صيانة اللوجان الخمسين ألف في التوكيل؟؟

**أبوميرال** · 02-04-2014 06:00 PM

السلام عليكم وررحمة الله

إن شاء الله ناوي أعمل صيانة اللوجي 50000 وهي كلها تغيير فلتر الزيت والزيت ب550جنيه، يا ترى أعملها بره التوكيل أرخص، وهيكون بكام وفين؟ ولا إيه؟؟
أنا خرجت بره الضمان على فكره.

جزاكم الله خيرا

**tarek_742** · 03-04-2014 10:13 AM

انا لسة عمالها برة التوكيل طبعا الزيت ب270 شيل والفلتر ب30 جنية وكمان الى غير الزيت ب20 يعنى كلة 320
بس شوف ميكانيكى عندة بير

**أبوميرال** · 03-04-2014 10:51 AM

جزاك الله خيرا، معلش إيه الميكانيكي اللي عنده"بير" ده؟

**hragheb007** · 03-04-2014 10:55 AM

ممكن لو حابب تحط زيت توتال زي اللي بيتحط في التوكيل تروح أي بنزينة توتال هتلاقي فيها خدمة غيار الزيت

**tarek_742** · 03-04-2014 01:04 PM

فى ماكينة شفط الزيت ودى انا مش بحبها ميكانيكى ينزل تحت العربية ويفك الطبة الى تحت وينزل الزيت ويسيبة يصفى الى اخر نقطة وبعد كدة يحط الجديد متهايالى دة احسن من الماكينة الى بتشفط الزيت القديم وبير دة فتحة فى الارض فى الورشة بسلم كدة يقدر ينزل تحت العربية

**أبوميرال** · 03-04-2014 02:07 PM

ربنا يكرمكم جميعا، أنا شاكر جدا.

**ahadelba** · 12-04-2014 12:57 PM

طب يا جماعة ما حدش يعرف ميكانيكى شاطر و فاهم فى اللوجان و محترم مش حرامى فى اسكندرية الواحد يتعامل معاه كمان مشكلة حساس الايدل و البوابه الى عاوزه تتنظف دى عاوزه حد شاطر و انا قررت اسيب التوكيل كفاية لغاية 40000 انا دلوقتى 50000 و عاوز اعمل الحاجات دى بره بس حد ثقه افيدونى جزاكم الله خير