عربية ندمت أنك اشتريتها (موضوع للنقاش)

**osama 2014** · 03-04-2014 07:24 PM

المشاركة الأصلية كتبت بواسطة new_man

فيات نصر 127 ومش هقول بعد كده كلام :d

لحد هنا الحوار خلص كفيت ووفيت ههههههههههههههه

**samaty** · 03-04-2014 07:58 PM

طيب خد عندك دي
فيات 126
اشتريتها وندمت اني اشتريتها
وكانت مطلعة عيني على الآخر رغم إني اللي بعمل كل حاجة فيها من ميكانيكا وكهرباء
وزاد ندمي لما بعتها
بدور على واحدة تانية
التانية شيري ايه 11
الكنترول باظ وقعدت سنة ادور عليه وراكن العربية وفجأة عدلتها لكاربيراتير واكتشفت انها جميلة وناعمة جدا وثابتة زي الألماني

**J A G U A R** · 03-04-2014 08:32 PM

الحمد لله مندمتش على حاجه

**ma7med** · 03-04-2014 08:51 PM

والدي اشترى لانوس 99 اوتوماتيك طلعت عنيننا كل شوية تعطل ده كانت كل اسبوعين عند الميكانيكي
و اخرتها العربية كانت اول لما تدورها وتدوس على الاكسلاتير و لا كأنك بتدوس و لازم تستنى 10 دقائق عشان تتظبط
وطلع انها عاوزة تغير الكومبيوتر طبعا زهقنا منها و اتباعت الحمد لله بعد مصاريف قد كدة

**rompo10** · 03-04-2014 09:12 PM

بيجو 406 وماحدش يسالني عشان مانمسكش في بعض

**elpasha1** · 03-04-2014 11:40 PM

كرستالة 98
العربية اساسيات سليمة بس
اي حاجة تاني فيها شغل
طلعت عين اللي جابوا امي

**maheralsisi** · 04-04-2014 11:15 AM

على فكرة العربيات قرف (بكسر القاف زى القرفة كده ) و تمشى قرف برضه
ممكن تبقى مع غيرك زى الفل تيجى معاك يركبها عفريت تبيعها تلاقيها ماشية مع اللى اشتراها زى الفل عادى
انا بالنسبة لى كانت فورد اسكورت . كانت غريبةةةةةةةةة
يبقى فيها العيب قدام عينك . اول ما تروح للميكانيكى تلاقيها ظبطت لوحدها و الراجل يحتار العيب فين و طبعا ما يعرفش و كده يعنى .
كل ما تركن و تطلع البيت تلاقى حاجة . فانوس مكسور . عجلة ع الارض كلب ع السقف .
مرة مكنة زجاج و مرة الزجاج . جننت اهلى و فى الاخر عملت حادثة هههههههه و بعتها بحادثتها زى ما هى

**mahmoud.69** · 04-04-2014 12:24 PM

ندمت اني اشتريت بي ام موديل 93 وكان معايه دايو مريحاني موديل 2005 بعتها علشان اجيب الغم ليه
اوﻵ مع حبي الشديد لي البي ام لكن البي ام مايتركبش غير موديل 2000 لكن موديل قديم ميت وبتعالجة لا هيشفي ولا هيقوم
طلعت كنت موهوم بي المثل الاهبل الي بيقول اسد عجوز ولا قرد بصحتة طلع ان القرد كفائة
البي ام لما كنت بتدخل علي ميكانيكي ينطبق عليه المثل الي بيقول ماشفش الحمه شاف ك....... اتجنن اسعار مصنعيه هبلة وكمان العربية في السحب مافيش مكنتش اعرف ان البي ام في 1600 الدايو تكلها كانت مكنة عيانة اووووي وكل الميكانيكي يقولي سقط 2500 سي سي يانهار ابيض هيا مصر فيها مكان للجري اصﻵ علشان اسقط 2500 وكمان هو الواحد فاضي يقعد جمب الميكانيكي وياعالم هيطلعها مظبوط ولا هفضل اجري بيها علي الميكانكية وفي الاخر تغلبني ويبقا كل مرتبك ضايع علي العربية فانصيحة لي اي واحد متجوز زي ابعد عن القديم بقرفة انا عندي فيرنا افضل مليون مرة من بي ام موديل 90

-

الموضوع: عربية ندمت أنك اشتريتها (موضوع للنقاش)

LinkBack

أدوات الموضوع

عرض

-

-

-

-

المواضيع المتشابهه

للفيرناوي بس تعمل اية مع عربية من غير مراية .. حاجه صعبة ( موضوع للنقاش )

اسعار الحاجات اللي اشتريتها ل 128 من ساعة ما اشتريتها

موضوع للنقاش

رش vs رم ؟؟؟؟ موضوع للنقاش

موضوع مهم للنقاش جدا

الكلمات الدلالية لهذا الموضوع

المفضلات

المفضلات

ضوابط المشاركة