بالصور - مسمار تثبيت غطأ التاكيهات أتكسر - وكيفية اصلاحه -ابيزا
السلام عليكم حبايبى فى الله ...
الموضوع ان جوان غطا التكيهات كان بيجيب زيت فربطت المسامير جامد لدرجة انى قرط عليهم اوووووى
فبردو الجوان قعد يجيب زيت و متابعتى ليه كل يوم بردو بيجيب زيت قلت لا اغيره بقى :36_7_4[1]:
رحت اشتريت جوان جديد ورحت عند الاسطى عصام عشان اغيره لقيت عنده شغل كتير وكذا عربية
رحت راكن بعد الورشة وقالى شوف شغلك :120105~352:
اوم ايه بقى جى بفك اول مسمار من ناحية الاسبراتير لقيته بيلف عالفاضى :shyy:
يا حلاوة اتارى المسمار اتكسر السن جوا القاعدة اللى هيا ماسكة الاسبراتير
http://nileup.com/up/uploads/nilemotors_13964694251.jpg
الصراحة دمى اتحبس خفت لا فك وش السلندر كله واروح بيه للخراط
فندهت على الاسطى عصام وقلت له المسمار اتكسر وانا زعلان
قالى متقلقش حاجة بسيطة
قالى فك الصمولتين اللى هما ماسكين قاعدة الاسبراتير مع التكيهات ودى اللى فيها السن المكسور
وبعدين فكيت الاسبراتير وبعدين فكيت مسمارين طوال كده بتوع الاسبراتير بردو
وهب القاعدة طلعت فى ايدى اللى فيها السن المكسور
قالى روح للخراط اسمه اشرف فى فيصل وخليه يفكهولك
رحت له مفيش نص ساعة كان فكه ونضفهولى تانى من الرايش
ورجعت على الاسطى عصام وادانى مسمار من عنده وصنفرت الوش بتاع غطا التاكيهات ونظفته كويس وركبت الجوان وبقى تمام الحمد لله
انا عملت الموضوع ده لانه ممكن يخض فعلا بس هوا الحمد لله حاجة بسيطة
ملحوظة : هوا المفروض فى ثلاث مسامير لغطا التاكيهات قواعدهم ممكن تتفك كل قاعده بصمولتين مقاس 11
وشكرا