بالظبط كده
عرض للطباعة
في ناس بتوع المبيعات بيحاولو يصورو للناس ان الرابيد امتداد ل a4 وطبعا ده كذب وتضليل وخداع
دي فئة جديدة عربية اقتصادية صغير منخفضة التكلفة بتنتجها سكودا لاستهداف شريحة الشباب وصغار الموظفين
لكن نتيجة سياسة التسعير غير المنطقية بتاعة الوكيل بتخلي تمنها غير منطقي فبيحاول يصور للناس انها اختراع يعني
كل اللي انا قلته سابقا لا يعني ان رابيد سيارة سيئm بالعكس هي سيارة جيدة طبقا لتصنيفها الصحيح
فلما نقارنها بفئتها تبقي كويسة لكن ميفعش نقارنها بفئة اعلي
يعني مثلا قارنها بالكيا ريو والهيونداي اكسنت واليارس
لكن متحطهاش مع الرينو فليونس والكورولا والاكتافيا
تحياتي
والله فعلا دي الفكرة ئل وصلتني يمكن علشان هي أقل من الأوكتافيا واكبر من الفابيا فبتشغل نفس المساحة السوقية لل A4 بس علي فكرة هي فعلا عربية جيدة وان كان يعيبها أفتقار التابلوة للتحديث ومشفتش الأوتوماتيك بتاعها هل تم تغير الكونسول ولا لأ وهي حضرتك أعتقد ممكن تقارن بالريو والبيجو 301 والستروين c اليزية والهيونداي الأكسنت وطبعا السيات التوليدو
عندي سؤال من فضلكم
لو قارنت الرابيد سبيس باك بيز
بالفلوينس بيز برضه
بالسيراتو البيز
اخيرا بالياريس هاي لاي
كلهم تقريبا نفس السعر
مين يكسب؟؟
انا ميال للسكودا رابيد سبيس باك، با احسها اقوى وامتن وتقفيل نضيف .. بس حاسس انكم مش حابينها خالص ..
منتظر رايكم
فليوانس
الفليوانس في رأي من افضل عربيات رينو انا أعدت معايا سنتين و كنت راكب ميجان وان قبلها و قبل الاوكتافيا و برضوا كانت ممتازة بس نرجع و نقول في فرق كبير في استعمال العربيتين الرينو محتاج عناية و حسوكة و ميستحملش اي بهدلة مقارنة بالسكودا تستحمل عنها و حمالة اسية انا كنت بنقل عفش في الاوكتافيا
السلام عليكم
سيادتك كل عربية من عربيات سكودا بتمثل خط في حد ذاته منفصل
يعني ايه؟
يعني مثلا نمسك اكتافيا
سيارة عائلية كبيرة الحجم من الفئة المتوسطة (ده تصنيفها)
فلسفتها: انها تقدملك راحة واتساع وحجم كبيييييييييييييييييييييير بمقابل مادي رخيص جدا ودي المعادلة الصعبة
الفئة المستهدفة بيها صغار رجال الاعمال والاسر والعائلات
وبالتالي الاكتافيا كل شوية تطور عربيتها لان الزمن بيتغير واحتياجات الناس بتتغير والمنافسة وظروف السوق بتتغير فلما بدات في 1995 حتي 2005 كانت ال A4 بتقدم كل الكلام اللي انا كتبته وبعدين لما الحال اتغير قدمته A5 وبعدين اتعمالها فيس ليفت (الفانتازيا) ودلوقتي A7 الجديدة اللي بشكلها ومواصفاتها بتقدم نفس الصفات
اما رابيد 2014 اما اقارنها باكتافيا 1995 يبقي ده اسمه استهبال مركب مع استعباط
لان الامتداد الطبيعي ل A4 هي A7 مش الرابيد
الرابيد عربية اقتصادية رخيصة جدا موجهه لفئة الشباب اللي ميحبوش يركبو الفابيا والستيجو اللي هم عربيات اصغر بتشغل شريحة مختلفة
وبعدين اللي كتير ميعرفهوش ان رابيد مش عربية جديدة من سكودا دي موجودة من بداية الشركة وكانت اول عربية ينتجوها سنة 1935
[sor2]http://www.eurooldtimers.com/temp/stroj_zoom_4968.jpg[/sor2]
وبعدين \طوروها شوية سنة 1985 بعد ما الشركة رجعت تشتغل تاني بعد ما كانت انهارت
[sor2]http://kep.cdn.index.hu/1/0/319/3193/31934/3193472_fb9559870acfacbf8e8b9c0cf42570bf_wm.jpg[/sor2]
ولما تحالفوا مع فولكس ومجموعة VAG اشترتهم عملو الرابيد الجديدة سنة 2010
[sor2]http://img.favcars.com/skoda/rapid/wallpapers_skoda_rapid_2011_1.jpg[/sor2]
وبعدين الان النسخة الاحدث بداية من مارس 2013
[sor2]http://1.bp.blogspot.com/-fU3uFoLYDQY/UeqZQ109pRI/AAAAAAAAAmo/FlVHzhr8geY/s1600/d9QWw.jpg[/sor2]
وبدل ما الموتورين بتوع المبيعات يسوقوا ليها علي انها سيارة عريقة وباكورة انتاج سكودا
بيكدبوا ويخدعوا الناس ويقولو عليها امتداد ل A4 حاجة تنرفز وتحرق الدم
وكل ده ليه؟؟؟
علشان سياسة التسعير الغريبة اللي بتدخلها في شريحة سعرية اعلي منها بكتيييير
وبعد كده نبقي نسمع ان كيا سول امتداد للسبورتاج القديمة وان الريو امتداد للسيراتو القديمة وان الفيرنا امتداد للالنترا وان بي ام دبليو الفئة الثالثة امتداد لمرسيدس 90 وان المنتدي بتاعنا امتداد لشارع احمد عرابي
تحياتي
المقطم شو روم مش صيانة