-
اول لحام للكاوتش
انا دايما متعود قبلما اركب العربيه الف حواليها اشوف العجل ....بعد ماخلصت شغلي في اكتوبر بلف اللفه اياها لقيت العجله الورانيه يمين مريحه .......طبعا عارفين النصب بتاع اللي بيصلحوا الكاوتش ...عملت انا ايه بقي طلعت علي كالتكس اللي جنب العرب مول خليته يملي العجله هوا و يظبطها و قعد يقول طب نكشف نتطمن قلت له لا لا لا شكرا .....طلعت علي وطنيه اللي علي طريق الواحات خليته يكشف طلع فيه مسمار في العجله ...شاله و طبعا عملتها داخلي مش بخابور لان المسمار كان لازق في المداس ...التكلفه 8 جنيه لحام 2 جنيه بقشيش ...وكله تمام
-
بص يا باشا اليك الحل العبقرى اللى انا بستخدمة من حوالى 4 سنوات
هتجيب كمبروسر بيشتغل على ولاعة العربية تمنة من 150 ل 200 جم وفية منة واحد بستم و 2 بستم من التوفيقية
لو العجلة على الارض هينفخها في ظرف دقيقتين على الاكثر وفية مقاس ضغط مدمج فية
وبعدين تروح لبتاع الكاوتش بتاعك براحتك ولا تغير الاستبن ولا تمشيى على الكاوتش وهو مريح
وكمان بتيجة معاة ابرة تنفخ بيها الكورة بتاعة الولد
وقطع تنفخ بيها العوامات والقوارب في المصيف
وادعيلى
-
ف كل الاحوال اسلم لحام للكاوتش هو اللحام الداخلى والعزاء للخوابير اللى بتبهدل الكاوتش (نفسى اعرف مين صاحب الاختراع الفاشل ده)
-
Content Relevant URLs by
vBSEO 3.6.0 PL2