الموضوع: هل محتفظ بسلاح فى بيتك او عربيتك وابة نوعة

المشاركة الأصلية كتبت بواسطة aif

اذكار الصباح والمساء

ايه ده نفس الحاله . انا من اول الثورة بعد الفراغ الامني طبعا محدش كان بيخرج الا للضرورة و كنت بروح شغلي لكن باص الشركة كان منتهي الرخصة و طبعا لا مرور ولا حاجه فكان مش بيطلع الخط. فكنت باركب في خط اخر في نفس المنطقة بس بعيد شوية . عمري ما فكرت في سلاح. كل احتياطاتي الامنية هي اتقاء شرهم مش الدفاع يعني مش باشيل فلوس غير احتياطي و كان معي 2 موبايل خليت واحد و حطيت الكارت في عدة قديمة و صورة البطاقة فقط . و السلاح الكبير كان الاذكار اليومية و الدعاء علي البلطجية. و طبعا بركة دعاء الوالدين. كان ساعتها والدي (الله يرحمه) لسة عايش .اما الان فحاسه ان الحرامية جالهم انتعاشة. الشرطة تقريبا نسيت ان الحرامية ضد القانون. مورهمش غير المظاهرات و بس. طب نبلغ انهم ماشيين في مظاهرة مثلا عشان يقبضوا عليهم . امتي الدنيا هتتعدل و يرجع الامن بجد. ربنا يهدي

المشاركة الأصلية كتبت بواسطة الاستاذ

هل محتفظ بسلاح فى بيتك او عربيتك وابة نوعة يعنى طبنجة سيف خنجر اليكتريك سكينة مطبخ مفك

يا سيدي مؤيدي السيسى يكفى أن يضعو صورته أو يسيرو ببطاقته ،، ولا مانع من صورة رابعة هتنفعك لو هتعدي على مظاهرة .

و الطبنجه هتعمل ايه قدام الألى و الجرينوف ؟؟؟!!!
كل لن يصيبنا الا ما كتب الله لنا
اذكار الصباح و المساء و الدعاء و التوكل على الله و الأستعانه به و طلب الحفظ من الله فهو خير حافظ و هو ارحم الراحمين
اللهم انى استودعك ما اخاف عليه و استجير بك من كل ما اخاف منه
اللهم احرسنى بعينك التى لا تنام و أكنفني بركنك الذي لا يرام وأحفظني بعزك و ملكك الذي لايضام
او
اللهم احرسنا بعينك التي لا تنام ، واكفنا بِرُكْنِك الذي لا يُرام ، وارحمنا بقدرتك علينا ، ولا نهلك وأنت رجاؤنا .

عمرى ما فكرت فيهم و الحمد لله بستعين بربنا و ربنا بيسترها من عنده
بس فى كلب حراسه للعماره علشان بيت عائله فقط