لمبة زيت الفرامل نورت وطفت (أرجو الافادة)

**Hamroosh** · 05-04-2014 09:47 AM

امبارح كنت راجع من السفر وطلعلي عفريت على الدائري

ماشي في أمان الله على 80 او 90 على الدائري وفجأة سمعت صوت مش عارف افسره، بس زي مثلا بلي بيتفرم او صوت الكاوتش على ظلط أو صوت سير بيتقطع ، قلت يمكن اكون دوست على حاجة ولفت مع الكاوتش، ولكن لمبة زيت الفرامل نورت (دائرة بين قوسين وفيها علامة تعجب) وكانت اول مرة اشوفها تنور لدرجة اني افتكرتها لمبة الهاند بريك ولكني اتاكدت لما هزيت الهاند بريك لاقيت لمبة تانية هي اللي نورت.

ابتديت اخد يمين علشان اركن لاقيت الصوت اختفى واللمبة طفت وكأن شئ لم يكن. القصة دي كلها مدتها حوالي 5 او 10 ثواني. كملت بعدها حوالي 50 كيلو بالآداء الطبيعي للعربية في السحب والفرامل ودخلت امون وفتحت الكبود اني الاقي حاجة غريبة مالقتش حاجة.

خايف الموضوع ده يحصل تاني وأنا على سفر وأحتاس.

حد عنده تفسير ولا أعتبر نفسي كنت بحلم وأنا سايق؟

**ahmedfouad** · 05-04-2014 10:05 AM

اللمبة صفراء ولا حمراء؟

**Hamroosh** · 05-04-2014 10:20 AM

المشاركة الأصلية كتبت بواسطة ahmedfouad

اللمبة صفراء ولا حمراء؟

مش متذكر بصراحة اللون، بس سؤالك ده خلاني افكر في الموضوع تاني ودلوقت مش متأكد اذا كانت اللمبة اللي فيها دائرة ولا اللي فيها مثلث،، بس أغلب الظن اللي فيها دائرة.

**المنسي** · 05-04-2014 11:19 AM

على العموم اى كان اللمبة اللى نورت بص على منسوب زيت الفرامل محتمل يكون ناقص شوية وفى المنطقة اللى اللمبة نورت فيها كان فيها ميل فالزيت مكنش واصل للحساس وبعدين رجع تانى عادى واللمبة طفت ارجوك راجع على منسوب زيت الفرامل ولازم يبقى على علامة الماكس

**أحمد جودة** · 05-04-2014 12:16 PM

راجع على زيت الفرامل ((( ملحوظة ))) إحتمال كبير الفيشة اللى راكبة على الغطاء اتهزت ورجعت لوضعها الطبيعي ... بس ميمنعش بردو اتأكد من الزيت واى تسريب من دائرة الفرامل ..... تقبل تحياتي

**aw2100** · 06-04-2014 01:03 AM

روح لميكانيكى يراجع تيل الفرامل ممكن يكون خلص وده اللى عمل الصوت ونور اللمبة !!

**المنسي** · 20-04-2014 02:08 PM

المشاركة الأصلية كتبت بواسطة Hamroosh

التيل لسه جديد بس فيه صفارة بسيطة كده من ناحية واحدة

انا لاقيت فعلا الفيشة مهزوزة شوية وأكدت عليها كويس... بس بعد كده شلتها خالص واللمبة مانورتش.

الزيت قبل max بسنة

حابب بس اضيف حاجة جديدة حصلت يمكن تفيد في صرف العفريت، وهي ان الصوت اللي ظهر ده هو صوت المارش واتا اكتشفته بالصدفة.

مرة جاي ادور لاقيت المارش بيدور مباشرة مع نور الكونتاكت يعني قبل اخر تكه اللي فيها السوسته بترحع المفتاح لورا تاني. ويفضل داير لحد مارجع المفتاح بيدي لان الحتة دي مافيهاش سوسته اصلا زي اخر تكة.. مع ملاحظة ان لمبة زيت الفراميل نورت برضه ماعرفش ايه علاقتها بالقصة.

المهم ربنا الهمني بطريقة ادور بيها العربية وفصلت سلك المارش علشان مايتحرقش وروحت كهربائي وهناك قبل الراجل مايحط ايده العفريت انصرف. المبة مطفية وبدور عادي بعد طبعا مارجعت السلك مكانه. وكان كلام الكهربائي ان احتمال الكونتاكت فيه حاجة وان فيه سوسته احتمال تكون ضعفت ومش هيتأكد غير لما يتفك.

ايه رأيكم أدام الله فضلكم.

الممفروض المفتاح بعد الدوارة بيبقي فيه تكة لورا محتمل يكون علق عند حضرتك وعلشان كده سمعت الصوت ولمبة الفرامل فضلت منورة الافضل ماتفكش الكونتاكت ونظفه بس. ب wd40