ايه يا جماعه حد استلم لوجان او سانديرو الشكل الجديد ؟؟ :)
لو حد استلم يقولنا ايه الاخبار :d :d
عرض للطباعة
ايه يا جماعه حد استلم لوجان او سانديرو الشكل الجديد ؟؟ :)
لو حد استلم يقولنا ايه الاخبار :d :d
المعارض بدأت تحجز لكن لسه ولا شهرين تلاتة عقبال ماتنزل و حد يستلمها مع الملاحظ أنها نفس العفشة و نفس الموتور يعنى الأختلاف مش حيبقى كبير قوى
الإعلانات النهارده في ملحق الأهرام للسيارات بتقول أنهم بيعلنوا عنها ب 86500 طبعا أنت مش عارف أنهى فئة فيهم أتصلت بواحد منهم قاللى بتيجى تحجز الأول و بعدين بعد 21 يوم بتيجى علشان نحدد اللون و بعدها ب 15 يوم بتيجى علشان نكمل باقى الإجراءات قلتله يعنى العربية موجودة و ألا لسه ماجتش قاللى العربية في الميناء
طبعا الكلا ده كله في الهجس و على سبيل التسويف الحقيقة او على سبيل أن المندوب الغلبان أتطلب منه انه يقول كده أن العربية لسه قدامها فترة علشان تنزل دى حاجة الحاجة الثانية أنها لو نزلت أو قربت تنزل حتلاقى الموزعين المعتمدين بيعلنوا عنها و ده لسه ما حصلش لحد دلوقتى و ممكن ما يكونش حينزلها دلوقتى ألا لما يخلص القديم و يعطش السوق شوية
عديلي شافها في سمير ريان الهاي لين ب 99000 استلام فوري
طبعا كده في أوفر برايس وقالوا لو هتخلص ممكن ننزل الف كمان
أيوه شافها بعينيه و ألا قالوا له أنها موجودة و عموما معنى كده أنها جت فعلا أعلى فئة ب 95500 بتتباع في سمير ريان ب 98000 هجوم يا شباب
انا حاجز من التوكيل من 3 اسابيع و الاستلام بعد 4 شهور هاي لاين بس لقيت المصريه في سموحه عنده تسليم فوري بس اوفر بريس 2000 على اي فئه
أنا كنت فى المصرية للسيارات النهاردة بالاسكندرية جرين بلازا وكان فيه واحد بيستلم سانديرو الشكل الجديد لون أحمر
موجوده في القصراوي المهندسين بس برده بأوفر برايس حوالي 2000 او 3000
كده القديمة موجودة و الجديدة موجودة مع أنى شايف أن الجديدة رائعة و تستاهل كل مليم يتدفع فيها و لكن خلونى أقول بصوت هامس هوه لسه الكلاكس في الدراع ياجدعان هوه لسه الكلاكس في الدراع ياشباب هوه لسه الكلاكس في الدراع ما حدش عايز يرد على هوه لسه الكلاكس في الدراع
موجودة فى الريان ب 98الف تسليم فورى انا شوفتها هناك الجمعة اللى فاتت وعلى فكرة هى نفس العربية السانديرو بالتمام والكمال بس سيدان
الميزة الكبيرة والرائعة اللى فيها أن الموتور ما متش من الميجان 1 حتى اللوجان 1 و مرورا باللوجان 2 يعنى معنى كده أن العربية صيانتها موجودة بالتوكيل و الموتور جيد جدا لدرجة أنهم عمالين يركبوه في عربيات لحد دلوقتى
الحاجات اللى متغيرتش
الكلاكس زى ماهو
فتح البنزين بالفتاح
طريقة ارتفاع ونزول الكرسي والطاره
المالتى فانكشن والبلوتوث زى ماهو
الفتيس والموتور هو هو
بس الموتور بقى انعم من القديم يعنى كمثال موتور الانوس والافيونفس الموتور والهورس بور ولاكن انعم فى السحب والصوت
العربية موجودة في الشارع كتير و موجودة في المصرية ب90 لحد 102 ألف بال أوفر برايس.