اشتريت أفيو جديده 2014 و لدى عدة مشاكل و إستفسارات
السلام عليكم ورحمة الله
اشتريت أفيو 2014 و عملت بيها إلى الآن حوالى 150 كيلو فقط
أولاً المشاكل
1- صوت الموتور فى بداية التشغيل عالى و يوجد ما يشبه صوت صرصره عاليه
2- فبرة باب السواق لما بركن عليها بدراعى بتتحرك و بتعمل صوت طقه
3- مش عارف أخلى رشاشات المياه تطلع مياه عشان المساحات تمسح الزجاج و المساحات بتشتغل من غير ميه
ثانياً الإستفسار
1- هل يوجد إمكانية لوضع dvd بدلاً من cd
2- هل يمكن وضع بنزين 80 بدلاً من 90 لأنى لا حظت ان استهلاكها عالى
( ربع التنك تقريباً فى 150 كيلو )
3- أين يمكن تركيب لوحات السيارة الأمامية حيث لا يوجد مكان مخصص فى الإكصدام الأمامى
4- أنفخ الإطارات على كام ؟ أنا عاملها حالياً على 30
5- ايه نوع الزيت اللى أحطه و الميه اللى أحطها و أغيرهم كل أد إيه ؟
7- بالنسبة للأمان الخاص بالأطفال , أنا عاوز أقفل الأبواب الخلفيه بحيث إن بنتى (عمرها سنه ونصف) شقية جداً و بتحاول تفتح السنتر لوك و أنا متأكد انها هتقدر تفتحه و خايف من كدا , فهل فى وسيلة لجعل لوك الأبواب الخلفية لا يفتح إلا من الأمام ؟
8- بالنسبة لصيانة ال 1000 كم , أروح أول ما العداد يوصل 1000 كم و لو عديته بقى 1300 مثلاً هتكون فى مشكلة فى التوكيل ؟
متشكر لكم جداً و آسف لإزعاجكم :) و أتمنى تردوا عليا بأسرع وقت