الموضوع: اشتريت أفيو جديده 2014 و لدى عدة مشاكل و إستفسارات

بالنسبة للنمر لا يوجد أى بروز أو أماكن لوضعها فى الشكل الجديد

أنا احترت فى الموضوع دا

بالنسبة لسخونة الموتور هل دا شئ طبيعى ؟ لأنى فتحت الكبوت النهارده و كان سخن جداً جداً و بيطلع صهد , برغم إن المياه موجوده لحد نصف القربه تقريباً , خايف يكون فى مشكلة فى السيارة و أنا مش واخد بالى منها :(

هل ممكنت إرفاق صورة توضح مكان قربة مياه المساحات الخاصة بالأفيو ؟

المفروض الأفيو تنزل فيها الجزء دا (الرصاصى المصمت اللى تحت العلامه) :




و هو إسمه

license plate Bracket


محدش عنده علم أجيبه منين ؟

و شوفت واحد فى منتدى أجنبى عامل الحوار دا :




أنا لسه مرخص النهارده و لسه مستلمتش المانيوال :(

المشاركة الأصلية كتبت بواسطة khashabawy88

السلام عليكم ورحمة الله

اشتريت أفيو 2014 و عملت بيها إلى الآن حوالى 150 كيلو فقط

أولاً المشاكل
1- صوت الموتور فى بداية التشغيل عالى و يوجد ما يشبه صوت صرصره عاليه
الصوت عادى في بداية التسخين وبعدين يهدا ، الصرصرة تطلع ورقة وقلم وتكتبها علشان لما تروح التوكيل تقولهم عليها.
2- فبرة باب السواق لما بركن عليها بدراعى بتتحرك و بتعمل صوت طقه
تتكتب في الورقة والتوكيل يعملها
3- مش عارف أخلى رشاشات المياه تطلع مياه عشان المساحات تمسح الزجاج و المساحات بتشتغل من غير ميه
ممكن تكون القربة فاضية مكانها في كبوت العربية من الامام على اليمين ورا الفانوس مباشرة والغطا غالبا ازرق وعلية رسمة المساحات ولو مش شغالة بص على الفيوز او تكتبها في ورقة التوكيل ومشغلش المساحات من غير مية علشان تحافظ على الازاز و ميتخربشش

ثانياً الإستفسار
1- هل يوجد إمكانية لوضع dvd بدلاً من cd
عادى بس لية التكاليف ... الكاسيت بتاعها كويس
2- هل يمكن وضع بنزين 80 بدلاً من 90 لأنى لا حظت ان استهلاكها عالى
( ربع التنك تقريباً فى 150 كيلو )
ربع التانك يعنى حوالى 10 لتر ودة معدل كويس جدا والقياس الصح لية طريقة محددة وتحط بنزين 92 علشان نسبة الانضغاط المطلوبة لا يقل البنزين عن 87 وفقا للكتالوج
3- أين يمكن تركيب لوحات السيارة الأمامية حيث لا يوجد مكان مخصص فى الإكصدام الأمامى
معرفش هههههههه
4- أنفخ الإطارات على كام ؟ أنا عاملها حالياً على 30
على 30 وهتلاقى المقاس المطلوب مكتوب في درج التابلوة او على القايم
5- ايه نوع الزيت اللى أحطه و الميه اللى أحطها و أغيرهم كل أد إيه ؟
زيت 10000 كم وبيقعد سنة بحد اقصى وتغيرة في التوكيل علشان الضمان واوعى تحط زيت 5000 كم
7- بالنسبة للأمان الخاص بالأطفال , أنا عاوز أقفل الأبواب الخلفيه بحيث إن بنتى (عمرها سنه ونصف) شقية جداً و بتحاول تفتح السنتر لوك و أنا متأكد انها هتقدر تفتحه و خايف من كدا , فهل فى وسيلة لجعل لوك الأبواب الخلفية لا يفتح إلا من الأمام ؟
تفتح الباب الورانى هتلاقى مفتاح بيخلى الباب ميفتحش الا من برة بس ولا يمكن فتحة من داخل السيارة وطبعا كل باب لية المفتاح بتاعة
8- بالنسبة لصيانة ال 1000 كم , أروح أول ما العداد يوصل 1000 كم و لو عديته بقى 1300 مثلاً هتكون فى مشكلة فى التوكيل ؟
يفضل تعمل الصيانة في ميعادها علشان تحافظ على الضمان وطبعا كتيب الصيانة بيتختم من التوكيل
متشكر لكم جداً و آسف لإزعاجكم :) و أتمنى تردوا عليا بأسرع وقت

الف الف مبروك العربية الجديدة وربنا يديك خيرها ويكفيك شرها

انا اشتريت افيو من اسبوعين وهارد علي كل استفساراتك ان شاء الله

المشاركة الأصلية كتبت بواسطة khashabawy88

السلام عليكم ورحمة الله

اشتريت أفيو 2014 و عملت بيها إلى الآن حوالى 150 كيلو فقط

أولاً المشاكل
1- صوت الموتور فى بداية التشغيل عالى و يوجد ما يشبه صوت صرصره عاليه
دة طبيعي جدا اول التشغيل وبتهدا بعد من 4 الي 5 دقايق لما الموتور يسخن
2- فبرة باب السواق لما بركن عليها بدراعى بتتحرك و بتعمل صوت طقه
كلمهم في التوكيل في صيانة ال 5000 وهيحلوها ان شاء الله هتلاقي كلبس مخلوع او حاجة
3- مش عارف أخلى رشاشات المياه تطلع مياه عشان المساحات تمسح الزجاج و المساحات بتشتغل من غير ميه
القربة بتاعت المية بتييجي فاضية ودة حصل معايا املاها مياه وهتلاقيها في الكبوت من قدام يمين ظاهرة جدا وعليها علامة المساحات

