الموضوع: التعديلات اللي هتم في العربيه و ومحناج مساعده من اصحاب الخبره خصوصا استاذ ممدوح

انا بأذن الله نويت اعدل علي العربيه وحطيت الاساسات و الحاجات اللي هعملها و الميزانيه اللي هبدأ بيها و لو نقصني حاجه فا هكمل عليها بعدين , انا من منطق اني بحب العربيه دي و مش عايز ابيعها قررت اعدل عليها بما ان الموضوع ده فبالي من زمان و دلوقتي قررت انفذه .. هخلي العربيه للسباقات و الدريفت وكدا .. طبعا ناس كتير هتقول الدلانوس متستاهلش و وحشه و الكلام ده .. لاكن العريبه دي بتستحمل و بعد التعديل بتفرق جامد و شوفت ناس كتير اختاروا الدايو في التعديل و مندموش .. و انا حابب اعدل فيها علشان اكون مختلف برضو عن معظم الشعب اللي بيعدل علي السيفك , معلش طولت المقدمه و دلوقتي هبدأ في الحاجات اللي ناوي اعملها و الحاجات اللي عايز اعرفها و ان شاء الله افيد و استفيد ..

1-الماتور : هيغيره لانه ودع و محتاج عمره فبدل العمره انا هسقط ماتور و استاذ ممدوح نصحني باليجانزا و ان شاء الله هسقطه .. بس عايز اعرف التكلفه المكنه و التركيب ؟

2-العفشه سبورت : طبعا انا مع الماتور و التعديلات التانيه هغير العفشه لحاجه تستحمل , و سألت استاذ ممدوح علي الموضوع ده و ان شاء الله هجيب سوست ابكس ب1355 و طقم كوني ب3000

3-الفرامل : طبعا احدي مشاكل اللانوس هي الفرامل , فا انا هغير الفرامل الاماميه بطنابر وتيل ebc ب1850 .. و كنت عايز اعرف ممكن اغير الخلفيه بطنابر برضو ولا يتعدل عليها بس ؟

4-نظام العادم : هغير الاكسوست سيستم و اركب ديفل .. بس معنديش خلفيه عن الموضوع ده اوي , كنت عايز اعرف ازاي بيتم الموضوع و تكلفته بتكون اد فيه المتوسط طبعا

5-بودي كيت كامله : هركب اكصدام امامي متعدل و اكصدام خلفي متعدل و كابوت كاربون متعدل , كنت عايز اعرف انا بجيب الحاجات دي استيراد وكدا ولا بتتعمل ازاي؟ و لما تكون حاجات جامده و شكلها حلو و كدا ايه متوسط تكلفتها ؟

6-الجنوط : طبعا هغير الجنوط ل 15 سبورت

7- الدهان و السمكره : العربيه محتاجه شغل دهان و سمكره بسبب الخبطات و الخدوش .. هخلي لونها دارك بلو ميتالك .. و ايه التكلفه في موضوع الدهان بس يكون شكله حلو و كويس

8- فرش الكراسي : هغير الفرش لجلد اسود ف دارك بلو زي لون العربيه فا الموضوع ده بيتكلف اد ايه ؟

9- فلتر k&n سبورت : هركب فلتر سبورت علشان ازود القدره الحصانيه , و عايز اعرف تكلفته بالتركيب ..

10- طاره سبورت : في حدود ال 500

وبكدا اكون عدلت علي العربيه و حققت حلمي و اللي ف بالي بئاله سنين ..و انا شاكر جدا لكل الاعضاء اللي جاوبوني مسبقا و اللي هيردوا علي استفساراتي .. و بعد م اعرف كل الاسعار و كدا هقولكم علي ميزانيتي و الحاجات اللي هتتعمل قريب واللي هأجلها .. و ان شاء الله بعد التعديل هنزلكم الصور بكل حاجه .. و شكرا

ايوه، مع بعض التعديلات بيركب.. مهند شوقي كان مركبه قبل ما يسقط الاوبل