تغيير وتعديل كومبريسور تكييف بروتون ويرا 2004
النهارده حبيت انقل تجربتى مع تكييف العربية البروتون ويرا
طبعا بعد ما كشفت على التكييف لقيت ان الكباس باااااااااظ :36_2_49[1]: المهم قعدت اسأل وادور على كباس زيه بس هو صعب شوية ومش موجود كتير وسعره غالى المهم ربنا وفقنى وبعتلى الأخ العزيز الأستاذ يوسف ودلنى على الطريقة الصح عشان اخلص من القصة دى نهائيا وهى بتغيير الكومبريسور من الموديل بتاعى (الكومبريسور الصغير) الى كومبريسور موديل 2000 واعتقد انه هو هو بتاع البطة.
ودى صورة الكومبريسور الصغير
[IMG]http://nileup.com/up/uploads/nilemotors_13964745751.jpg[/IMG]
ودى صورة الكومبريسور الكبير
[IMG]http://nileup.com/up/uploads/nilemotors_13964745762.jpg[/IMG]
ودى صورة الكومبريسور الاثنين مع بعض وطبعا فرق الحجم واضح
[IMG]http://nileup.com/up/uploads/nilemotors_13964745763.jpg[/IMG]
طبعا اهم حاجة لما تغير الكومبريسور هى القاعدة اللى بتركب في الماتور وبيركب عليها الكومبريسور وطبعا أ\ يوسف له الفضل انى اشتريت الكومبريسور بالقاعدة بتاعته وهى نفس القاعدة بتاعت الموتور بتاعى بس بتاعة الكومبريسور الكبير وركبت بدون اى تعديلات وبكل سهولة.
[IMG]http://nileup.com/up/uploads/nilemotors_13964745764.jpg[/IMG]
[IMG]http://nileup.com/up/uploads/nilemotors_13964745765.jpg[/IMG]
نيجى بقى للمواسير لازم برده يكون معاه مواسيره وهى كمان بتحتاج تعديل عشان اماكنها مختلفة والحمد لله الراجل اللى ركبت عنده جنبه واحد بتاع لحام وشغال فى الموضوع ده, وده سهل الموضوع ودى صورة اثناء لحام المواسير
[IMG]http://nileup.com/up/uploads/nilemotors_13964745776.jpg[/IMG]
كده الكومبريسور ركب والمواسير ركبت وبعد كده بيبقى الموضوع عادى زى اى صيانة تكييف يعنى كبس وتأكد من عدم وجود تسريب ثم الشحن والحمد لله خلصنا والتبريد كويس والكباس الجديد مش بيحمل على الموتور زى القديم الصغير واحب اكرر شكرى للأخ العزيز يوسف على المساعدة وبصراحة من غيره كنت هخاف اعمل القصة دى