صوت الصفاره...جنني خلااااص

السلام عليكم ورحمه الله وبركاته
تحيه طيبه لاخواني الكرام,حيث انني دائما مااستفيد بكم بالنصح والارشاد
انا من غير مااطول عليك سيارتي نيسان تيدا 2007 عامله 20000 كلم,كل لما دوس الفرامل اسمع صوت صفاره متقطعه وخصوصا وانا برجع للخلف او في الدورانات وفي العدل بدره اسمع صوت الصفاره لما ادوس فرامل ولكن بدرجه اقل ...
من الاخر كي لا اطيل عليكم..ظبط زوايا وترصيص وعملت,ذهاب للتوكيل روحت مرتين في الهايكستب,يفاجاني امور يركب السياره ويلف بيها شويه ويقولي اه دي صفاره..ماشي ياحبيبي عارف انها صفاره قولي بقه الحل يقولي عايز تغير مساعدين ومش عارف ايه وكله ب 1200 جنيه
مره تانيه يقولي تيل الفرامل..اروح لورش خارجيه يقولي تيل فرامل وواحد يقولي نضف التيل...
بالله عليكم هو مفيش واحد فنى ومعلم حرفوش في محيط مساحه مصر اللى هي مليون كيلو متر مربع يركب عربيتي يقولي عايزه ايه ويكون صح
ويريح قلبي اللي بيوجعني من الصوت ده..لان انا حساس لاي مصدر صوت من السياره بتاعتي وخصوصا انها لسه جديده وانا خبرتي بالسيارات ضعيفه جدا
شكرا لسعه صدركم واسف للاطاله
احمد فريد

اية دخل المساعد بدوسة الفرامل بالبطيخ !!!
روح ياباشا لاى بتاع كفتة .....وخلية يبصلك على لقم التيل لو سليمة (مش متآكلة)
خلية يقكهم ويغسلك طقم التيل والطنابير ....واوعى تخلية يغسلهم ببنزين
لان احيانا لاقدر الله مع الاحتكاك الشديد بين التيل والطنابير ساعات بتتولد شرارة خفيفة
لكن مهما كانت خفيفة (شرارة +بنزين) = انت عارف الباقى
...............
بس سؤال حضرتك التيل دا لسه راكب جديد ؟؟
وللا قديم وفجأة ظهرت الصفارة ؟؟

وخير ياباشا ان شاء الله

والله ماشاء الله اانا ماصدقتش انه يجي رد بهذه السرعه فعلا هنا الناس منتهى الاحترام
انا فعلا مش عارف ايه علاقه المساعدين بدواسه الفرامل!
=========
بس سؤال حضرتك التيل دا لسه راكب جديد ؟؟
وللا قديم وفجأة ظهرت الصفارة ؟؟
======
لا ده تيل الفرامل القديم الاصلي بتاع العربيه
......
متشكر ليك جدا ولذوقك ..وانا هاروح اعمل اللي قولتلي عليه بالظبط

المشكله 90% من التيل
لكن ال 10% الباقى ممكن تكون من الطنابير نفسها وهى انك ممكن تكون دخلت فى ميه والطنابر سخنه فبيحصل فيها تقفيع واتمنى انها تكون تيل

يا أخي الكريم

لو الصفارة خفيفة ومتقطعه يبقى مفيش مشكلة اصلا
لأن كل ما في الأمر
ان انواع التيل الجديد غالبها بيبقى فيها شرائح نحاسية خفيفة داخل التيل
فلما بتضرب فرامل على خفيف كده بتسمع زي صوت همس خفيف كده طالع من العربيه

التيل لو انتهى عمره كان صفر بصفة مستمره وصوت عالي

اما غير كده يبقى زي ما بقولك وريح دماغك علشان محدش يخسرك فلوسك ان شاء الله خير

اقتباس:

---

المشاركة الأصلية كتبت بواسطة razini89

المشكله 90% من التيل
لكن ال 10% الباقى ممكن تكون من الطنابير نفسها وهى انك ممكن تكون دخلت فى ميه والطنابر سخنه فبيحصل فيها تقفيع واتمنى انها تكون تيل

---

هى حكاية التقفيع دى صعبة اوى لكن واردة بردو
غاليا الريجا اللى بتحصل فى الطنبورة بتكون نتيجة ان تيل الفرامل فى مرة من المرات نقص اوىىىىى ومشيت عليه بردو ساعتها بتحصل ريجة فى الطنبورة نفسها
او ان حيانا الطنبورة نفسها بتكون مش مظبوطة ! (ملووحة او فيها عالى وواطى)

لكن فى جميع الحالات دى مش هتعمل صفارة
بتعمل رعشة اثناء الفرملة
...
الصفارة بتكون لاحد الاسباب
1- التيل خلصان
2-تيل جديد لكن نوعه وحش
3-طنبورة جديدة او تيل جديد (زوائد او رتوش معدنية خفيفة) بتروح مع التطبيع
4-التصاق اوساخ او اتربة بسطح التيل او الطنبورة
5- واخيرا خشونة فى بلية السرة نفسها (ودى بتتفك وتتغسل وتتشحم)

اقتباس:

---

المشاركة الأصلية كتبت بواسطة ahmed237

والله ماشاء الله اانا ماصدقتش انه يجي رد بهذه السرعه فعلا هنا الناس منتهى الاحترام
انا فعلا مش عارف ايه علاقه المساعدين بدواسه الفرامل!
=========
بس سؤال حضرتك التيل دا لسه راكب جديد ؟؟
وللا قديم وفجأة ظهرت الصفارة ؟؟
======
لا ده تيل الفرامل القديم الاصلي بتاع العربيه
......
متشكر ليك جدا ولذوقك ..وانا هاروح اعمل اللي قولتلي عليه بالظبط

---

العفو ياباشا احنا اخوات....

اقتباس:

---

المشاركة الأصلية كتبت بواسطة أبو عبدالله

يا أخي الكريم

لو الصفارة خفيفة ومتقطعه يبقى مفيش مشكلة اصلا
======
هي فعلا صفاره ليست بالصوت القوي جدا ومتقطعه
.......

اما غير كده يبقى زي ما بقولك وريح دماغك علشان محدش يخسرك فلوسك ان شاء الله خير

---

معلش ياابوعبدالله اروح اغسل التيل والطنابير واشوف
جزاك الله خير

اقتباس:

---

المشاركة الأصلية كتبت بواسطة razini89

المشكله 90% من التيل
لكن ال 10% الباقى ممكن تكون من الطنابير نفسها وهى انك ممكن تكون دخلت فى ميه والطنابر سخنه فبيحصل فيها تقفيع واتمنى انها تكون تيل

---

متشكر لردك واهتمامك..انا بس سايب السياره لاني في السعوديه في شغل وجاي بعد عشره ايام ان شاء الله.

سبحان الله المشكله دي في معظم العربيات اللي جايه في السعوديه
مش عارف ليه
انا برده صاحبي في الانترا عندو نفس الصوت في الملفات و في الفرمله
بس صوت متقطع ساعات ييجي و ساعات يروح