نصيحه من مالكى الكارينز 2011

**regata86** · 04-04-2014 03:07 AM

لو سمحت انا عايز اشترى كارينز 2011 و خايف من كلام الناس اللى بتقول ان الكارينز سحبها ضعيف على الطريق فيا ريت اى حد عنده العربيه يقولى اخبارها ايه على الطرق خصوصا انى بسافر كتير و مش عايز عربيه سحبها بطيق و تقيله و في نفس الوقت ان مش بطير على الطريق بس برضه لما احتاج سرعه الاقى و شكرا

**Waleed_zayan** · 04-04-2014 09:43 AM

الحل سهل جدا ،،،، روح مكتب إيجار سيارات وأجر الكارينز الفئه اللى أنوى تشتريها لمده يوم واحد ، جربها فى كل حاجه وشوف الاوبشنز بتاعتها ، واحكم بنفسك ومتعتمدش على كلام حد ووجهه نظر شخصيه .

**mohamed_selim** · 04-04-2014 10:39 AM

الكارينز تقيله فى الطلعه و بالمناسبه انا سقت الاوكتافيا و كانت اتقل فى طلعتها
على الطريق ممتازه بسافر بيها الغردقه و بطلع من اى عربيه على ملفات السخنه و بسافر بيها دهب و زى الفل فى مطالع نويبع بس طبعا فى المطلع بطه شويه
على طريق طوالى اكتر من ممتازه و عشان مبحبش اجرى بسوق بين ١٢٠-١٤٠ بس بجيب ١٦٠ عادى و بخاف ازود عن كده

**regata86** · 05-04-2014 01:02 AM

فكرة جميله كانت غايبة عني يا وليد بك اما محمد بك فانا الحمدلله طريقي من غير مطالع بس فيه اسوء من المطالع و هو طريق الشرقية وده غني عن التعريف شكرا للنصيحه يا جماعه

**Ahmed.Essam** · 05-04-2014 01:07 AM

المشاركة الأصلية كتبت بواسطة waleed_zayan

الحل سهل جدا ،،،، روح مكتب إيجار سيارات وأجر الكارينز الفئه اللى أنوى تشتريها لمده يوم واحد ، جربها فى كل حاجه وشوف الاوبشنز بتاعتها ، واحكم بنفسك ومتعتمدش على كلام حد ووجهه نظر شخصيه .

فكرة كويسة جدا انا بأيد الفكرة دي بس اتعامل مع مكتب له سمعة ومعروف واتأكد من حالة العربية كويس جدا قبل ما تستلم والتأكيد ده يكون في حضور صاحب المكتب عشان في مكاتب بتستهبل ويقولك انت عملت في العربية كذا وكذا وطبعا هيمضيك على وصل امانة او شيك

**Waleed_zayan** · 05-04-2014 01:27 AM

المشاركة الأصلية كتبت بواسطة Ahmed.Essam

فكرة كويسة جدا انا بأيد الفكرة دي بس اتعامل مع مكتب له سمعة ومعروف واتأكد من حالة العربية كويس جدا قبل ما تستلم والتأكيد ده يكون في حضور صاحب المكتب عشان في مكاتب بتستهبل ويقولك انت عملت في العربية كذا وكذا وطبعا هيمضيك على وصل امانة او شيك

**Ahmed_Adham** · 05-04-2014 05:48 PM

خد بالك الايجار مش هيخليك تحكم على العربيه صح لأنك مش عارف ايه نظامها في الصيانه فلو العربيه مش متصينه كويس هتاخد عنها فكره وحشه. العربيه طبعا تقيله بس فيه عربيات سيدان تقيله زيها في التسارع زي الاوكتافيا زي ما الاخ محمد سليم قال.

خلاصه الكلام أهم ميزه في الكارينز المساحه الكبيره اللي فيها واللي بتريح اللي قاعدين ورا في السفر لأن مساحه الرجل كبيره وكمان مفيش عمود في النص فالتلات ركاب ورا بيبقو مرتاحين بنفس القدر ده غير مساحه الشنطه الرهيبه وكمان مدخلها واسع.

لو مش محتاج فرق المساحه عندك سيراتو كمالياتها اعلى وتسارعها افضل ده لو غاوي كيا بس.

**محمد بدر** · 05-04-2014 11:02 PM

قولا واحدا فاصلا .
الكارينز هي السيارة العائلية الأولي في مصر.
دون منافس أو منازع.
وسيارة الأحجام الكبيره وسيارة ممتازه في نقل الأغراض.
وسياره لها مهام كبيره وكثيره.
ولا يعرف قيمة هذه السيارة الكثيرين.
فعلا هي صفقه رابحه.

**Waleed_zayan** · 07-04-2014 05:25 AM

لو مش محتاج المساحه الكبيرة ارشحلك لانسر بومه من موديل 2007 ل 2009 سوبر اكشن تكون نضيفه ، عربيه اكثر من ممتازة واعتماديه جداً جداً وسعر أعاده بيع هايل

الموضوع: نصيحه من مالكى الكارينز 2011

LinkBack

أدوات الموضوع

عرض

-

-

-

-

المواضيع المتشابهه

محتاج نصيحه ضرورى من مالكى الكارينز لو سمحتوا

محتاج نصيحه من مالكى الكارينز لو سمحتم

محتاج نصيحه من مالكى الكارينز لو سمحتم

نصيحه من مالكى كارينز 2011

حد خادله بصه على جروب مالكى الكارينز

الكلمات الدلالية لهذا الموضوع

المفضلات

المفضلات

ضوابط المشاركة