الموضوع: نصائح للتخلص من الكرش + أوعي يتنصب عليك

المشاركة الأصلية كتبت بواسطة ابوجنى2112

متابع..من اخوكم التخين..اللى مايقدرش يجررى
لكن يقدر يمشى..مسافات .لو ينفع مشى بس
ارجو اﻻفادة..

حللت أهلا و نزلت سهلا ..
طبعا ينفع المشي و أنا كتبت في مشاركه من المشاركات .. إن ال Over weights لما ينزلوا يجروا حضرتك أحسن من اللي مش بيسعي أصلا و خلاص مش فارقه معاه ..
المشي يكون نص ساعه وحضرتك ماسك زجاجه ميه و بتشرب طول ما بتقوم بعمليه المشي ..
المشي يكون بأقصي حاجه برده ممكن تمشيها ثم نمشي بسرعه أقل و هكذا بنفس نظام ال Intervals
تحياتي و يا رب أكون أفدت حضرتك بشئ

المشاركة الأصلية كتبت بواسطة عصام غنايم

الف شكر على موضوعك وتطوعك بالرد على الأستفسارات

هبدأ بالأسئله

فى 2003 كنت لاعب مصارعه فى منتخب مصر العسكرى لسلاح الصاعقه فى ميزان 85 كيلو

حصلتلى اصابه منعتنى من ممارسة الرياضه لفتره كبيره وبعدين مع الجواز وقلة الرياضه

وزنى فى 2013 وصل ل 115 كيلو

مع رجوعى للتمارين الخفيفه وركوب العجله مكان العربيه ونظام غزائى نزلت بوزنى ل 105

ووقفت على كده
مع انى محتاج انزل كمان 20 كيلو وارجع 85 ( ده يبقى يوم المنى )

بالرغم من انى ماشى على نظام غزائى مقلل فيه كمية الوجبات مع امتناعى الكامل عن العصائر والمشروبات الغازيه والسكريات عموما وتقليل نسبة النشويات للحد الأدنى والتركيز على البروتين والخضراوات

مع العلم ان شغلى بيحتاج مجهود عضلى لا بأس به
وشكل جسمى مازال رياضيا الا ان وجود الدهون على البطن والجانبين مبوظ الدنيا خالص

مشكلتى تتلخص فى
النزول البطيئ الممل ( 10 كيلو فى 4 شهور ) و ثبات وزنى على 105 مع التأرجح فى واحد كيلو صعودا ونزولا
عزيزي أستاذ عصام .. النزول البطئ الملل حضرتك عارف أكتر مني إنه أفيد .. للجسم و لك .. عشان ده بيبقي أدوم .. يعني أيه الفايده أنزل ال 10 كيلو في شهر و بعدين أجيبهم تاني شهر


حجم بطنى قل كتير ولاكن مازالت الدهون متركزه على بطنى وعلى جانبينى من الخلف
طبيعي يا عصام بيه زي ما قلنا في الموضوع نفسه .. إن دهون البطن هي أصعب دهون في نزولها خصوصا للرجل .. لأنه هرموناته بتوجه الدهون إنها تتركز في البطن .. بعكس الإناث مثلا اللي هرموناتهم بتوجه الدهون إنها تتركز في الصدر و الفخذين .
طيب يعني مفيش حل .. لأ طبعا فيه .. حضرتك طالما الموضوع وقف عند حد معين و مش عارف تنزل تاني يبقي حصل تكييف .. إحنا محتاجين جرعه أكبر من الإجهاد .. يعني الجري بسرعه أكبر .. لوقت أكبر عشان نمشي الركود ده شويه .. بدل 30 دقيقه جري هنخليهم 40 بدل سرعه 10 هخليها 12 أو 14 .. و صدقني هتحس بالفرق

دكتور صاحبى وصفلى برشام appel lite تلات مرات فى اليوم مع برشامه واحده سيدوفاج 500 مع الغداء
لا أنصح تمام بالسيدوفاج .. نظرا لخطورته علي نظام ال لآيض الغذائي بالجسم أو Metabolism و هذا لا يعيب صديق حضرتكم الكريم .. اللي كل همه إنه يساعدك لكن ده رأيي الشخصي و عندي ما يثبت .. و أفضل منه ال Chromax و أفضل مهنم جميعا تناول الكفايين Caffeine في القهوه تحديدا أو الشاي الأخضر .. أو المنتجات التي ذكرناها في المشاركه السابقه ..

