محتار بين الاتنين مع العلم إن أنا محتاج عربية مساحات التخزين فيها كبيرة علشان السفر الكتير و المتكرر
عرض للطباعة
محتار بين الاتنين مع العلم إن أنا محتاج عربية مساحات التخزين فيها كبيرة علشان السفر الكتير و المتكرر
الفلوانس افضل .. الفيات فشلت فى مصر
سفر كتير هات كورولا او سيفيك
انما لو عربية مميزة فرأي الفيات
مجرد رأي ..
مع احترامي الكامل لحضرتك .. ده بناء على إيه ؟ .. لو وجهة نظر حضرتك فـهي تحترم بس كنت أتمنى تكمل وتقول من وجهة نظري
لأن فعليا جيل فيات الحديث عمل نجاحات فـمصر تحترم وعمل نجاحت كمان من نحية المستهلك حلوة جدا من نحية رضاهم من عربيتهم يمكن الحاجة الوحيدة اللي عليها كلام التوكيل وخلاص فعلية اتسحب وراح للفطيم وياعالم هيكون نظمه إيه
البرافو متطلبش منها تكون عائلية ... أطلب منها أداء عربية غبية علي الطريق تحس فعلا إنها رياضية ..
مساحات تخزين خنيقه و شنطه غير مرضيه
أما الفلوانس فهي بطة الأوروبي (بطة ده مدح مش زم) واسعه و عالية و شيك جدا عربيه محترمه و موفره عن البرافو في تكاليف التشغيل و عائليه من الدرجه الأولي
معلش مع احترامي لرأي حضرتك لكن سبب فشل الفيات في مصر هو توكيل أوماترا و طريقة التسويق الخطأ إنما عربيات فيات مفيش أحسن منها و أنا شخصيا البرافو مكيفاني قوي لكن ال150 hp مش ال120 ... و الفيات لينيا هتنزل المنافسة الشرسة و تتفوق بجدارة بعد الفيس ليفت أنا بالنسبة لي ينفع تتقارن بالجيتا و الاوكتافيا مع الوضع في الاعتبار إن الايطالي قريب جدا من الألماني
أستاذي الفاضل الميزانية لا تسمح بكورولا أو سيفيك و أنا كمان مش بحبهم لأن أنا معايا في حدود 120000 يعني ما يجيبوليش غير كورولا 2009 الmmt أو سيفيك ( و أنا مش بحبها ) مع احترامي للسيفيك و لكن أنا مش هدفع المبلغ ده كله علشان عربية بتعشق المطبات مع العلم إن أنا من عشاق الياباني بوجه عام و السيفيك بشكل خاص
أنا رأيي من نفس رأي حضرتك و الفيات ناقصها خطة تسويق محترمة و توكيل كويس و تبقي أحسن عربية في مصر .... بالنسبة للبرافو ال150 hp أنا بحبها أكتر من الجولف ال160 hp ( مجرد رأي شخصي ) لأن مشاكلها أقل بكتير من الوحش الأوروبي (dsg) و الفتيس الدواللوجيك مالوش حل في الأوتوماتيك زي الفل و المانيوال فعلا العربية جبارة و بتديك إيحاء إنها مانيوال
ممكن أرجوكم حد يعملي مقارنة بين العربيتين في
-الأداء
-الثبات
-الوسع الداخلي و مساحات التخزين
-الراحة أثناء القيادة عشان الرحلات الطويلة
-الكماليات و وسائل الأمان
حضرتك ال برافو حاجة و الفلونس حاجة تاني خالص. ما ينفعش نقارن هاتش ب سيدان و عربية رياضية بعربية عائلية. الناس اللي مش عاجبها ال ايطالي تتفرج علي فيراري و لامبو و ................. و أظن أنتو عارفين الباقي.
فشل عربية أو نجاحها في مصر ليس له علاقة بجودة العربية و لا قوتها و لا أي بتنجان. احنا سو ق غريب و عجيب تحكمه الأهواء و الاشاعات و مقاييس فاشلة و فاكسه.
رياضية برافو بلا منازع
عائلية يبقى فلوينس
و التوكيل لصالح الرينو بفرق شاسع
Sent from my GT-N7000 using Forum Runner
التسارع لصالح البرافو بفرق رهيباقتباس:
المشاركة الأصلية كتبت بواسطة ENG.MaRk
الثبات مش عارف، بس الاتنين حلوين
الراحة اظن الفلوينس
الكماليات و وسائل الامان مش عارف بس الاتنين حلوين
Sent from my GT-N7000 using Forum Runner
اعتقد البرافو موتور وتسارع وثبات افضل، ولكن الفلوانس تتفوق جدا في كونها عائلية اكتر + ثبات وموتور وفتيس وكماليات حلوة جدا برضه!!
يعني البرافو تنضم للعربيات اللي مش بيجيبها غير اللي غاويها قوي ونط سواقته رياضي او عنيف اكتر من الفلوانس...
وطبعا وكيل فيات هو اللي جايبها الأرض... فدي نقطة مهمة كمان!
برجاء الفصل بين السياره من امكانيات و كأسم عالمى و سوقها التجارى فى مصر ...
خلاصه الكلام ... الى مش فارقه معاه ضعف التوكيل و قطع الغيار و الصيانه و بطئ و خساره عند اعاده البيع ... يبقى يمشى ورا دماغه و يتحمل التبعات مقابل الاستمتاع بالعربيه من حيث الاداء ....
الى يهمه كل ما سبق يبقى لازم يمشى مع السوق و ما يضحكشى على نفسه ... و ده على فكره فى كل بلاد العالم ... يعنى كمثال الامارات الى ماشى الشعبى التويوتا و النيسان و الفخم اللكزس كمبيعات و افضل اعاده بيع ... المرسيدس و البى ام موجود لكن لا يقارن بالكزس كمبيعات و كسرته خساره فادحه يمكن ٣٠٪ من قيمه الزيرو ... العربيه بتبقى سنتين ورا و حاله فابريقه و بأقل من نصف سعر الزيرو ...
تحياتى ...
الفلوانس the best value for money
من الاخر هتدفع المبلغ ده وهتحس غنك مبسوط
خدت عربية عائلية براند فرنساوي أوبشنز كثيرة
توكيل أقل مايقال عنه إنه محترم
وفالنهاية القرار ليك