ثانياً الإستفسار
1- هل يوجد إمكانية لوضع dvd بدلاً من cd
الكاسيت كلاريون mp3 ممتاز جدا وملوش لزوم ال dvd عشان متتشتتش وانت بتسوق ولو ان عايزة ضروري هتلاقي هلي ظهر الضمان بتاع الكاسيت موديلات كتير تركب علية وممكن تروح توكيل الكاسيت تركب اللي انت عايزة وهتلاقي العنوان في الضمان بتاع الكاسيت
2- هل يمكن وضع بنزين 80 بدلاً من 90 لأنى لا حظت ان استهلاكها عالى
( ربع التنك تقريباً فى 150 كيلو )
اولا التانك 45 لتر يعني الربع 11 لتر علي 150كيلو فوق الممتاز كدة حوالي 6.5 اتر لكل 100 كيلو ومتحطش بنزين 80 ابدا
3- أين يمكن تركيب لوحات السيارة الأمامية حيث لا يوجد مكان مخصص فى الإكصدام الأمامى
تحت علامة الشيفرولية الشبكة مصمتة واللوحة ركبت عادي جدا من غير مشاكل متقلقش من الموضوع دة
4- أنفخ الإطارات على كام ؟ أنا عاملها حالياً على 30
30 كويس جدا ودة الللي مذكور في الكتالوج
5- ايه نوع الزيت اللى أحطه و الميه اللى أحطها و أغيرهم كل أد إيه ؟
كتالوج الصيانة مذكور فيه كل تفاصيل الصيانة والشركة بترشح لك موبيل 1
7- بالنسبة للأمان الخاص بالأطفال , أنا عاوز أقفل الأبواب الخلفيه بحيث إن بنتى (عمرها سنه ونصف) شقية جداً و بتحاول تفتح السنتر لوك و أنا متأكد انها هتقدر تفتحه و خايف من كدا , فهل فى وسيلة لجعل لوك الأبواب الخلفية لا يفتح إلا من الأمام ؟
في الباب الخلفي فية لسانت صغير تحركة لفوق الباب ميفتحش غير من برة ودة اسمة قفل اطفال وهتلاقي مرسوم علية كدة
8- بالنسبة لصيانة ال 1000 كم , أروح أول ما العداد يوصل 1000 كم و لو عديته بقى 1300 مثلاً هتكون فى مشكلة فى التوكيل ؟
مفيش صيانة لل 1000 اول صيانة 5000 متقلقش من الموضوع دة
متشكر لكم جداً و آسف لإزعاجكم :) و أتمنى تردوا عليا بأسرع وقت

شكراً جزيلاً لكل الناس اللى عبرتنى و ردت على إستفساراتى فى حاجه كمان ظهرت فى العربية النهارده :

الراديو كان 10 / 10 و كان الترددات صوتها واضح جداً جداً جداً , دلوقتى بقى فى تداخل غير طبيعى و الصوت وحش جداً جداً جداً , و أين يوجد اريال الرديو ؟

تم تركيب لوح السيارة الأماميه عن طريق مسامير ووردات و صواميل فى خروم الشبكة الأماميه , فهل هناك مشكله فى ذلك حيث أن الشبكة ورائها جزء من الموتور و تقريباً تعمل على تبريده

اللوح الخلفية هى اللى طلعت مشكلة :) دوخت على ما لقيت لها مسمار :)

بالنسبة لرشاشات الميه , أنا اللى مكنتش عارف أشغلها المفروض أفضل ساحب الدراع شويه عشان ترش ميه :)

المشاركة الأصلية كتبت بواسطة khashabawy88

شكراً جزيلاً لكل الناس اللى عبرتنى و ردت على إستفساراتى فى حاجه كمان ظهرت فى العربية النهارده :

الراديو كان 10 / 10 و كان الترددات صوتها واضح جداً جداً جداً , دلوقتى بقى فى تداخل غير طبيعى و الصوت وحش جداً جداً جداً , و أين يوجد اريال الرديو ؟

الاريال هو نفسة شبكة التسخين في الزجاج الخلفي ( هتلاقي خيوط ظاهرة علي الشبكة )

تم تركيب لوح السيارة الأماميه عن طريق مسامير ووردات و صواميل فى خروم الشبكة الأماميه , فهل هناك مشكله فى ذلك حيث أن الشبكة ورائها جزء من الموتور و تقريباً تعمل على تبريده

لا مفيش مشكله

اللوح الخلفية هى اللى طلعت مشكلة :) دوخت على ما لقيت لها مسمار :)

بالنسبة لرشاشات الميه , أنا اللى مكنتش عارف أشغلها المفروض أفضل ساحب الدراع شويه عشان ترش ميه :)


خللي بالك مكتوب في الكتالوج متشغلهاش اكتر من 10 ثواني متواصله عشان الموتور بتاعها ممكن يسخن ويتحرق يعني تسحب الزراع خمس ثواني وسيبة وبعدها اسحبة تاني عشان تريح الموتور
والمساحات بتشتغل اتوماتيك مع المياة تمسح الزجاج وبعدها بتقف