السلام عليكم انشاء الله بكره هروح جرجا (سوهاج) بالعربية عاوز اعرف احسن طريق ايه
عرض للطباعة
السلام عليكم انشاء الله بكره هروح جرجا (سوهاج) بالعربية عاوز اعرف احسن طريق ايه
انا شايف ان احسن طريق هو طرق الجبل الغربى و ده توصله عن طرق الفيوم، يعنى تمشى فى طريق الفيوم و فى اخره اليفط هتدلك بسهولة و بعدين الطريق هيبقى محدد و سهل، و ابقى اشترى رمان من منفلوط، هيعجبك أوى
بص ياباشا انت تاخد الصحراوي الغربي او الشرقي لغايه اسيوط وأنصحك بالغربي عشان اوسع ده لوليك في السرعه وبعدين عند اسيوط هتحول زراعي لغايه جرجا وخد بالك الطريق ده وحش وماتعديش ال90 فيه علشان كله مطبات وحيوانات وسواقين بيطلعوا تلاتات واربعات والطريق ضيق لوحده وخد بالك المشوار لغايه جرجا مش سهل
وأنسي حكايه منفلوط لأنك داخل صحراوي وبعدين جنينه الرمان اتباعت وأبقي شرفنا
According to Google earth, you can take the west desert road from midan elremayah down to beyond Assiut. It reaches to Souhaj to a level close to Jerja.
If it is true, i do beleive, you wouldrather take it away from elzera3i road.
زي ما قاللك اسلام باشا بالظبط
أنا سوهاجي وعايش ف أسيوط
انت من القاهرة تاخد الصحراوي الغربي وبعدين تدخل أسيوط وتكمل على الزراعي وتاخد بالك كويس عشان الطريق مليان مطبات خصوصا من مدخل طما لحد سوهاج
شوفلك ميكروباص تويوتا ولا بيجو سبعة راكب وخليك وراهم..هم حافظين كل شبر ف السكة
توصل بالسلامة.
islambana
أنا اصلا معيشتي كلها ف أسيوط بس أهلي كلهم ف سوهاج ف على طول بين هنا وهناك يعني
انا سوهاجى من البلينا وعايش فى اكتوبر
لا لا لا
كده احنا نعمل مركز شباب سوهاج انا كمان من سوهاج من طهطا اساسا
و عايش طول عمري في القاهره
هى اسيوط حلوه ياجماعا اصل انا عمامى كلهم هناك وماروحتهاش الا مره واحده وانا صغير اووى
ويعتبر اهلى كلهم فى اسيوط وانتو شكلكو كده مبسوطين والحياه حلوه