الموضوع: متردد فى شراء عربيه فكروا معايا

السلام عليكم

طبعا انا فى حيره وبجد وصلت للصداع والخنقه مش عارف اقتنع بعربيه حاجه تجنن

اتفرجت على اكتر من عربيه ومش داخله دماغى ولو اعجبت بعربيه فلوسها هتاخد فلوس الفانتازيا ويبقى كده معملناش حاجه غير خساره العربيه وخلاص فمش هينفع

وبما اننا فى قسم سكودا فهنقول اوكتافيا وبصراحه مش عايز اركب اوكتافيا غير فانتازيا

اتفرجت على اكثر من عربيه منهم اوكتافيا 2006 اوتو بس قلت لو اوكتافيا لازم فانتازيا لانها كانت بتفى بمتطلباتى فى العربيه اللى عايز اركبها

اتفرجت على باسات هاى لاين 2006 عربيه تحفه بس جربنتها لقيت الفتيس فيه نتشه بتروح وتيجى
انا عارف ان سعرها عالى بس من زهقى قلت نشوف الباسات
اتفرجت على ميتسوبيشى سوبر اكشن عربيه جديده بس صاحبه بيهرج عايز فى 2008 .. 115 طبعا حرام اصلا فيها الفلوس بس عربيه بياعه بطريقه غريبه
وبردوا عربيه سيات كوردوبا 2006 بس مانيوال وعربيه مش بياعه خالص وانا عيز عربيه مؤقته
شفت سيراتو 2010 كامله فتحه سقف لقيتها راشه كلها عدا السقف يعنى حزام وشنطه وكبوت وعدادها ملعوب فيه رسمى قال 40 الف كيلو قال
اتفرجت على نيسان صنى 2011 عصرت على نفسى لمونه وقلت ماشى البيه بيتكلم فى 95 الف ....هوفيه ايه عربيات اقل مايقال عنها مشرحه و البايع بيتكلم فى فلوس لا وبيتنطط كأنك بتشترى منه فيرارى مش كنبه مكسره كمان
بجد اصعب قرار بيع او شراء عربيه حاجه تجنن

ساعدونى لانى بجد محتار جدا ومش عارف استقر على حاجه
يعنى رينج السعر هنخليه 100 وربنا ييسر الامور
منتظر اقتراحاتكم