حد يجاوبنى على طريقة تفعيل مثب السرعة, ايه الشروط و امتى ينفع ازود او اقلل السرعة باستخدام الدراع, وفى كتير من الاحيان مثبت السرعة لا يعمل , افيدونى يا كرولاوية
عرض للطباعة
حد يجاوبنى على طريقة تفعيل مثب السرعة, ايه الشروط و امتى ينفع ازود او اقلل السرعة باستخدام الدراع, وفى كتير من الاحيان مثبت السرعة لا يعمل , افيدونى يا كرولاوية
1) تدوس على زرار on / off
2) لما توصل للسرعة اللي عاوز تثبت عليها زق الزرار لتحت وشيل رجلك من على البنزين
ملحوظة "أي ضغط على دواسة البنزين أو الفرامل بيلغي تفعيل الخاصية"
3) عاوز تزود السرعة شوية أرفع الدراع لفوق وسيب .. أو استمر في الضغط لأعلى لتزيد السرعة بشكل مضطرد .
4) عاوز تقلل السرعة نزل الدراع لتحت وسيب .. أو استمر في الضغط لأسفل لتقل السرعة بشكل مضطرد .
5) لإلغاء الخاصية شد الدراع عليك أو أضغط على زرار On/Off
استا محمد منورنا ...اقتباس:
المشاركة الأصلية كتبت بواسطة محمد الوااالى
بصراحة معظم مثبتات السرعة بتبقي بنفس الطريقة في اي عربية !!
عموما :
الصورة بتبين الدراع ممكن تحركه لفوق REC و لتحت SET و تشده عليك Cancel و فيه زرار من الجنب ON/OFF
http://nileup.com/up/uploads/nilemotors_13964539741.jpg
1. الدراع فيه زرار اسمة ON/OFF كل اللي عليك انك هتدوس عليه عشان تشغله و لمبة مثبت السرعة هتظهرلك في التابلوه و ده معناه ان النظام اتفعل و مستني منك بفارغ الصبر انك تدخله انهي سرعة عاوز تثبتها .
2. لما تلاقي نفسك ماشي علي السرعة المطلوب تثبيتها كل اللي عليك هتشد الدراع لتحت في اتجاه SET و هظهرلك تأكد في التابلوه بكلمة SET .
هل في اسهل من كدة خطوتين اتنين من غير متبص اصلا :
1.ضغطة علي زرار 2. و سحبة الدراع لتحت .
وبكدة المثبت اشتغل علي السرعة اللي انت عاوزها .
طب افرض عاوز ازود السرعة او اقللها ؟
كل اللي عليك بعد التثبيت يأما هتدوس لفوق هيزود السرعة او تدوس لتحت هيقلل السرعة و الدوسة الواحدة تقللك او تزودك 1.6 كم/س لو شايفها قليلة يبقي افضل دايس مدة طويلة هتلاقيه زود بسرعة جامد او قلل بسرعة جدا .
حضرتك بتقول ساعات مش بيشتغل و هو مش هيشتغل معاك لو :
سرعتك اقل من 40 كم/س
لو لأي سبب ال ESP اشتغل للامان
و هيفصل معاك لو :
دوس فرامل
دوست بنزين
طب افرض فصل هقعد اظبط من الاول ؟؟
لأ طبعا كل اللي عليك انك هترفع الدراع لفوق اللي هو في اتجاه RES هيرجعلك السرعة اللي كنت مظبط عليها.
لألغائة :
تشد الدراع عليك
او تدوس علي زرار OFF
في اسهل من كدة !!!
طيب فى الكتالوج فيه اوبشن محدد سرعه وبتظهر السرعه فى التابلوة هل الاوبشن دة موجود فى الفئه التانيه
@محمد هاني: كفييت ووفيت يا كبير..
أنا لسه حالا كنت بقرا في الكتالوج عن الخاصية دي بس من الواضح إن الزرار بتاعها في التارة وده طبعا مش موجود في الفئة الثانية. يا ريت لو حد يعرف انه موجد يقول لنا بيشتغل ازاي.اقتباس:
المشاركة الأصلية كتبت بواسطة وائل محمد نبيل
ملحوظة على محدد السرعة: بعد متعمل set (على سرعة 120 مثلا) وبعد كده تدوس فرامل لأي سبب وبالتالي سرعتك حتقل (إلى سرعة 60 مثلا) في الحالة دي لو ضفطت الدراع لفوق عشان ترجع لآخر سرعة حتلاقي العربية بتشد معاك جامد وممكن تفقد السيطرة على العربية، نصيحتي انك مترفعش الدراع تاني إلا لما تقرب من السرعة المضبوطة مسبقا (يعني مثلا 100-110)...
ودمتم للنضال....
بارك الله فيك مهندسمحمد هانى
المفروض لما تدوس بنزين السرعة تزيد بس الكروز ميفصلش ولما ترفع عن دواسة البنزين يرجع الكروز لنفس سرعته..جرب كدااقتباس:
المشاركة الأصلية كتبت بواسطة mohamed.hany
هجرب و اقول لحضرتك, وعلي العموم شكرا للمعلومةاقتباس:
المشاركة الأصلية كتبت بواسطة swimmer25
لو زودت بنزين مش بيفصل ..
السرعة بتزيد و لما بتسيب البنزين يرجع للسرعة اللى كنت مثبتها ..
اقتباس:
المشاركة الأصلية كتبت بواسطة swimmer25
اقتباس:
المشاركة الأصلية كتبت بواسطة mohamed.hany
انا فعلا جربت النهاردة الموضوع ده وطلع زي ما قال الأخ سويمر والأخ أبو حميد...اقتباس:
المشاركة الأصلية كتبت بواسطة ابوحميد
انا جربت برضو و ماشاء الله علي معلوماتكم.
وخدو بالكم فعلا لما الكروز بيفصل و تعمل resume العربية بتروح للسرعة المطلوبة بمنتهي القوة، تخض بصراحة
شاكرين مهللين على المعلومات الوافرة , فعلا انا جربت موضوع لو دوست بنزين مثلا وشديت عشان تعدى عربية نقل ولا حاجة وبعد كدة لما تشيل رجلك من على البنزين العربية بترجع لسرعة ال set بتاعتك