مع ارتداء بدلة ساونا طوال اليوم ( خنقانى )
بدله السونا مع إحترامي الشديد .. لا تأثير لها حماده بالجنزبيل .. بتخلي الجسم يفقد الميه اللي حضرتك بتشربها .. و بعدين تشرب تاني و بعدين نلبسها تاني و نفقد الميه و هكذا .. !!!

دى قصتى


اسئلتى تحديداٌ

1 مدى جدوى البرشام والبدله ؟ وهل فى بدائل مساعده افضل ؟؟

2 العجله مفيده زى المشى ولا المشى افضل ؟
العجله مفيده جدا .. ال Cardio Training مش بس جري .. العجله و جهاز إسمه Up hill climbing يشبه تمام كأنك طالع جبل بس نادر شويه .. و غيره المهم نخلي القلب يشتغل .. عشان عند عدد ضربات معين حضرتك عارف أحسن مني .. بيبدأ الجسم يتسستم علي إنه يحرق الدهون لذلك و لعلاقتها بالقلب .سميت التمرينات القلبيه ..

3 نزول وزنى بطيئ لدرجه تبعث على الملل ( اعمل ايه ؟؟ )
أكسر حاله الركود بأشياء جديده سنوضحها أعدك بذلك لأني هقوم بعمل سلسله و الموضوع ده أول جزء فيها

4 فكرت فى عملية شفط دهون من البطن والجانبين ( هل تنصح بيها ولا ابعد ؟ ) وما مدى جدواها وفاعليتها ؟؟؟
بالنظر لخطورتها و البنج الكلي و عمليه و كده هنخليها أخر إختيار لإنها Avoidable يعني لو ظبطنا الدنيا مش هنحتاجها ..
لكن هي فعاله جدا و مجربه و حل كويس .. لكن حقيقي بالنظر إلي المخاطر نخليه في الأخر


طولت عليك وتعبتك معايا
أخي العزيز .. حللت أهلا و نزلت سهلا .. أسأل تجاب :120105~352:

بس ربنا يجعل ردك عليا وموضوعك بالكامل فى ميزان حسناتك

المشاركة الأصلية كتبت بواسطة minicooper20

بس مش كل تمارين البطن بتربى عضل تحت دهون
انا لو مرحله bulk بتمرن بطن بنظام الطحن لعب حر بدون اوزان تكرار ٣ مرات فى الاسبوع شان احهاد العضلا مع شويه عجله بنظام السبرنتات شان الهارت رات يعلى
انا من وجه نظرى ان من السهل جدا عمل ال 6 باكس لاكن الصعب جدا جدا هو الحفاظ عليهم
Regrds.....

زميلي العزيز..
حضرتك فهمتني غلط ..
التوضيع كالأتي : طبعا مش كل التمارين بتربي عضل تحت الدهون إذا كنت أنا في طريقي لتقليص الدهون دي يعني ببساطه إني لاعب كمال أجسام أو Runner أو Cycle r أو ما شابه ..
أنا أقصد كلام الإعلانان اللي مفهم الناس إن أب روكيت ده هيخلي عضلات بطنك تطلع متجاهلا باقي الجسم و متجاهلا باقي العوامل ..
و طبعا بالسهوله نعمل عضلا بطن لو إحنا زي ما قلت لاعبين محترمين .. و ساعتها هتلاقي كلامي بدائي و ملوش أي لازمه .. أنا كنت أقصد نوضح للناس الأفكار ببساطه عشان محدش يضحك عليهم ..
تحياتي .. و عاش يا كوتش

المشاركة الأصلية كتبت بواسطة shikh_khaled

بسم الله ما شاء الله لا قوة إلا بالله , أخي الكريم دكتور مصطفى , جزاك الله خيرا على الموضوع الرائع

, وإن شاء الله أعيد قراءته على مهل , حتى تكون الإستفادة كاملة

جزاك الله خيرا اخي الكريم ومنور القسم الإجتماعي

صديقي المواطن حكى لي على حضرتك كثير وكان نفسي فعلا اتعرف على حضرتك

دمتم في رعاية الله وأمنه , وإلى الأمام , وهذا ما لزم بيانه , وبالتوفيق , ربنا يبارك لك أخي الكريم

أخي العزيز الشيخ خالد تحيه طيبه لشخصكم الكريم ..
و هذا شرف لي أن أتعرف علي شخص دمث الأخلاق .. في زمان عزت فيه الأخلاق و القيم ..
و القسم أكيد منور بمريديه لكني قلت أعمل حاجه تفيد زملائي جميعا طالما هناك لبس في هذا الموضوع ..
و يبارك لك الله في مالك و اهلك و ولدك .. و أتمني نتقابل قريبا بإذن الله
تحياتي الخالصه ..