ارجو من الاخوة الكرام افادتي بحساسات النوبيرا بريميوم 1999 واماكنها في المحرك اذا امكن لاني تعبت من الميكانيكية وسوف اقوم باذن الله بتنظيفها بنفسي . واذا امكن لو بالصور ..
عرض للطباعة
ارجو من الاخوة الكرام افادتي بحساسات النوبيرا بريميوم 1999 واماكنها في المحرك اذا امكن لاني تعبت من الميكانيكية وسوف اقوم باذن الله بتنظيفها بنفسي . واذا امكن لو بالصور ..
هو الحساس اللي بيتنظف حساس الايدل بس اللي موجود في البوابة من فوق
شوف اي موضوع عن تنظيف حساس الايدل في كتير بالصور هنا
ومشفتش اي حد قال انه ف حساسات تانية بتتنظف غير دا
وياريت لو تعرض المشكلة اللي عندك ورأي الميكانيكية والناس ان شاء الله هتدل على افضل الحلول لمشكلتك
المشكلة الي عندي في العربية ان في خانقة في اداء العربية اول لما ابدء امشي بيها ومهما اضغط علي دواسىة البنزين العربية تفضل ماشية علي 10 او 20 ك ومش عايزيه تزيد لحد مرة واحدة الافيها فركت في الارض وجريت . غيرت كل حاجة ميكانيكا .. وش سلندر بالجوان - طرمبة بنزين - جميع الفلاتر - طقم رشاشات بالمسطرة - بوابة - علبة بيئة - سلوك بوجيهات .. الميكانيكي في الاخر قلي ان دا مش عيب ميكانيكا دا اكيد عيب في الكهرباء .. طبعا العربية راحت لحوالي 10 ميكانيكية وزيهم كهربائية بس مش عارفين فيها ايه ودخلتها علي الاسكانر مرتين وبردو مش ظاهرة حاجة --- فانا قررت ابدء اصلح فيها بنفسي بمساعة واحد صديقي ميكانيكي - بدانا بتنظيف البوابة وفكينا المانافول ونظفناه -- بس بعد بحثي في الانترنت وجدت ان الاراض الي عندي دي غالبا حساس كامة لان الخانقة بتبقي علي السرعات البطيئة اما حساس الكرنك بتبقي فيه خانقة علي السرعات العالية وانا معنديش مشكلة مع السرعات العالية .. فارجو صورة لحساس الكامة في المكنة 1500 cc .. اسف للاطالة
على فكرة انا كان عندي نفس المشكلة دي ف عربيتي لمدة سنتين ودخت ومعرفتش الحل وبعت العربية بنفس العيب
بس كان عندي السحب سئ جدا جدا جدا حتى 3 ار بي ام بعدها تلاقي العربية اتحولت وسحبها زاد والتسارع بقى عال العال مش مهم الغيارات او السرعة هو كانت السحب بيزيد على ار بي ام 3
ولما دخت ف المنتدى عرفت انه احتمال (خلي بالك كلمة احتمال دي يعني مش اكيد) اني انا كان عندي عيب في عمل طقم شمبر او غير جوان وش سلندر قبل كدا ولما وش السلندر راح المخرطة حجم غرفة الحريق اتغير وقتها عزم العربية قل ولما بتوصل إلى ار بي ام 3 يقدر وقتها الموتور يرجع لعزمه تاني وساعتها تحس بزيادة ف التسارع او سحب العربية
والله اعلم
عندى نفس العربية واوتو برضة والسحب زفت وفيه خنقة بس مش عارف ليه ممكن يكون زيت الفتيس محتاج تغيير مع ان فيه برجله على السلانسية وعلى فكرة الموديل ده مفهوش ايديال البوابة كهربا مبيتنضفش الحساسات بتاعتها وعلى فكرة مكن يكون البوابه مهيسه وكنت عاوز اعرف انت غيرت زيت الفتيس قبل كده ولو غيرتة نوعة ايه وكام كيلو
انا فكيت البوابة ونضفتها بالدابليو فورتي وفكيت المانافول ونضفته ونضفت egr وحساس المانافول لاقيت العيب لسة زي ما هو .. رحت قعدت اقراء لحد ما وصلت الي ان المشكلة ممكن تكون من حساس الكرنك او الكامة رحت جايب منظف الكترونيات ومسكت اي حاجة فيعا فيشة ورحت منضفها .. وغيرت البوجيهات بالمرة .. طلعت بالعربية لاقيت العملية خفت شوية رحت شوفتها بالكمبيوتر المهندس لاقي كمية اخطاء بالهبل راح مسحها وشاف تاني قلي مفيش عندك مشكلة بس العربية النهاردة الصبح جربتها الخانقة بقت لمدة ثواني وبتروح ... بس المشكلة دلوقتي ان الار بي ام علي 1200 او 1300 وساعات بيوصل ل 900 وبعدين يطلع تاني .... بالنسبة لزيت الفتيس اخر مرة كنت زودته من 3 سنين.... بالنسبة لسحب العربية هو كويس والعربية جربتها في طريق الغردقة وانا مسافر وكنت مشغل التكييف وصلت لحد 190 اوا 195 وفضلت ماشي علي السرعة فترة كبيرة فالمشكلة عندي مش السرعات العالية لكن في السرعات البطيئة ..... هو سوال العربية بتاعتي مفيهاش حساس كرنك لاني قلبت الماتور مش لاقيه
انت عربيتك منوال ولا اوتوماتيك
العربية 1999 مانويل بريميوم
هل في طريقة لمسح أخطاء المسجلة بكمبيوتر السيارة بدون وضعها علي الاسكانر
انا كان عندي نفس العيب بس الحمدالله السكنر طلعة واعتقد. احتمال بنسبة 60% انه حساس الماب وده المسؤول عن دخول الهواء غرفة الحرق فا النطرة الحضرتك اشتاكيت منها انها تطلع مره واحده وخنقة في السرعات القليلة هو ممكن يكون سبب اساسي فيها جرب حضرتك تغيرة شوف الاداء ان شاءالله خير وبلاش تنظيف مبيفرقش.
حساس العاب دا بيكون مكانه فين ؟
فى صدر العربية هتلاقى صور ليه على النت كتير اكتب حساس الماب هتلقى الصور
شكرا علي اهتمامك يا باشا بس الصورة دي غير شكل المكنة عندي انا المكنة الي عندي 1500 بريميوم