-
وحش صيني بكل ما تحمله الكلمة من معنى...FAW Besturn
-
الماركة : faw
الموديل :besturn b50
السعر : 138 الف
اللون : اسود
الضمان : 5 سنين او 100 الف كيلو
الموتور : فولكس جيتا 1600 سي سي
العفشة والشاسيه : mazda 6
الفتيس : اتوماتيك 6 سرعات
الكماليات : ABS و EBD و فتحة سقف - تابلو جلد - ابواب جلد من الداخل - تكييف وكاسيت تاتش - مالتي فانكشن - مثبت سرعة - حساسات ركن
جنوط : سبور 16
-
-
[QUOTE=elpasha1;3875504956]مفيش اي معلومات عنها ؟؟؟[/QUO
زي ايه ؟
-
بس ايه الطائر الغريب الى على الشنطه
-
شكلها جامد
وسعرها اجمد
مين توكيلها وفين قطع غيارها ؟
-
بسم الله ما شاء الله ولا حول ولا قوة إلا بالله .. ربنا يباركلك فيها مقدماً ويكفيك شرها وتستخدمها في الخير إن شاء الله .
اقتباس:
المشاركة الأصلية كتبت بواسطة elpasha1
مفيش اي معلومات عنها ؟؟؟
http://www.nilemotors.net/Nile/3875473284-post3.html
اقتباس:
المشاركة الأصلية كتبت بواسطة lanos2004
بس ايه الطائر الغريب الى على الشنطه
ده شعار شركة فاو يا أحمد بيه .. وبيرمز أنها السيارة الأولى في الصين (No.1) لأن سيارات الرئاسة الصينية بتنتجها شركة فاو .. حاجة كدة زي الفولكس سيارة الشعب الأولى في ألمانيا أيام هتلر (وأنت سيد العارفين)
اقتباس:
المشاركة الأصلية كتبت بواسطة عصام غنايم
شكلها جامد
وسعرها اجمد
مين توكيلها وفين قطع غيارها ؟
أعتقد الوكيل وليد توفيق .. وقطع غيارها أكيد متوفرة في التوكيل .. وحتى لو مش كدة ففيه بدائل ليها خارج التوكيل كعادة السيارات الصينية .
-
الفئة السعرية لا تمسح لها بالمنافسة وليس بها ما يميزها من وجهة نظري
-
هي الفئة السعرية بتتحدد على أساس أيه ؟! أو بطريقة أخرى .. سعر السيارة بيتحدد على أساس أيه ؟!
الماركة
الجودة
مواصفات السيارة (القدرة ، الأوبشن ، الإمكانيات ..إلخ)
فيه عربيات كتير ممكن تكون أكبر وأعرق في الماركة .. ولكن أعتقد أنها ممكن تكون أقل في الجودة وفي الإمكانيات والأوبشن .. إلخ ومع ذلك بتتباع بسعر أعلى ..
لكل مقام مقال .. وده للأسف مش موجود عندنا في مصر لأنه منطق السوق المصري الفريد من نوعه .
-
ما قصدته أن منافسيها في محيط السعر كثيرين وفرصنها في منافستهم ليست كبيرة.
-
والله شاكر تواصلكم معايا
وبعدين استاذ باسم بيجيب المفيد
وبالنسبة لقطع الغيار هي متوفرة في التوكيل وان شاء الله اول ما استلم هانزل جدول الصيانات بتاع العربية
وحتى لو حاجة بعد الضمان ما يخلص مش متوفرة الموتور فولكس جيتا والعفشة مازذا 6.
بالنسبة بقى للعلامة
رقم 1 - مصنع فاو رقم 1 في الصين .
6 شرطات : هما 6 انواع عربيات بيتقفلوا في مصنع فاو
اودي - فولكس - مازدا - تويوتا - جنرال موتورز - ومش فاكر الاخيرة ايه بصراحة
-
اقتباس:
المشاركة الأصلية كتبت بواسطة ayman_amer
ما قصدته أن منافسيها في محيط السعر كثيرين وفرصنها في منافستهم ليست كبيرة.
