قسوه ام حنيه ؟؟؟ احكي لو عايز تحكي

**FAR!D** · 01-04-2014 10:45 PM

سلام عليكم
بصراحه انا بعد ما عادت ليا الذكريات في موضوع http://www.nilemotors.net/Nile/413215-a.html
واشكره بشده a_nbm صاحب الموضوع انه فكرني بالايام ديه وديه نبذه عن تجربتي http://www.nilemotors.net/Nile/3875496704-post19.html
اتحدث اليوم عن قسوه الاباء و الامهات هل تراها قسوه ام حنيه تدركها بعد مرورالايام ؟
انا عن نفسي اضربت و اتبهدلت كتييييير من والدي الله يديله الصحه لدرجه اني وصلت اني ببص للاطفال في سني في الشارع بيلعبوا وانا من ورا الشباك الحديد ( كنت بشتغل في مصنعه ) و محرم عليا اللعب و محروم من اني اتلمح ببص عليهم عشان معناها اني عايز العب معاهم و كده ابقى لسه عيل و انا المفروض راجل ( وشعور ي في اللحظه ديه عمري ماحنساه ماحييت ) و هوا كان عنده المصنع بجانب انه مدرس تربيه رياضيه لحد ما وصل مدير اداره تعليميه و بحكم ان العجمي في اسكندريه مكانش فيها الا مدرسه اعدادي واحده بس كل شباب العجمي لحد سن ال 40 من الناس العاديه او العرب يعرفوه و اول كلمه يقولوها اول مايعرفوا اني ابنه "" سامحني ياباشا بس ابوك كان شديد اوي بس للامانه كان بيقرص علينا عشان مصلحتنا "" و لحد دلوقتي الشده موجوده و الحمد لله ههههه
ساعتها كنت مش طايق نفسي و اول ماجت فرصه دخولي الكليات العسكريه ماصدقــــــــــــت عشان اهرب و بعد ما مرت الايام و كبرت و اتجوزت و خلفت و بصيت على اللي حواليا ومن سني عرفت انه صح وانه عرف يربيني صح واني لولا شدته ديه عليا مكانتش حعرف ابقى ما انا عليه ........
مستني تجاربكم و ارائكم
احكي لو عايز تحكي و كلنا هنا واحــــد
( الاستطلاع مغلق محدش حيعرف انت اخترت ايه )

**أبو آسر** · 01-04-2014 11:14 PM

سن الطفولة بيحتاج حنان أكثر من القسوة والشدة وغالبية اللي بيعيشوا فترة الطفولة بدون حنان من الأب والأم بيطلعوا معقدين وعندهم عقد نفسية أزلية حتى لو مكنش شايفها ظاهرة أوي
مش معنى كده إن الحنية تكون على طول الخط ، أحيانا الشدة بتكون هي الصح في موقف معين وأحيانا يكون الرفق هو الصح في موقف معين
لذلك النبي صلى الله عليه وسلم على الرغم من أنه هو من قال ما كان الرفق في شيء إلا زانه وما نزع الرفق من شيء إلا شانه ، إلا أنه استخدم الغلظة في بعض المواضع القليلة بل إن ربنا أمره بأن يغلظ على الكافرين ويشدد عليهم في حين أن ربنا هو من قال أيضا "ادع إلى سبيل ربك بالحكمة والموعظة الحسنة وجادلهم بالتي هي أحسن" وآيات كثيرة تحض على الرفق والتسامح واللين
و كان النبي صلى الله عليه وسلم يُقبل الصبيان، فرآه أعرابي فقال: تقبلون صبيانكم؟! والله إن لي عشرة من الولد ما قبلت أحداً منهم! قال: أوَ أملك أن نزع الله الرحمة من قلبك ؟!
وكما قال الشاعر: ووضع الندى في موضع السيف بالعلا مضر كوضع السيف في موضع الندى
لكن كقاعدة عامة الرفق والحنان هو الأصل والطفل يحتاج إلى ضمة من حضن أبيه وأمه وكثرة التوبيخ والإهانة والضرب تؤتي بنتائج عكسية
والله أعلم

**waleed0** · 02-04-2014 01:54 AM

في حاجة اسمها التربية الصحيحة ,مش موضوع قسوة ولا ضرب ولا لازم اضربك علشان عودك يشتد لا الكلام دا مش صحيح ,العيب فى المجتمع اللي احنا عايشين فيه الطبيعي ان الانسان يشتغل شغله ادمية ويتعامل معاملة ادمية ومش معني ان المجتمع متخلف اننا نربي ابنائنا علي التخلف والضرب علشان يعرفوا يعيشوا فى المجتمع دا .
وتحمل المسئولية مش بتربية الطفل علي الضرب والقسوة لا دا بيجي باسلوب تربية وجعل الطفل يعتمد علي نفسه في الاشياء الصغيرة وهو صغير وخلال فترات حياته بما يتناسب مع عمره .

**mostafa magdy** · 02-04-2014 02:16 AM

انا مش حابب للأسف أحكي تجربتي .. مش عشان حاجه ..
بس عمري ما هكون قاسي علي أولادي مهما حصل .. ده اللي أنا أعرفه

**3mr Farrag** · 02-04-2014 02:23 AM

ناس كتير بتعتبر الضرب بس هو اللي قسوه و تعتبر قسوه بدنيه
مع ان فيه حاجات تانيه قسوتها اشد من الضرب و بتكون نفسيه اكثر
وديه مشكلتها اشد ممكن لحد ما تكبر كمان

عموما مافيش حد يعرف مصلحتك ذيك و الاهل مش دايما عارفين مصلحتك

**omaranes77** · 02-04-2014 03:02 AM

والهي انا الي شايفة فعلا ان القسوة غلط
انا لما بغلط والدي بيقولي انا تعبت من كتر مابدربك

بس هيا كلمة واحدة بتخليني ماغلطش تاني وهيا
انا لما بضربك بتعب
فلية تخليني اضربك
بس من حوالي سنة كدة والدي مابيضربنيش نهائي
بيقولي الضرب مش هيجيب نتيجة

**FAR!D** · 02-04-2014 03:37 AM

يا جودعان يا حضرات
انا عامل الموضوع ده لكل واحد حابب يحكي مش لاصول التربيه اللي احنا كلنا عارفنها فيه ناس زمان ولحد دلوقتي فاهمه التربيه غلط انا عارف لكن انا عامله للي عايز يحكي
شكرا لتعاونكم