تجديد رخص السيارات عن طريق النت واستلام الرخصة في مكانك واستفسار مهم جدا ..

الزملاء الأعزاء أعضاء نايل موتورز ..
السلام عليكم ..واسعد الله صباحكم بكل خير

زي العنوان استفساري عن تجديد رخصة تسيير السيارة من علي النت ودفع الضرائب والمخالفات بالفيزا كارد ..كان فيه تصريح قريب من شهر من مسئولين في المرور ان الخدمة هتشتغل قريبا ويبعت الرخصة متجددة بالبريد ..ياترا اشتغلت ولا لسة مفيش حس ولا خبر وحد مر بالتجربة دي قريب ؟ ولو العربية فحصها السنه دي 2014 ؟ ممكن التجديد عن طريق النت او ممكن الدفع وعمل كل الاجراءات وتقف ع الفحص ؟ افييدونى افادكم الله التجديد فاضله كام يوم ومفيش داعى لبهدلة المرور ..
وكمان انا بطاقة الرقم القومى العجوزة-جيزة ولما جيت ارخص في 2011 كان مرور العجوزة محروق ومنقول للدقى بعد الثورة بايام .. وطلعت الرخصة مكتوب عليها وحدة مرور الدقى ..وانا بجدد سنة بسنة عشان كان فيه تفكير في تغيير العربية ..السنة اللي فاتت مكانوش راضيين يجددوا السنة وبيقولوا روح العجوزة رحت كانوا عايزين افحص ومكنتش مستعد للفحص ولا العربية كانت معايا جبت واسطة من رئيس نيابه لضابط رئيس مرور الدقى ومشاهالى ياترا السنة دي الوضع هيكون ايه ارجو مشاركة التجارب المشابهة .

وشكرا لحسن متابعتكم وتعاونكم ..