-
استفسار لنوبيرا 2008
السلام عليكم
ربنا يوفق كل القائمين على المنتدى وكل الاخوة الاعضاء
انا قدامى نوبيرا 2008 مانيوال وحالتها كويسه رشه نظافه من برة بس دواخلها والقوايم زى الفل بس هى وخده خبطه فى الباب اليمين وكمان خبطه صغيرة فى الشنطه ومغيرة كبوت بس الحوض فبريكة صاحبها عاوز 48000 هل الرقم ده كويس ولا ايه تانى طلب هى فيها abs ولا لا تالت واخر حاجه ايه رايكوا فى العربيه دى كويسه من حيث قطع غيارها واستهلاكها للبنزين ولا ايه
اسف على الاطاله
-
العربية عملية جدا و جرايه و قطع غيارها موجودة و كل الناس شغالة فيها. العربية ما فيهاش abs. بخصوص السعر أعتقد عالي عشان الحاجات اللي فيها. ما أقدرش أفتيك كويس في سعرها الصراحة.
-
شكرا على مرور حضرتك بس اصحابي قالولى انها دايما بتغير مقصات وان العفشه فيها مشاكل
ارجو من المتخصصين الرد علي وكمان السعر ﻻنى ﻻزم ارد علي البائع بكرة بالكتير
وشكرا لكم جميعا
-
وايضا هل من الممكن تركيب abs و ebd لها وﻻ مينفعش ولو ينفع تقريبا تكلفتها قد ايه
-
اعتقد العربيه اقل من سعرها فى السوق خصوصا لو ماشيه اقل من 80 الف
انا لو معاى العربيه دى مش هبيع اقل من 58
-
ازاى نوبيرا 2008 ب 48 !!! العربيه دى شكلها فيها حاجه
-
شكرا لكم جميعا
هى ماشية حوالى 108000 كم بالنسبه للسعر هو عاوز يبيع لانو مسافر ومحتاج فلوس
عاوز اعرف مكان يكشف عليها بجهاز ويطلعلى تقرير وحاله الماتور ايه وحالتها كلها ايه ولو فيها حاجه بايظه ولا ايه ويكون فى الهرم
انت فين يا بشمهندس ممدوح
-
-
السعر كويس مقارنة بالحالة
العربية مفيهاش ABS و تركيب ABS ملوش لزمة
النوبيرا مشهورة بعيب جلب المقصات
MMamdouh
-
السعر ممتاز لو العربية فابريكة دواخل انجز وخلص فيها وجلب المقصات بتتعدل بجلب فورد او بيجو وبتبقى ممتازة توكل على الله
Content Relevant URLs by
vBSEO 3.6.0 PL2