الموضوع: مقابلة سريعه - عباد الرحمن للاستيراد - كل الشكر لحسام بيه

السلام عليكم و رحمة الله و بركاته

امس الساعه 10 مساءا تقابلت مع احبائي حسام بيك الصادق و استاذ جرجس بيك و احمد بيه اباظه بجوار محل قطع غيار السيارات الاستيراد الالمانية عباد الرحمن لصاحبه استاذ ايمن جمعه

كان لقاء ممتع و الراجل اسعاره كويسه لحد كبير بل ممتازه و ربنا يكرم و نقدر نعمل معاه ديل كويس للمنتدي هنا و لاعضاءه و نعتمده مصدر مباشر لقطع الغيار الاستيراد لنا و نقدر نستفيد كلنا منه ان شاء الله

كل الشكر و التقدير لحسام بيه علي برمجته لريموت عربيتي اللي حاولت قليلا ابرمجه و متبرمجش ليه مش عارف لكن هنعتمد في القسم حسام بيه مبرمج و مورد للريموت الاصلي في القسم ههههههههه و كمان كان شاريلي ريموت و ايمن مرضيش يرجعه و مرضيش كمان ياخد ثمنه ... احرجني الصراحة و مش عارف اعمل ايه معاه

اشتريت امبارح طاسة عجل مقاس 14 اوريجينال سيات شبيهه للطقم عندي اللي للاسف مش بينزل زيه تقريبا و اشتريت كمان الصباع اللي بيتثبت في القايم و بيقفل عليه لوك الباب لأنه متأكل قليلا عندي اخدتهم الاتنين ب 60 جنيه

ان شاء الله اليوم هروح كمان اخد من عنده الكاسيت بالشاشة بأزرار التكييف التاتش (كلهم مرتبطين ببعض كنترول و كهرباء و بورده واحده ) و سماعه خلفية لعربيتي الكوردوبا لأن الشاشة القديمة عندي فيها اجزاء من الحروف و الارقام مش بتظهر و كمان فيه بعض الازرار البسيطة (push bottons )في الكاسيت مبقتش تشتغل
اتفقت اخد القصة دي ب 310 .. و انا ناوي اديه 300 فيهم ان شاء الله

هتفق معاه كمان في دوشمتين امامي (جنبين كاملية ببلي العجل و الطنابير و الكاليبرات و التيل ...) بيقلي زي الجديد زيرو تقريبا لم يستعمل و هبقي اقلكم اخدتهم بكام ان شاء الله

في المجمل اسعاره ممتازة و اللي حابب يظبط حاجه يقول نجمع بعض و ننزل نتفق و نشتري عشان ناخد اسعار كويسة + مصداقية بيننا و بينه + محاولة لاعتماد احد الموردين لقطع الغيار يكون كويس بالنسبالنا و اسعاره كويسه و ناخد منه اللي احنا عايزينه من اشياء و مواصفات

كل الشكر لأخي محمد سيد لأنه برده كان قلي عليه و لكن لم اتعامل معه من قبل و ايضا استاذ حازم احمد صاحب لينك الموضوع ده اللي وجهنا و عرفنا بيه من جديد
http://www.nilemotors.net/Nile/411950-a.html

و بالتوفيق للجميع و نتمني نعمل مقابلة قادمه لأن فيه كثير من الاخوه الجداد اللي نفسنا نشوفهم و نتعرف عليهم عن قرب و نكمل مجموعة سيات نايل موتورز علي الخير و الود و الحب ان شاء الله و منتظر اقتراحاتكم