الموضوع: تقرير لتقييم بيجو 301 من وجهة نظري

استاذ مهاب تسلم ايدك على التقرير , و ان كنت احب اوجه نظر حضرتك لبعض النقط

المشاركة الأصلية كتبت بواسطة mohab_rashed

1. كمبيوتر السيارة يقوم بكبح جماح السيارة في حالة دخول سيارة بشكل مفاجئ امامك وهذا تامينا للسيارة من تسرع بعض سائقي السيارة

لو حضرتك تقصد اوبشن ان العربية فيها سينسور بيبطأها لما حاجة تبقى قريبة منها من قدام فده مش موجود في الفئة دي خالص ولا في الفئتين اللي اعلى منها كمان , ان كنت حضرتك تقصد حاجة تانية فيا ريت توضحها

3. الفتيس حالته جيده جدا وفي ميزة موجوده ليس في كثير من الأوتوماتيك وهي وجود النقل اليدوي وده مفيد جدا في حالة تعطل السيارة حيث انه في هذه الحالة يمكن دفعها بوضعها على النقل اليدوي

الكلام ده عموما غير صحيح , الفتيس الستيبترونيك هو فتيس اتوماتيك عادي جدا مش ممكن فيه تدور العربية عن طريق زقها

وعلى فكرة مش لازم نفس المقاس يكفي ان يكون 16 طالما كل الكاوتش سيكون مقاس واحد

الالتزام بمقاس الكاوتش الاصلي مش لازم لكن الالتزام بالقطر النهائي للعجلة لازم
بمعنى اننا ان ثبتنا الجنط على 16
و الكاوتش الاصلي مثلا عرضه 205 و البروفايل نسبته 55 (للعلم نسبة البروفايل دي بتبقى رقم مضروب في عرض الكاوتش)
ما ينفعش نغيره بكاوتش عرضه 205 و نسبة البروفايل 60 او 65
ليه ؟
لأننا كده زودنا بروفايل الكاوتش مع ثبات الجنط , و بالتالي قطر العجلة كلها زاد
فبالتالي العربية ثباتها هايبقى اقل لأن مركز ثقلها ارتفع
مش بس كده , كمان عداد السرعة هايقرا قراءة فيها نسبة خطأ لأنه بيقيس السرعة اعتمادا على معادلة من عدد اللفات و قطر فردة الكاوتش اللي هنا بقى مختلف

يا ريت تراجع قسم الاطارات و تشوف طريقة حساب مقاس الكاوتش هتلاقيها شيقة جدا و عن طريقها بتعرف ايه مقاس الكاوتش المكافيء للكاوتش الاصلي و ينفع تركبه لما تعوز تعرض الكاوتش او تكبر او تصغر الجنط نفسه

الف مبروك على الجميلة 301
تحياتي :-)

تسلم على التقرير
و لو كل واحد اتكلم بحيادية كدة صدقنى هنعرف نقييم العربيات
كويس اوووووووووووووى
و افضل شىء هنتعلم من بعض خلال تجاربنا
وربنا يوفقك و يكفيك شرها يارب العالمين

تحياتى بالتوفيق