عربية ندمت أنك اشتريتها (موضوع للنقاش)

أكيد كلنا مرينا بتجارب كتير مع عربياتنا بعضها كويس وبعضها طلعت عنينا :019F3B~14:فأنا حبيت أشاركم تجربتي وحابب أسمع منكم تجاربكم مع العربيات والسؤال هو:
إيه أكتر عربية طلعت عنيك وندمت أنك اشتريتها ؟

بالنسبه لي أنا مقيم في السعودية أشتريت عربية شفروليه لومينا موديل 2000 وللأسف تسرعت ولم أفحصها وندمت بعدها ندم السنين من العذاب والمصاريف صرفت عليها أكتر من ثمنها مره الحراره ومره التكييف ومره المساعدات وعمرها ما ظبطت معايا أبدا اذا اشتغل التكييف ارتفعت الحراره واذا صلحت الحراره باظ التكييف وفي الآخر انتهى بيها المطاف مركونه قدام البيت ومش عارف ابيعها ب10% من الثمن اللي اشتريتها بيه لأن ببساطه ماتورها باظ وتصليحه أغلى من سعرها.

معلهش اذا كنت صدعتكم بتجربه في عربيه مش موجوده في مصر لكن الهدف منها افحص العربيه كويس جدا قبل ماتشتري علشان مايكونش حالك زيي.:shyy:

من المستعمل
بيجو ٢٠٥ كان مقلب العمر اشترتها بليل مع واحد صاحبي فاكره بيفهم طلعت كانت شغاله في شركة تاءجير عربيات الاساسيات سليمه بس بلا مبالغه مكنش فيها مسمار سليم كله بايظ موتور فتيس علبة دركسيون فركت من الدركسيون تابلوه بيتخلع عفشه نيله ده مره عصاية الفتيس طلعت في ايدي
ريتمو ٧٥ الوالد كان شاريها لي زمان من غير ما يكشف كانت عامله حادثه و جايبه فرد شاسيه و كل مره تتلحم الشاسيه يفتح

من الزيرو
لانسر كريستاله خليجي مو ٩٨ مش بتاعة مصريه الوكيل و كانت النتيجه ان العربيه شخللت بدري بدري و جابت علبة دركسيون و عملت حادثه و اتباعت
الزغلول الكبير بقى الباسات التربو ام فتيس منيل و انخدعت بتكنولوجيا الفتيس من الناحيه النظريه و كنت اول واحد في مصر راكب الباسات التربو عشان كانوا جايبين عربيه واحده مش للبيع و الباقي كان Fsi و انا صممت عشان فرق الاداء الرهيب و كانت الصدمه العربيه اتغير لها للفتيس مرتين و مفيش فايده
ربنا يديم نعمة الكورولا و الهوندا الصراحه

دايو جوليت مستعمله علمتى الادب
اكسنت ٢٠٠٥ برضو ربتنى
اما الزغلول الكبير c ١٨٠ موديل ٢٠٠٣ و دى اسواء حاجه عملتها مرسيدس فى تريخها
ربنا يديم نعمه البى ام

اقتباس:

---

المشاركة الأصلية كتبت بواسطة hany63

من المستعمل
بيجو ٢٠٥ كان مقلب العمر اشترتها بليل مع واحد صاحبي فاكره بيفهم طلعت كانت شغاله في شركة تاءجير عربيات الاساسيات سليمه بس بلا مبالغه مكنش فيها مسمار سليم كله بايظ موتور فتيس علبة دركسيون فركت من الدركسيون تابلوه بيتخلع عفشه نيله ده مره عصاية الفتيس طلعت في ايدي
ريتمو ٧٥ الوالد كان شاريها لي زمان من غير ما يكشف كانت عامله حادثه و جايبه فرد شاسيه و كل مره تتلحم الشاسيه يفتح

من الزيرو
لانسر كريستاله خليجي مو ٩٨ مش بتاعة مصريه الوكيل و كانت النتيجه ان العربيه شخللت بدري بدري و جابت علبة دركسيون و عملت حادثه و اتباعت
الزغلول الكبير بقى الباسات التربو ام فتيس منيل و انخدعت بتكنولوجيا الفتيس من الناحيه النظريه و كنت اول واحد في مصر راكب الباسات التربو عشان كانوا جايبين عربيه واحده مش للبيع و الباقي كان Fsi و انا صممت عشان فرق الاداء الرهيب و كانت الصدمه العربيه اتغير لها للفتيس مرتين و مفيش فايده
ربنا يديم نعمة الكورولا و الهوندا الصراحه

