-
استفسار بخصوص فابيا 2002
قدامى عربيه فابيا 2002 1400cc تكيف وباور المهم معروضه عليا على 40 الف هو صاحبها كان مشتريها من 6 شهور با 40 برضو وصرف عليها حوالى 4000 المهم هايبعهالى ب 40 الف هياخد 20 والعشرين التانيه هياخدها الف جنيه كل شهر على 20 شهر وبيقولى هدهالك ضمان سنه بس انا خايف يكون الموتور فيه حاجه وفى نفس الوقت انا شايف ان العرض مغرى جدا بس عايز اعرف لو الموتور عايز عمره هايتكلف كام ولو حبيت اسقطلها ماتور برضو هايتكلف كام وعايز رئيكم فى العرض نفسه ملحوظه العربيه شكلها نضيف جدا من بره ومن جوه
-
لو حالتها حلوة زي مبتقول
تبقي لوقطة طبعا ومتفكرش
بس انا مستغرب بصراحة السعر ده وكمان تقسيط وبالضمان !!
مفيش حاجة اسمها عربية مستعملة بالضمان
بس علي العموم لو حالتها ممتازة توكل علي الله
-
هو حضرتك صاحب العربيه حد محترم جدا وفى مقام والدى يكفى انى اقولك اننا كنا دخلين مشروع مع بعض والمشروع خسر والمفروض كان ليه 50 الف جنيه فوق راس مال المشروع ولما جينا نصفى قالى انا مش عايز الخمسين بتوعى صفى والى يطلع بالنص وهو عايز يدينى عربيته زى ما قولتلك كده بالتقسيط ومن غير وصل امانه ولا حاجه حتى الاقساط بيقولى انا عارف انت هتدفع شهر وشهر لا بس مش هاتفرق
يعنى مش عايز اوصفلك قد ايه هو محترم وموضوع الضمان هو بيقولى قدامك سنه اى حاجه هاتصرفها ابقى اخصمها من القسط بس بصراحه انا مش هاقدر اعمل كده يعنى اى حاجه هاتعطل هاصلحها على حسابى لان الراجل ده زى ما قولت موجب معايا
-
زي الفل يا باشا
وزي مقولتلك لو حالتها كويسة يبقي السعر مناسب جدا
توكل علي الله
Content Relevant URLs by
vBSEO 3.6.0 PL2