الموضوع: العربية بتبطل عند التدوير

السلاموا عليكم ازايكم وجمعة مباركة عليكم
معايا شيفورلية سبارك 2008 حصل معايا من يومين مشكلة بعد ما غسلت العربية غسلة محترمة برة وجوة وماتور وكنت شايل العمة من على البوابة بعد الغسيل جيت ادور العربية دارت بس تفتفة غير عادية رهيبة ادوس بنزين ما فيش اى استجابة خالص ولا كأنى دايس بنزين خالص ولمبة التشيك نورت قولت اسيبها لما تنشف وروحت فاكك البوجيهات قولت ممكن يكون داخلها ماية فكيت البوجيهات لقيتها مهببة نضفتها وركبتها دورت دارت تمام بس لسة اللمية منورة ساقرت بيها كان عندى مشوار مهم وانا راجع اللمبة طفت قولت الحمد للة خالصت مشوارى وركنتها والطريق كان زحمة والجو حر وكانت فى الوقت دة رجة عادية قولت من الحر وزحمة الطريق المشكلة بااااء بعد ما ركنتها حوالى 4 ساعات ونزلت اروح شغلى دورى ياحجة مش عايزة تدور يهديكى ربنا مش عايزة تدور روحت مزود بنزين دارت زى الفل اشيل رجلى من على دواسة البنزين تبطل مع العلم ان البوابة الكترونية كهرباااااا ولمبة التشيك مش منورة ارجوا الافادة سريعا مشكورين اصدقائى.

حبيت اقولكم على حصل معايا للمشكلة واتحلت ازاى بعد تغير طرمبة البنزين وبوابة المانيفول والعطلة عند الصنا يعية وكل واحد يفتى شوية وما فيش حاجة اتعملت والمصاريف قررت اروح التوكيل روحت يا با شمهندس حطيلى العربية دى على الكمبيوتر عايز اعمل تقرير عن الاعطال الموجودة فى العربية؟ لية خير انشاء اللة فى اة؟ العربية بتبطل منى وهى ماشية بمجرد ما ارفع رجلى من على البنزين وما بدورش الصبح غير لما ازود بنزين مش ممكن نصلحها لية يا باشا؟ حضرتك من سنة 2009 ما جتش الصيانة طيب ممكن تقولى فيها اة وانا اتعامل؟ قالى اة ممكن شكرا يا باشااااامهندس استلمها امتى على الساعة 2.30ماشى وراية كام مشوار ها عملهم وارجعلكم ماشى رجعت اة يا باشا عملتها اة طبعا فيها اة؟ الضفيرة بتاعت الكهربااااء عايزة تتغير وموبينة وبوجيهات وسلوك بوجيهات ماشى ادور دارت وار بى ام اتظبت بجد تسلم اديك يا بشمهندس دفعت 66 جنية وروحت مغير الموبينة وبوجيهات 3 شمعة ومشيت بدل البهدلة والدوخة عند الصنا يعية