صوت نحرة في النوبيرا من تحت

**Mohamed hawary** · 05-04-2014 02:35 AM

السلام عليكم .. لو سمحتو يا جماعة أنا عندي صوت غريب في النوبيرا اتوماتيك من تخت بدأ يظهر من فترة اول ما بطلع بالعربية زي صوت النحرة كده ومش عارف منين ؟؟ وبعد ما بمشي بيها شوية الصوت بيروح ..... بقول يمكن الشكمان مخروم ولا حاجة بس الصوت مش بيظهر لما ازود بنزين والعربية واقفة .. الصوت اول ما بتحرك بالعربية بس وعمال بيزيد مع العلم اني لسة مغير زيت للموتور مكملش 2000 كلم ... يا ريت تساعدوني ؟؟

**Salamonti** · 05-04-2014 11:18 AM

غالبا ممكن تكون بلية عجل

هتحتاج تخلي العربية باردة وترفع عجلة عجلة بالكوريك وتلفها بسرعة وتشوف فيها صوت خشونة ولا لأ
وماتنساش تكون في مكان هادي عشان تقدر تركز مع الصوت وتسمع كويس :)

**kokowasfy** · 05-04-2014 12:03 PM

ممكن يكون عيب فى الشكمان

**Mohamed hawary** · 06-04-2014 02:13 AM

يا جماعة انا روحت عند بتاع الشكمان قالي مفهوش حاجة ... وانهارده نزلت من العربية وخليت واحد صاحبي ركبها علشان اسمع الصوت من برة الصوت جي من عند العجل اللي ورا ومتهيقلي ممكن تكون كبالن او بلي العجل بس مش عارف الصوت غريب