مش عارف بس انا شايف حاجة تانية
ان كيا ريو فاضية 1400 سي سي بتبدا من 140 الف
ياريس 1300 سي سي فاضية 140 الف
بيجو 301 وستروين 137 الف ومش موجودة طبعا وبتتباع ب 145
نيو اكسنت ب 130 الف بس مع احترامي والله ماتسوى 100 الف الموديل الجديد بلاستيك × بلاستيك وكذلك الصني الجديدة لو في عربيات تاني ف نفس الرينج حد يقولي واكيد انتوا عارفين اوبشن كل عربية
-
اقتباس:
المشاركة الأصلية كتبت بواسطة bassem.naguib
هي الفئة السعرية بتتحدد على أساس أيه ؟! أو بطريقة أخرى .. سعر السيارة بيتحدد على أساس أيه ؟!
الماركة
الجودة
مواصفات السيارة (القدرة ، الأوبشن ، الإمكانيات ..إلخ)
فيه عربيات كتير ممكن تكون أكبر وأعرق في الماركة .. ولكن أعتقد أنها ممكن تكون أقل في الجودة وفي الإمكانيات والأوبشن .. إلخ ومع ذلك بتتباع بسعر أعلى ..
لكل مقام مقال .. وده للأسف مش موجود عندنا في مصر لأنه منطق السوق المصري الفريد من نوعه .
والله يا استاذ باسم انا لما حجزت العربية او قبل ما احجزها كنت مقرر اخرج من نظرية اعادة البيع في السوق المصري الغريب اللي يخلي اي عربية اوربي محترمة تتباع بنص تمنها واي عربية كوري ممكن تتباع اغلى من تمنها
-
اقتباس:
المشاركة الأصلية كتبت بواسطة refaei
مش عارف بس انا شايف حاجة تانية
ان كيا ريو فاضية 1400 سي سي بتبدا من 140 الف
ياريس 1300 سي سي فاضية 140 الف
بيجو 301 وستروين 137 الف ومش موجودة طبعا وبتتباع ب 145
نيو اكسنت ب 130 الف بس مع احترامي والله ماتسوى 100 الف الموديل الجديد بلاستيك × بلاستيك وكذلك الصني الجديدة لو في عربيات تاني ف نفس الرينج حد يقولي واكيد انتوا عارفين اوبشن كل عربية
لو انت حجزت وخدت القرار عن اقتناع فخلاص توكل على الله , اما لو لسه فى وقت للمناقشة فمكن تشوف اللينك دة
http://www.nilemotors.net/Nile/401678-a-2.html
وتتفرج على العربية مباشرة وتحكم بعد كدة لو حابب تكمل فى اللى انت فية او تعيد تفكير خاصة ان انت هاتاخد نفس المواصفات وبفرق 28000 فرق يستاهل التفكير .
انا بكلمك من منطلق اننا مالك للعربية دى مش متفرج وهى سعر ونتيجة .
-
اقتباس:
المشاركة الأصلية كتبت بواسطة tito20002003
لو انت حجزت وخدت القرار عن اقتناع فخلاص توكل على الله , اما لو لسه فى وقت للمناقشة فمكن تشوف اللينك دة
http://www.nilemotors.net/nile/401678-a-2.html
وتتفرج على العربية مباشرة وتحكم بعد كدة لو حابب تكمل فى اللى انت فية او تعيد تفكير خاصة ان انت هاتاخد نفس المواصفات وبفرق 28000 فرق يستاهل التفكير .
انا بكلمك من منطلق اننا مالك للعربية دى مش متفرج وهى سعر ونتيجة .
