طريق العين السخنة

**karemof** · 02-04-2014 12:41 AM

السلام عليكم جميعا،
كنت بفكر اطلع ويك اند العين السخنة وانا بصراحة مرحتش قبل كده، هو فندق مارينا وادي دجلة، بس كنت عايز اعرف مدى أمان الطريق ده، ولو في تحذيرات معينة الواحد ياخدها في اعتباره، وازاي ممكن اروح من مدينة نصر، مع الشكر لحضراتكم

**rabet007** · 02-04-2014 12:00 PM

طريق العين السخنة اكثر من روعة بجد
الطريق عامله الجيش المصري العظيم
يوجد عليه كمين في طلعته او بدايته دبابات وشغل عالي
وبعد كده هتلاقي الطريق محترم
تعرف تجري عليه
مش تخاف وتوكل علي الله يا كبير
تروح وتيجي بالسلامة

**karemof** · 02-04-2014 09:58 PM

أشكرك على الرد، كنت عايز أعرف علشان أركب طريق الجيش ده ممكن امسك محور الشهيد وانا طالع من مدينة نصر

**meero_boy2000** · 02-04-2014 11:12 PM

بص ياباشا الطريق ماشاء الله ذي العسل وواسع وطبعا لان اللي عمله بضمير الجيش المصري فطريق تحفه تجري زي مانت عايز هو اصلا طريق تقفيل عداد وللعلم الرادار عليه 120 النصيحه لااللي انصحك بيها وانت راجع بالسلامه وجاي من طريق السويس وهتدخل دخله العين السخنه في بلاعه في نص الدخله خلي بالك منها اوووي لانها تنتلي جنط وفرقعتلي الكاوتش وربنا يسترها ان شاء الله وتيجي بالسلامه وبرضه فول قبل ماتطلع لان بنزينات وطنيه مش كتير ع الطريق ... وبخصوص الطريق تمسكه منين بصراحه مش هقدر افيدك اووي لاني من المعادي بس انا بنزله من بعد كارفور الدائري بنزل نزله السخنه علي طول

**loay_s** · 15-04-2014 02:36 PM

السلام عليكم
ممكن بعد اذنك يا meero_boy2000 توضحلى الطريق من عند كارفور المعادى عشان انا مسافر بكره الصبح ومش عارف الطريق

**ramymechanics** · 15-04-2014 03:23 PM

المشاركة الأصلية كتبت بواسطة loay_s

السلام عليكم
ممكن بعد اذنك يا meero_boy2000 توضحلى الطريق من عند كارفور المعادى عشان انا مسافر بكره الصبح ومش عارف الطريق

حضرتك تمشى دائرى فى نفس الصف بتاع كارفور بعد 3 كيلو هتلاقى نزلة مكتوب عليها "طريق السخنة" تنزلها تاخد اول يوتيرن وتمشى طوالى بعد حوالى 300 متر هتلاقى بنزينة وطنية "خد بالك فى اصلاحات جامدة هناك" بعدها تخش اول دخلة يمين بعد البنزينة تمشى شوية هتلاقى كمين جيش تعديه هتلاقى بوابات تعديها تفضل ماشى طوالى 105 كيلومتر على طريق الجيش المصرى العظيم (اللى عامله من فلوس الشعب وبياخد عليه كارتة وبياخد على اى صندوق فيه اى معدات حتى لو فعربية ملاكى 200 جنيه كارتة) تعدى الكارتة التانية بعدها ب 4 كيلو هتلاقى طريق قاطعك بالعرض تدخل يمين وتاخد اول يوتيرن وتمشى قدام شوية هتلاقى قرى الوادى وستيلا وبعد كدة تقريبا بتاعة وادى دجلة وأجازة سعيدة ان شاء الله (بس اتأكد من مكان الفندق بالظبط لكن الوصفة هى هى لحد الحتة الاخرانية دى)