السلام عليكم ورحمة الله وبركاته
انا هاوي تصوير فوتوغرافي .. بس عايز ادرسه بشكل محترف اروح فين ... حد يعرف
عرض للطباعة
السلام عليكم ورحمة الله وبركاته
انا هاوي تصوير فوتوغرافي .. بس عايز ادرسه بشكل محترف اروح فين ... حد يعرف
فنون تطبيقية
اخبار اللغه الانجليزيه معاك ايه ؟
معهد سينما هتدرس تصوير سينمائى اعم واشمل وبعد كده اشتغل ف التصوير الفوتغرافى
اشترك في سايت ليندا الشهر ب ٣٧ دولار فيديوهات تعليميه عن كل ما تتخيله عن التصوير و تعليم الايديت على الصور و بيدولك الملفات اللي في الفيديوهات عشان تتعامل زي الفيديو ما بيقول و ممكن تعمل داون لوود الاول لكل حاجه بس يبقى عندك نت سريع و بعدين تذاكر براحتك بعد الاشتراك
اللي بيكلمك علم نفسه بنفسه و في اقل من سنه و نص وصلت لمستوى و الحمدلله احسن من ناس بقالها عشرين سنه
و دي من صوري
https://www.facebook.com/photo.php?f...=photo_comment
هي فكرة ذكية جدا ... اشكرك عليها ... وانا دخلت فعلا على موقع اكاديمية الفنون قسم التصوير .... بس الكلام كله على التصوير السينمائي والتليفزيوني مفيش اي كلام عن الفوتوغرافي واعتقد ان ده بعيد عن هدفي يعني الوقت اللي هشغله بتعلم التصوير السينمائي والتليفزيوني اشغله احسن بالتصوير الفوتوغرافي ده رأيي والله أعلم ... ولا عند حضرتك هدف تاني من الفكرة دي انا مش فاهمه ؟؟؟؟؟؟
مشكووووووووووووور جدااااااااااااااا جدااااااااااااااا جداااااااااااا جداااااااااااااا
صور حضرتك رائعة مش عارف اوصفها ازاي ... فعلا محترف
انا زرت الموقع اللي حضرتك قلت لي عليه وشوفت البرومو اللي عاملينه ... رائع جدا واضح انهم محترفين بس اللغة صعبة شويه لو في حاجة مكتوبة تبقى اسهل اهو ممكن اترجمها على جوجل واتصرف انما شفوي دي صعبه جدا ... مفيش مراكز تدريب على نفس مستوى الموقع ده اقدر احضر واتدرب فيها عندنا في مصر ... اهو على الاقل يبقى فيه تفاعل لما احب اسأل على حاجة الاقي اللي يجاوبني ؟؟؟؟؟؟؟؟
فيه كتب بالعربي سهله جدا جدا و في خلال مده بسيطه هتنقلك نقله معقوله اعمل لي اد على الفيس لسهولة التواصل
و ممكن تاخد كورس في cpc نادي القاهره للتصوير الفوتوغرافي و ليهم برضه صفحه على الفيس بس نصيحه اخويه عشان تكون مميز لازم تعرف لغه عشان تتفوق بسهوله على الناس اللي واخداها خبره فقط زي ما انا عملت بدليل محدش يصدق اني لسه متعلم من سنه و نص فقط لا غير و سعيد ان صوري عجبتك
معلومه: موقع ليندا بيكتبلك تحت الفيديو الكلام كله اللي موجود فيه :)