لكل واحد ركب او راكب بروتون

**abdalaha** · 02-04-2014 03:11 PM

مساء الفل عليكم جميعا ويارب الجميع يكونو في افضل صحة واحسن حال...
من اول مبروتون جين 2 ظهرت في الشوارع المصرية اعتقد في 2006 وانا وقعت معاها في قصة حب من اول نظرة ووقتها كنت لسة بدرس ومعاييش اركب عجلة .. وكنت علي طول ااقول لنفسي اول مربنا يكرمني هجيب بروتون جين 2 والحمدلله ربنا كرمني بدءت بي 128 اتعلمت عليها 6 شهور وطيرتها ودخلت علي لانوس 2001 وكل ده وعنيا علي حبيبتي ال جين 2 جيت بقي اليومين دول نويت اجيبها زيرو قولت اخش اشوف راي الناس فيها ايه
لقيت ناس كاتبة فيها عيوب تقفل اي حد في اي عربية ولقيت ناس كاتبة مميزات تشجع اي حد يشتري العربية
اخد العيوب واقول لحد من ملاكها يقولي ياعم مفيش الكلام ده دي زي الفل وقشطة في البنزين مش فاجرة يعني وفراملها حلوة مش زي لانوس يعني
الخلاصة مبقتش عارف مين الصح ومين الغلط العربية حلوة ولا وحشة لو جبتها هتبقي نعمة ولا نقمة
كل همي تكييف جامد سواقة مريحة متحكش في المطبات والثبات
ياريت زي مناس كتير بتشتم في ال جين 2 اتمني كل واحد ركبها او راكبها يسمعنا كلام حلو عنها وربنا يوسع رزق كل الناس يارب

**carrier** · 02-04-2014 03:20 PM

المشاركة الأصلية كتبت بواسطة abdalaha

كل همي تكييف جامد فعلا جامد سواقة مريحة فعلا مريحة متحكش في المطبات مبتجكش والثبات عالى جدا حتى فى الملفات

وبالتوفيق

**abdalaha** · 02-04-2014 03:27 PM

ربنا يخليك ويوفقك مفي كلام حلو اهو ياجماعة ايوة بقي افتحو نفس الناس للبروتون هو في عربية برضه بالسعر ده والجمال ده والاوبشنز دي

**Omar Mahmoud** · 02-04-2014 04:18 PM

لو دي الحاجات اللي عايزها روح شوفها في معرض ارتحتلها هاتها و انشاءالله مش هتندم و عن تجربة عايز حاجة ثابتة و تكييف جامد و عالية و مريحة في السواقة يبقي الجين 2 و بالتوفيق

**amirz** · 03-04-2014 01:06 AM

الجين تو مع واحد صديقى وبسوقها منه لو بتتكلم على ثبات وموتور قوى يبقا جين تو وسيبك بقى من اللى يقولك اصل التابلوه مش عارف متركب ازاى واصل مفيهاش ولاعة سجاير والكلام الفارغ ده هى العربية ايه غير موتور وعفشة تمام
ربنا يوفقك

**Amr_tika88** · 03-04-2014 02:01 AM

بصراحة من تجربتي في البروتون سابقا عيبها الفرامل بتاعتها مش قد كده عن تجربة في الواجا والجين ٢
يعني فرامل التيوتا احسن كتير او الهوندا ودي من اكتر الحاجات اللي خنقتني فيها
غير ان الواجا مكن قزازها مقرف جدا جدا بس كموتور وثبات علي سعرها يعتبر ممتاز

**Omar Mahmoud** · 03-04-2014 02:46 AM

المشاركة الأصلية كتبت بواسطة amirz

الجين تو مع واحد صديقى وبسوقها منه لو بتتكلم على ثبات وموتور قوى يبقا جين تو وسيبك بقى من اللى يقولك اصل التابلوه مش عارف متركب ازاى واصل مفيهاش ولاعة سجاير والكلام الفارغ ده هى العربية ايه غير موتور وعفشة تمام
ربنا يوفقك

+111111111

**abdalaha** · 03-04-2014 10:03 AM

يعني فراملها هتبقي وحش من اللانوس ده انا راكب لانوس وحاسس اني بفرمل بفرامل عجلة ... عايزين حد راكبها بقاله فترة يدينا المفيد عن الجين 2

**Amr_tika88** · 03-04-2014 12:22 PM

انا مجربتش اللانوس علشان اقدر احكم عليها بصراحة
بس انا كان معايا واجا لمدة ٧ سنين من الزيرو وكان معانا جين ٢ برضو

**Omar Mahmoud** · 03-04-2014 03:51 PM

المشاركة الأصلية كتبت بواسطة abdalaha

يعني فراملها هتبقي وحش من اللانوس ده انا راكب لانوس وحاسس اني بفرمل بفرامل عجلة ... عايزين حد راكبها بقاله فترة يدينا المفيد عن الجين 2

عن نفسي محستش ان الفرامل وحشة خالص

الموضوع: لكل واحد ركب او راكب بروتون

LinkBack

أدوات الموضوع

عرض

-

المواضيع المتشابهه

تجربة قيادة رينو فلوينس2012 من واحد راكب كورى !

لكل واحد راكب سيات وابيزا بالخصوص

فيديو بسيط جدا لكل واحد راكب فيات قديم و مستقل بيه

سمعت ان اللوجان ال 7 راكب فرنساوى فهل ده صحيح وهل الكارينز 7 راكب افضل

كام واحد حجز بروتون 2009 اى كانت.......موضوع احصائى؟

الكلمات الدلالية لهذا الموضوع

المفضلات

المفضلات

ضوابط المشاركة