السلام عليكم
عايز أظبط زوايا وأرصص وأنفخ نيتروجين بدل الهوا
إيه الترتيب ؟
وتنصحوني بمركز إيه في نطاق شارع جسر السويس أو النزهة يقوم بالكلام ده ؟
بسرعة الله يكرمكم علشان نازل بكرة إن شاء الله
تم نقلة لقسم الإطارات .
1:05 pm
2014/4/3
1 ب
السلام عليكم
عايز أظبط زوايا وأرصص وأنفخ نيتروجين بدل الهوا
إيه الترتيب ؟
وتنصحوني بمركز إيه في نطاق شارع جسر السويس أو النزهة يقوم بالكلام ده ؟
بسرعة الله يكرمكم علشان نازل بكرة إن شاء الله
تم نقلة لقسم الإطارات .
1:05 pm
2014/4/3
1 ب
اعتقد ترصيص ثم ضبط زوايا ثم نيتوجين
انفخ الأول بالضغط المظبوط للعربية بعدين اعمل اللي انت عايزه..
ضغط الهواء لو مش مظبوط بيأثر على قرايات الترصيص
وبرضه لو الكاوتش مريح هايعمل ميل في العربية ويخلي جهاز الزوايا مايديش قرايات صح
وكتير مننا بيشتكي انه لسه مرصص او ظابط زوايا لكن العربية مش مظبوطة..
بيكون السبب هو انه مكانش ظابط ضغط الكاوتش اثناء الحجات دي :)
بص يا نجم
:shyy:
يفضل الاتي
العربيه تترفع كلها
تحل الاربع عجلات
تخرج منهم الهواء وتضغط نيتروجين
وبعدين ترصص
وترجع تركب
وتربط عفشه الاول وبعدين تضبط زوايا
:36_7_4[1]:
تحياتي
اه الافضل ان العجل يتضبط ضغطه وهوه مش راكب في العربيه
ألف شكر يا رجالة
أنا لسة راجع من عند Fit & Fix فرع عباس العقاد بنزينة كالتكس
الأول ظبطولي الزوايا وربطوا العفشة علشان مكان الترصيص مكنش فاضي وبعدين رصصت وبعدين فرغت الهوا ومليت نيتروجين وبعدين بالمرة قمت غاسل العربية
مش عارف كده صح ولا غلط وهيفرق في الأداء ولا لأ بس هو اللي حصل علشان الزحمة وإن شاء الله ميكونش في مشكلة في كده
بس بصراحة الناس محترمة وشغلها نضيف ودي تاني مرة أروحلهم بالرغم من إن المشوار علقة بس يستاهل
لو سمحت ممكن اعرف التكلفة كام
أنا دفعت 155 جنيه بالضبط (غير الإكراميات طبعا) لضبط الزوايا وتربيط العفشة والترصيص والنيتروجين
تقريبا كده ضبط الزوايا ب60 وتربيط العفشة 20 والترصيص 40 والنيتروجين 40 كده المجموع 160 جنيه معرفش بقى ال5 جنيه الناقصة دي تبع إيه
الورقة في العربية هحاول أبص عليها بكرة إن شاء الله وأقولك بالضبط
هو كده مش تمام .. كان المفروض .. تبتدى بالنيتروجين.. عشان تفريغ الهواء و ملى النيتروجين بيخلف من وزن العجل.. كان المفروض الترتيب يبقى كده . نيتروجين .. ترصيص .. تربيط عفشه .. ثم ضبط زوايا.. مع العلم باننى شغال فى هذا المجال بس مش هاينفع اديك اى بيانات عشان ده مخالف لقوانين المنتدى