طبعا في الاول احب اشكرك ... انا فعلا شفتها في معرض فورميلا بس لما سالت عليها مكانش لسة اتحدد سعر ومش عارفين هاتتسعر امتى وثانيا العربيتين كانو قدام بعض بالظبط بس بصراحة الفاو خطفتني ليها مش عارف ازاي ولما ركبت العربيتين لقيت خامات الفاو افضل من الايدو وانا حجزت في المعرض 129900 انما هي دلوقتي 138 الف وعلى فكرة انا شايف ان الاتنين احلى من بعض والصيني الغالي بقى افضل من الكوري كتييييييييييييييييييير واقل في السعر كتيييييييييييييييير بمقارنة الاوبشن والكماليات والخامات الداخلية وانا عندي امل اننا نحاول نغير فكر الناس باللي بنقوله ده لان بصراحة حرام الناس تدفع المبالغ الكتيرة دي في العربية الكوري بس علشان الاسم وده اللى وكلاء العربيات صدروه للناس نفسي العربيات تباع وتشترى على اساس الحالة والكماليات والامكانيات وليس الاسم علشان الناس تستفيد مش التجار ولا الوكلاء بس اهو حلم...وفعلا شكرا على مداخلتك معايا
-
الف مبروك مقدما
:120105~352:
-
أنا رأيي انك تتمهل في القرار
لأن مبلغ 138 ألف مش قليل .. وممكن تجيب بيه حاجة مستعملة نظيفة و مضمونة
-
اقتباس:
المشاركة الأصلية كتبت بواسطة hunting_eagle
أنا رأيي انك تتمهل في القرار
لأن مبلغ 138 ألف مش قليل .. وممكن تجيب بيه حاجة مستعملة نظيفة و مضمونة
انا كرهت المستعمل حتى لو عامل 10 الاف كيلو
-
شبه البي ام ...بس لازم يهاود في السعر شويه عشان تمشي
-
-
بسم الله ما شاء الله الله اكبر اللهم لا حسد....الـ faw besturn حكاية ...
وفي السفر متعة ... وفي العزل جميلة ... وفي صوت الكاسيت تحفة .. وفي الفرامل امان ... انت راكب جيتا ولا شئ اقل من الجيتا ... الحمد لله انا مش ندمان على انها ماركة صيني ولا على السعر
والله يا جماعة اللي بيفكر يجيب بالسعر ده الـ besturn عربية الماني محترمة..
-
ممكن تليفون الوكيل والعنوان استاذ....refaei
-
هية مشكلة العربيات الصيني الغير منتشرة هي الصيانة وقطع الغيار وسعر اعادة البيع اللي فى الارض غير كدة الموديلات الصيني المنتشرة ناجحة جدا
لكن موضوع ان الموتور تقليد الجيتا والعفشة تقليد المازدا طيب ايه العمل فى الصاج والفوانيس والاوكر والاكصدامات
توكيل العربية دي بكتيره هايبيع 100 عربية فعمره ما هيجيب ليها استوك قطع غيار
ال 128 موديل 2006 كانت بتتباع بنفس تمن الجيلي الفروتة دلوقتي الجيلي بتتباع ب 16 الف وال 128 ب 25 الف
شراء عربية صيني فى مصر وغير منتشرة موضوع محتاج دراسة
-
اقتباس:
المشاركة الأصلية كتبت بواسطة هانى ظرف منصور
ممكن تليفون الوكيل والعنوان استاذ....
