ارجو المساعده من خبراء اللانوس
انا بعاني من التسقيف في العربيه لانوس 2002 نص كماليات
وبجد الموضوع دا خنقني جدا وكرهني في العربيه
عملت كل حاجه من فلاتر لبوجيهات حتي التقسيمه اخرتها ورجعت ظبطها تاني لما العربيه بقت مخنوقه جداا
التسقيف بجد مع التكيف حاجه لاتطاااااااااااااااق:019f3b~14 :
والتسقيف بيظهر بس لما العربيه تسخن للدرجه الطبيعيه الي هيا قبل النص بشويه وطول ماهي بارده مفيش سكه خالص
المهم الميكانيكي الي روحتله عشان يظبط التقسيمه تاني قالي ان السكه هترجع تاني واطلع جرب
جربت لقيتها رجعت رجعتله قالي انا ممكن اضيعهالك خالص بس هتسيبلي العربيه هفك وش السلندر
بقوله هتعمل فيه ايه .... قالي معلش مش هقولك ولا هشتغل وانت موجود انت هتسيبلي العربيه وتيجي تستلمها تاني يوم ولو فيه سكه ليك مني الف جنيه
والمصنعيه من 200 ل250
انا عاوز حد يقولي هو هيعمل ايه بالظبط في وش السلندر وهل كلامه دا صح ولا لا
ملحوظه....انا بحط بنزين 92 وظابط الفيشه علي 80 كمان:36_2_49[1]: