و انا بقراء فى الكتالوج لاقيت مكتوب طريقة الركن و هى الوضع p ثم رفع فرال اليد
و ده عكس الكلام اللى انا قريته كتير فى المنتدى و ديما بقرا ان من الافضل رفع فرامل اليد ثم الانتقال لوضع P
فايه الطريقه الافضل منهم
عرض للطباعة
و انا بقراء فى الكتالوج لاقيت مكتوب طريقة الركن و هى الوضع p ثم رفع فرال اليد
و ده عكس الكلام اللى انا قريته كتير فى المنتدى و ديما بقرا ان من الافضل رفع فرامل اليد ثم الانتقال لوضع P
فايه الطريقه الافضل منهم
بالعقل كده يا ريسسس .. انا بجيب وضع n وارفع فرامل اليد وبعد كده بجيب الوضع p
علشان ميكونش فيه تحميل على التروس
وفيه حاجة تانية بعملها وبريح دماغي
دايما دايما دايما بركن العربية على n وبشد فرامل اليد فققققققققققققققققققققط
وكبررررررررررر دماغك
بصراحة.
انا أساساً عمري ما ركنت علي p
طول عمرى بركن علي n
والعربية الحمد لله معايا من 5 سنين كيا شوما
تصدق ولله مكنتش واخد بالى من الموضوع ده ... بس أكيد اننا نركن على ال p شيء مهم ... ولا ايه ؟؟
الافضل في بلدنا تجيب n وترفع فرامل اليد علشان لو حد بيركن وزق عربيتك شوية او حد ريح عليها ميبقاش الحمل علي الفتيس في حالة الركن علي p وممكن بضر من الزقة دي
افضل ركن وعن تجربة علي وضع n وتشد فرامل اليد دة افضل للفتيس وعن تجربة
اعتقد ان المفتاح مش هايطلع يارجاله لو ركنت على ال N , عندى لازم اركن عال P عشان العربيه تقفل ( سمارت كى )
بالنسبه للركن المفروض تشد الهاند وبعدين تحط الفتيس عال p عشان لو الأرض مايله او حاجه ماتبقاش محمل عالفتيس , ولو حطيت الفتيس عال P الأول مش مشكله بس ماتشيلش رجلك من على الفرامل بعدها غير لما ترفع الهاند الاول
بقول افضل وهنا بقول افضل لية لان لو حضرتك راكن صف تاني مثلاً مايجيش السايس ويفضل يحرك في العربية قدام ووراء ودة كلة طبعأ بيأثر علي الفتيس وهو علي وضع الباركينج فاافضل انك تجيبة علي وضع المور اللي هو n وهكذا لو حضرتك راكن في منحدر نفس القصة بيبقي كل الحمل علي الفتيس اكتر من الهاند بريك .. وتحياتي لحضرتك
الصح انك تدوس فرامل وتجيب الفتيس على الـ p وبعدين ترفع الهاند وبعديها تشيل رجلك من على الفرامل
يعنى الخواجه اللى عمل العربيه وكتب فى الكتالوج الكلام ده مابيفهمش واحنا اللى بنفهم- هو كتب وقال - p الاول عشان وبعدين فرامل اليد - امان للعربيه موتور وفتييس وللبنى ادميين - لان طول مانت عمال تقرا فى الكتالوج عمال يدى نصايح للسيفتى وللقياده السليمه عشان عربيتك تعيش - يعنى اول صفحه فى الكتالوج بيقوللك لازم تلين ١٠٠٠ كم ومتشغلش التكييف - تعالى شوف بقى الناس عندنا هاتتريق اد ايه - واللى يقوللك المواتيير دى ملينه فى بلدها واللى يقوللك خللى المتور يفتح - حاجه تشرح القلب - ياريت زى مالخواجه قال نعمل للى عايز يحافظ على عربيته