refaei
تحت امرك يا باشا
اسهل لك ده رقم أ/ معتز 01068983538 هيرد عليك في كل انسان محترم جدا
والعنوان 68 شارع النصر المعادي-امام التوحيد والنور
-
اقتباس:
المشاركة الأصلية كتبت بواسطة walidzakzok
هية مشكلة العربيات الصيني الغير منتشرة هي الصيانة وقطع الغيار وسعر اعادة البيع اللي فى الارض غير كدة الموديلات الصيني المنتشرة ناجحة جدا
لكن موضوع ان الموتور تقليد الجيتا والعفشة تقليد المازدا طيب ايه العمل فى الصاج والفوانيس والاوكر والاكصدامات
توكيل العربية دي بكتيره هايبيع 100 عربية فعمره ما هيجيب ليها استوك قطع غيار
ال 128 موديل 2006 كانت بتتباع بنفس تمن الجيلي الفروتة دلوقتي الجيلي بتتباع ب 16 الف وال 128 ب 25 الف
شراء عربية صيني فى مصر وغير منتشرة موضوع محتاج دراسة
هو الموتور مش تقليد الجيتا هو موتور الجيتا
ثانيا ياما عربيات نزلت وماشية بقالها 7 سنين وزي الفل وانتشرت وبقت زي الفل
-
الف مبروك
رزقك الله خيرها وابعد عنك شرها
التفكير خارج الصندوق حاجه جميله
لاكن حضرتك عملته ده قرار ثوري
والقرارات الثوريه محتاجه شويه وقت بعديها عشان نعرف نقيمها وعلي اساس كده
ننصح بيها اخرين وده المهم
اتمني تكون الرسالة وصلت
-
اقتباس:
المشاركة الأصلية كتبت بواسطة abou-yahia
الف مبروك
رزقك الله خيرها وابعد عنك شرها
التفكير خارج الصندوق حاجه جميله
لاكن حضرتك عملته ده قرار ثوري
والقرارات الثوريه محتاجه شويه وقت بعديها عشان نعرف نقيمها وعلي اساس كده
ننصح بيها اخرين وده المهم
اتمني تكون الرسالة وصلت
والله هو كان قرار مجنون بس بعد ماركبت العربية وسافرت بيها مندمتش والحمد لله حاسس ان ربنا كرمني بيها زي مراتي وابني
-
اقتباس:
المشاركة الأصلية كتبت بواسطة refaei
والله هو كان قرار مجنون بس بعد ماركبت العربية وسافرت بيها مندمتش والحمد لله حاسس ان ربنا كرمني بيها زي مراتي وابني
الحمدلله
-
اقتباس:
المشاركة الأصلية كتبت بواسطة refaei
تحت امرك يا باشا
اسهل لك ده رقم أ/ معتز 01068983538 هيرد عليك في كل انسان محترم جدا
والعنوان 68 شارع النصر المعادي-امام التوحيد والنور
اشكرك جدا على سرعه الرد وياريت اعرف اتوفق فى عربيه faw بس تكون اتوماتيك فى حدود 80 او 90 الف
-
اقتباس:
المشاركة الأصلية كتبت بواسطة هانى ظرف منصور
اشكرك جدا على سرعه الرد وياريت اعرف اتوفق فى عربيه faw بس تكون اتوماتيك فى حدود 80 او 90 الف
صعب لان دي الوحيد الاتوماتيك اللي عندهم الباقي مانوال
ربنا يوفقك ان شاء الله
-
يا جماعة والله العظيم مش هزار ومش كدب العربية مجننة الناس
اصحاب شركتي اللي انا شغال فيها معاهم مرسيدس ولما جربوا العربية عجبتهم جدا ده حتى ظابط المرور ساب الورق والشغل اللي ف ايده وجربها وهي اللي عدتني من حوار الطفاية والاسعافات والكلام ده
اللي حابب يشوفها وبالخصوص استاذ باسم ممكن يبعتلي رسالة وانا اديله رق تليفوني ونتقابل في الشيخ زايد ويقولي رايه بصراحة..
انا بقول الكلام ده لان والله والله والله العربية تستاهل والناس اللي نفسها تركب عربية محترمة يستاهلوا الـ besturn
لكن والله مش دعاية ولا علشان العربية معايا بس والله علشان فعلا هي احسن من الكوري والياباني بالكامل لحد سعر 150 و 160 الف
-
بسم الله ما شاء الله ولا حول ولا قوة إلا بالله .. ربنا يباركلك فيها ويكفيك شرها .. وتفضل مبسوط بيها دائماً وعلى طول .. ومتنساش تطلع حاجة لله علشان ربنا يحفظهالك .
