بس بقولاك بلاش هي العربية اعتمادية وكل حاجة لكن شكلها قديم جدا وبعدين فيها اصوات غريبة وتزييق في الكنبة الخلفية وتزييق في دواسة الفرامل واستهلاك بنزين عالي لكن ميزتها الكبيرة في اعادة البيع فلوسك في جيبك مهما حصل
الشارك حلوة جدا وثابتة جدا جدا عيبها قطع الغيار وبيعها تقيل للاسف
انا لو منك بصراحة هبص على السيراتو الجديدة عربية مية مية عفشة ناعمة واستهلاك بنزين جميل وثبات وكماليات رهيبة وواسعة وشكل وفخامة

140 في بومة مستعمل؟؟؟
طيب ما الشارك الفئة التانية بـ145 وفيها abs واتنين ايرباجز وطبعا طبعا لا تقارن بالبومة نهائيا حتى لو فاضية والبومة سوبر اكشن...

الشارك أفضل .. قلبا و قالبا ..
تحياتي ..