كيفية اختبار زيت المحرك

**طاهرع الوهاب** · 04-04-2014 04:29 PM

السلام عليكم كان عندي استفسار وياريت حد من خبراء نايل موتورز يرد عليا
انا كمواطن عادي او انسان عادي يعني معنديش خبره قولي في الميكانيكا ازاي اعرف الزيت لازم يتغير حتي لو هو 5000 الاف او 10 الاف انا بستعمل شل الاصفر 5000 كم وطبعا بروح كل يوم شغلي بالعربيه مسافه حوالي 40 كم يعني مش كتير بس بحتار ف موضوع الزيت دا حد يفيدني ياريت بالله عليكم

**gadoo30** · 04-04-2014 05:24 PM

اهم حاجة قياس مستوى الزيت بانتظام كل 500 الى 1000 كم ومتابعة اللزوجة مع مراعاة التالى
قياس الزيت والعربية على مكان مستوى
الموتور يكون بارد او مبطل بقالة على الاقل نص ساعة
الزيت اللى لونة بيبقى غامق دة مؤشر انة بينظف الموتور ودى احد وظائفة طالما محتفظ باللزوجة

**طاهرع الوهاب** · 04-04-2014 07:47 PM

طيب لو الزيت تمام مقاسه ولونه اصفر دهبي كدا زي ما هو اما حكاية اللزوجه دي اعرفها ازاي

**AMGAD1521977** · 04-04-2014 08:26 PM

المشاركة الأصلية كتبت بواسطة طاهرع الوهاب

طيب لو الزيت تمام مقاسه ولونه اصفر دهبي كدا زي ما هو اما حكاية اللزوجه دي اعرفها ازاي

المس بصوابعك الاثنين نقطة من الزيت و ضم بصوابعك و ابعدهم عن بعض لو الزيت فيه لزوجة عالية حتلاقي الزيت عامل كأنه لازق مع بعضه و مش بينفصل بسهولة و العكس صحيح و تحياتى لك

**MOTOR HEAD** · 04-04-2014 10:30 PM

الموتور يكون بارد او مبطل بقالة على الاقل نص ساعة

دى معلومه ياريت تتاكد منها

لان كتالوج نيو اكسنت mc بيقول تقيس الزيت بعد ما الماتور يوصل لدرجه الاحماء
طبعا و هو مطفى

**gadoo30** · 05-04-2014 11:29 AM

القياس والموتور بارد دة افضل قياس لمستوى الزيت
اما القياس بعد العربية ما تسخن وتبطل دة بيقيس اللزوجة افضل لان الزيت سخن
وطبعا لازم بعد ما نبطل الموتور نديلة فرصة انة يريح وينزل في الكارتيرة علشان القياس يكون صحيح وميدى مؤشر خطاء ان الزيت ناقص
والله اعلى واعلم

**gadoo30** · 05-04-2014 11:33 AM

الزيت لو فضل لنهاية عمرة بلونة الاصفر الذهبى دة معناة انة منظفش الموتور ومأداش احد وظائفة الهامة

**Dr.Solom** · 08-04-2014 06:10 PM

ولا تفضل تلعب فى الزيت بصوابعك ولا تهتم بلونه لأن غمقان لونه معناه انه بيأدى وظيفته فى تنظيف المحرك واللزوجه دى انت المفروض بتحط زيت متعدد اللزوجه وصوابعك مش مقياس
وشيل الاصفر ماتزودش عن 4 الاف كيلو ونزله