---

معاك حق مفيش أحسن من الياباني خاصة لو كان زيرو بس المشكله اللي بيغريني هنا في الأمريكي القوه المهوله للماتور كانت3600 cc
بس أحسن حاجه ضحكتني بجد ( ده مره عصاية الفتيس طلعت في ايدي ):36_2_33::36_2_33::36_2_33: شكرا على مشاركتك للتجارب دي بصراحه كلها مواعظ :tumb:

اقتباس:

---

المشاركة الأصلية كتبت بواسطة osama 2014

معاك حق مفيش أحسن من الياباني خاصة لو كان زيرو بس المشكله اللي بيغريني هنا في الأمريكي القوه المهوله للماتور كانت3600 cc
بس أحسن حاجه ضحكتني بجد ( ده مره عصاية الفتيس طلعت في ايدي ):36_2_33::36_2_33::36_2_33: شكرا على مشاركتك للتجارب دي بصراحه كلها مواعظ :tumb:

---

طب لعلمك بتكلم جد بلا مبالغه طب ده انا مره كنت مع خطيبتي اللي هيا زوجتي حاليا و خارجين من لاشانتيه مصر الجديده و اخوك اخر شياكه و تناكه و لسه بطلع من الركنه و انا في نص الشارع لقيت صليبة الدركسيون فركت و العربيه ما بتحودش نزلنا نزق و جم ناس بقم يكسروا العجل بايدهم و اتبهدلنا و ركنتها و خدنا تاكسي و المصيبه الكبيره لما صرفت فلوس نقطة الفرح ٤٠٠٠ جنيه في عز الرخص ستة ٩٢ على العربيه بدون فايده

اقتباس:

---

المشاركة الأصلية كتبت بواسطة minicooper20

دايو جوليت مستعمله علمتى الادب
اكسنت ٢٠٠٥ برضو ربتنى
اما الزغلول الكبير c ١٨٠ موديل ٢٠٠٣ و دى اسواء حاجه عملتها مرسيدس فى تريخها
ربنا يديم نعمه البى ام

---

ربنا يديمها عليك نعمه .... بس غريبه انك بتشتكي من الاكسنت والدايو بسمع دايما الناس بيشكروا فيها ولا دا بسبب سوء الاستخدام من اللي قبلك .. وبالنسبه للمرسيدس فدي مشاكلها معرفه تخيل هنا الكورولا أغلى منها لدرجة أن المرسيدس ال500s موديل 2003 و2004 سعرها بما يعادل 70 ألف جنيه مصري وبتتباع بالعافيه بسبب أعطالها

يا جماعه هو الواحد لو جاب عربيه مستعمله وبهدلته يبقى ده عيب فى العربيه !!؟

دة عيب اللى استخدمها قبل كده

اقتباس:

---

المشاركة الأصلية كتبت بواسطة ahmad--ezzat

يا جماعه هو الواحد لو جاب عربيه مستعمله وبهدلته يبقى ده عيب فى العربيه !!؟

دة عيب اللى استخدمها قبل كده

---

أكيد دا مش عيب من العربية بس لازم كلنا نستفيد من تجارب بعض واحيانا العربية بتزيد الطين بله خاصة لو صيني كل ما تغير حاجه تلاقي حاجه تاني باظت أو أمريكي لانها مكلفة جدا

وشكرًا لمرورك :openflower3::openflower3::openflower3::openflower 3:

اقتباس:

---

المشاركة الأصلية كتبت بواسطة ahmad--ezzat

يا جماعه هو الواحد لو جاب عربيه مستعمله وبهدلته يبقى ده عيب فى العربيه !!؟

دة عيب اللى استخدمها قبل كده

---

هوه ده الكلام المظبوط .... الله يفتح عليك

فيات نصر 127 ومش هقول بعد كده كلام :d

اقتباس:

---

المشاركة الأصلية كتبت بواسطة new_man

فيات نصر 127 ومش هقول بعد كده كلام :d

---

لحد هنا الحوار خلص كفيت ووفيت ههههههههههههههه

طيب خد عندك دي
فيات 126
اشتريتها وندمت اني اشتريتها
وكانت مطلعة عيني على الآخر رغم إني اللي بعمل كل حاجة فيها من ميكانيكا وكهرباء
وزاد ندمي لما بعتها
بدور على واحدة تانية
التانية شيري ايه 11
الكنترول باظ وقعدت سنة ادور عليه وراكن العربية وفجأة عدلتها لكاربيراتير واكتشفت انها جميلة وناعمة جدا وثابتة زي الألماني

فيات 128 ..كنت قاطع ابونيه كل اسبوع عند كهربائى وميكانيكى...وسمكرى وبوهيجى...بس اتعلمت عليها