وسعيد بدعوة حضرتك .. وإن شاء الله في القريب العاجل
-
هى الفاو بيسترن اتوماتيك 1600ccاصبح سعرها 110 الف ؟ انا قرات السعر دة فى عدة مواقع وبيقولوا ان دة سعر 2014 هل الكلام دة صح؟
-
يا اخ refaei ممكن صور للعربية تكون طبيعية علشان نتعرف عليها اكتر وياؤيت ل تقرير للعربية بعد الالف كيلومتر
-
اقتباس:
المشاركة الأصلية كتبت بواسطة sonytogy
يا اخ refaei ممكن صور للعربية تكون طبيعية علشان نتعرف عليها اكتر وياؤيت ل تقرير للعربية بعد الالف كيلومتر
انا اسف على التاخير يا جماعة بس انتو عارفين جو الاجازات بقى
ان شاء الله هانزل الصور تاني بس هي الصور اللي منزلها دي طبيعية كانت في الشارع
انا روحت عملت صيانة الالف كيلو عند 850 علشان كنت مسافر وهي دلوقتي عاملة حوالي 1200 كيلو
هما بيغيروا موبيل 5000 او 10000 حسب رغبتك وانا قولتلهم هاغير شل الترا 10000 ومفيش مشكلة في الموضوع ده براحتك ورفعوا العربية وربطوا عفشة وراجعوا السوائل واتفقت معاهم انهم يركبولي وحدة رفع قالو مفيش مشكلة هاتها ونركبها
بصراحة الناس محترمة جدا جدا بس المركز على قدو شويتين كدة تحس انه اقرب الى الورشة وده علشان ابقى صريح معاكم بس هما بيبنوا مركز جديد بجوار القديم ان شاء الله هايبقى تمام وفي مركز كبيييييييييييير جدا في العبور بس هما مش بيهتموا بيه لان المبيعات قليلة المهم اشتريت الزيت اخدت 4 كيلو وربع بالفلتر وحاسبت على الفلتر بس بتاع فولكس ب 88 جنيه بالضريبة والصيانة طبعا مجانا
نيجي بقى للعربية اللي.... راكب جيتا مش هايحس باي فرق تماما مع الفارق ان الفاو اشيك واوسع بكتييييييييييييير وطبعا الكماليات الكتيرة عن الجيتا وعلى الطريق ولا اروع الصوت بعد 120 تبدا تلاحظه بس لو عليت الكاسيت شوية انت في عالم تاني ... مثبت السرعة طبعا شئ هايل ومريح في السفر بشكل مش طبيعي ، الكيك داون بتاع العربية مقبول لوزنها انها تقيلة في الوزن بس لما ينزل من سرعة 6 الى 4 ده شي هايل بيدفع العربية دفعة قوية
لحد دلوقتي حاسس ان استهلاك البنزين عالي شوية بس هاحسب واقولكم ... ابعاد العربية تقريبا زي الكورولا 2014 وارتفاع مناسب جدا عن الارض الحمد الله مفيش مطب لمسها لحد دلوقتي في 3 محافظات مختلفة
انا اسف طولت عليكم بس العربية تستاهل الكلام عليها بصراحة
وتحت امركم في اي حاجة
-
اقتباس:
المشاركة الأصلية كتبت بواسطة هانى ظرف منصور
هى الفاو بيسترن اتوماتيك 1600ccاصبح سعرها 110 الف ؟ انا قرات السعر دة فى عدة مواقع وبيقولوا ان دة سعر 2014 هل الكلام دة صح؟
اللي انا متاكد منه ان سعرها 138 الف وبعدين هي واقفة على التاجر اصلا ب 129 الف تقريبا بدون المصاريف النثرية بقى بتاع مخلص الجمرك والنقل للمعرض والحاجات دي ودي معلومة اكيدة بالنسبالى
-
كلامك سليم انا اتاكدت من السعر
-
السياره دي عامله ايه دلوقت والتوكيل اخباره ايه
-
اقتباس:
المشاركة الأصلية كتبت بواسطة وائل محمد حامد
السياره دي عامله ايه دلوقت والتوكيل اخباره ايه
انا اسف على التاخير بس ظروف الشغل
العربية زي الفل بسم الله ما شاء الله واحساس بالفخامة والراحة وانها واسعة جدا جدا من الداخل ده احساس جميل وان الشنطة بتشيل كل حاجة ابني وكمان شنطة السفر والغطاء ده شئ هايل بجد عربية مريحة جدا
بالنسبة للتوكيل لسة هاجرب عند 10 الاف واقول القصة ماشية ازاي بس ناس محترمة جدا جدا
-
الف مبروك يارب يديك خيرها ويكفيك شرها