الحمد لله مندمتش على حاجه

نوبيرا 2009 عارف انكم ممكن تتهموني بالجنون بس العربية دي رغم انها كانت تقريبا انضف عربية في اسكندرية بس مع ذلك كانت جاية معايا بالعكس وكانت كل شهر بتطلب مني حاجه كبيرة .. مرة طقم دبرياج كامل ديسك واسطوانة وبلية وفورش
مرة طرمبة المياه
مرةسير التقسيمة اتقطع ومش حقول ع اللي حصل ساعتها ..
كل ده بالرغم من اني شاريها ماشية 12 الف كيلو وكانت خراف بس تقريبا كانت واخده عين محترمة بس مع ذلك بعتها بيعه كويسة وبسعر كويس وبعدها ربنا كرمني بال A4 بس بعتها برضه ودلوقتي معايا A4 برضه بس حالة احسن بكتير https://www.facebook.com/photo.php?f...type=3&theater

والدي اشترى لانوس 99 اوتوماتيك طلعت عنيننا كل شوية تعطل ده كانت كل اسبوعين عند الميكانيكي
و اخرتها العربية كانت اول لما تدورها وتدوس على الاكسلاتير و لا كأنك بتدوس و لازم تستنى 10 دقائق عشان تتظبط
وطلع انها عاوزة تغير الكومبيوتر طبعا زهقنا منها و اتباعت الحمد لله بعد مصاريف قد كدة

بيجو 406 وماحدش يسالني عشان مانمسكش في بعض

كرستالة 98
العربية اساسيات سليمة بس
اي حاجة تاني فيها شغل
طلعت عين اللي جابوا امي

على فكرة العربيات قرف (بكسر القاف زى القرفة كده ) و تمشى قرف برضه
ممكن تبقى مع غيرك زى الفل تيجى معاك يركبها عفريت تبيعها تلاقيها ماشية مع اللى اشتراها زى الفل عادى
انا بالنسبة لى كانت فورد اسكورت . كانت غريبةةةةةةةةة
يبقى فيها العيب قدام عينك . اول ما تروح للميكانيكى تلاقيها ظبطت لوحدها و الراجل يحتار العيب فين و طبعا ما يعرفش و كده يعنى .
كل ما تركن و تطلع البيت تلاقى حاجة . فانوس مكسور . عجلة ع الارض كلب ع السقف .
مرة مكنة زجاج و مرة الزجاج . جننت اهلى و فى الاخر عملت حادثة هههههههه و بعتها بحادثتها زى ما هى

ندمت اني اشتريت بي ام موديل 93 وكان معايه دايو مريحاني موديل 2005 بعتها علشان اجيب الغم ليه
اوﻵ مع حبي الشديد لي البي ام لكن البي ام مايتركبش غير موديل 2000 لكن موديل قديم ميت وبتعالجة لا هيشفي ولا هيقوم
طلعت كنت موهوم بي المثل الاهبل الي بيقول اسد عجوز ولا قرد بصحتة طلع ان القرد كفائة
البي ام لما كنت بتدخل علي ميكانيكي ينطبق عليه المثل الي بيقول ماشفش الحمه شاف ك....... اتجنن اسعار مصنعيه هبلة وكمان العربية في السحب مافيش مكنتش اعرف ان البي ام في 1600 الدايو تكلها كانت مكنة عيانة اووووي وكل الميكانيكي يقولي سقط 2500 سي سي يانهار ابيض هيا مصر فيها مكان للجري اصﻵ علشان اسقط 2500 وكمان هو الواحد فاضي يقعد جمب الميكانيكي وياعالم هيطلعها مظبوط ولا هفضل اجري بيها علي الميكانكية وفي الاخر تغلبني ويبقا كل مرتبك ضايع علي العربية فانصيحة لي اي واحد متجوز زي ابعد عن القديم بقرفة انا عندي فيرنا افضل مليون مرة من بي ام موديل 90

اقتباس:

---

المشاركة الأصلية كتبت بواسطة taaaaaaaaaa7

نوبيرا 2009 عارف انكم ممكن تتهموني بالجنون بس العربية دي رغم انها كانت تقريبا انضف عربية في اسكندرية بس مع ذلك كانت جاية معايا بالعكس وكانت كل شهر بتطلب مني حاجه كبيرة .. مرة طقم دبرياج كامل ديسك واسطوانة وبلية وفورش
مرة طرمبة المياه
مرةسير التقسيمة اتقطع ومش حقول ع اللي حصل ساعتها ..
كل ده بالرغم من اني شاريها ماشية 12 الف كيلو وكانت خراف بس تقريبا كانت واخده عين محترمة بس مع ذلك بعتها بيعه كويسة وبسعر كويس وبعدها ربنا كرمني بال A4 بس بعتها برضه ودلوقتي معايا A4 برضه بس حالة احسن بكتير https://www.facebook.com/photo.php?f...type=3&theater

---

ربنا يباكلك في عربيك ويكفيك شرها :orangeabli:

اقتباس:

---

المشاركة الأصلية كتبت بواسطة j a g u a r

الحمد لله مندمتش على حاجه

---

يبقى أكيد ماشتريتش عربيه مستعمله صح؟

اقتباس:

---

المشاركة الأصلية كتبت بواسطة samaty

طيب خد عندك دي
فيات 126
اشتريتها وندمت اني اشتريتها
وكانت مطلعة عيني على الآخر رغم إني اللي بعمل كل حاجة فيها من ميكانيكا وكهرباء
وزاد ندمي لما بعتها
بدور على واحدة تانية
التانية شيري ايه 11
الكنترول باظ وقعدت سنة ادور عليه وراكن العربية وفجأة عدلتها لكاربيراتير واكتشفت انها جميلة وناعمة جدا وثابتة زي الألماني

---

ازاي ندمت انك بعتها وهي كانت مطلعه عينك ؟

انا كنت جايب عربيه128 كنت بتعلم عليها بدل ماجيب عربيه جديده وتتبهدل مني خلال 6 شهور من شرائها كنت جايبها 12 الف صرف عليه 7 لاف جنيه ولما بعتها خسرت فيها الف جنيه ولقيت عليا مخلفه عكس اتجاه 1007 ودفعتهم يعني موت وخراب ديار جابت وش سلندر وبعد كدا الموتور وقع وانا ماشي كان فيها بارومه وكان يوم عالمي روحت البيت يومها الساعه 2الفجر من عند الميكانيكي والسمكري وحلفت انها تتباع بكره وبعتها الحمد لله وجبت بعد كدا اكسنت ار بي 2012 زيرو والحمد لله علي نعمه الجديد وشكرا

اقتباس:

---

المشاركة الأصلية كتبت بواسطة maheralsisi

على فكرة العربيات قرف (بكسر القاف زى القرفة كده ) و تمشى قرف برضه
ممكن تبقى مع غيرك زى الفل تيجى معاك يركبها عفريت تبيعها تلاقيها ماشية مع اللى اشتراها زى الفل عادى
انا بالنسبة لى كانت فورد اسكورت . كانت غريبةةةةةةةةة
يبقى فيها العيب قدام عينك . اول ما تروح للميكانيكى تلاقيها ظبطت لوحدها و الراجل يحتار العيب فين و طبعا ما يعرفش و كده يعنى .
كل ما تركن و تطلع البيت تلاقى حاجة . فانوس مكسور . عجلة ع الارض كلب ع السقف .
مرة مكنة زجاج و مرة الزجاج . جننت اهلى و فى الاخر عملت حادثة هههههههه و بعتها بحادثتها زى ما هى

---

هههههههههههههههههههههه ربنا يعوض عليك دا شكله عفريت معلم بيصلح أي حاجه

انا عن نفسي اسؤا عربيه ركبتها كانت هنا ف السعوديه كانت فورد كراون فيكتوريا موديل 93 والحقيقه مش انا اللي اشترتها والدي هو اللي اشتراها انا دايما بقول ان القديم مالوش لازمه ان شاء الله تكون مرسيدس ... وريتنا الويل فتيس وموتور وحراره مش عارفين لها سبب لغاية لما اتباعت ... الغريبه ان الراجل اللي اشتراها كانت ماشيه معاه زي الفل !!!
الخلاصه الجديد مافيش احسن منه ... ولو هتجيب مستعمل يبقى تاخد موديل حديث وتفحصها كويس وياريت تكون من حد معرفه .

اقتباس:

---

المشاركة الأصلية كتبت بواسطة bassemali

انا عن نفسي اسؤا عربيه ركبتها كانت هنا ف السعوديه كانت فورد كراون فيكتوريا موديل 93 والحقيقه مش انا اللي اشترتها والدي هو اللي اشتراها انا دايما بقول ان القديم مالوش لازمه ان شاء الله تكون مرسيدس ... وريتنا الويل فتيس وموتور وحراره مش عارفين لها سبب لغاية لما اتباعت ... الغريبه ان الراجل اللي اشتراها كانت ماشيه معاه زي الفل !!!
الخلاصه الجديد مافيش احسن منه ... ولو هتجيب مستعمل يبقى تاخد موديل حديث وتفحصها كويس وياريت تكون من حد معرفه .

---

المستعمل بالذات في السعودية مش مضمون خالص هنا العربيه بعد خمس سنين بتتباع خرده دا أنا باشوفهم بيهروا العربيات جري وتفحيط(أمريكاني) وهيا لسا بأكياس الوكاله

إللى بيبع بيبع لسبب من 3

1- العربية إستوت و بتصرف
2- معيوبة - حادثة أو غيره
3- للتغير للأفضل و ده قليل - بس موجود

فالغالب بيكون المعروض ماليان بلاوى متدارية