أية راى حضراتكم أشترى فولكس فاجن بولو اتوماتيك موديل 2000 عاملة 58000
ولا كيا برايد سيدان اتوماتيك موديل2000 عاملة 40000 أرجو منكم النصيحة ولكم جزيل الشكر
عرض للطباعة
أية راى حضراتكم أشترى فولكس فاجن بولو اتوماتيك موديل 2000 عاملة 58000
ولا كيا برايد سيدان اتوماتيك موديل2000 عاملة 40000 أرجو منكم النصيحة ولكم جزيل الشكر
البولو طبعا
البرايد اسعار قطع الغيار رخيصة جدااا ارخص من ال 128 والبولو نار جهنم
صراحة مع كامل احترامي لكن ده قمة التناقض ياعم الحج ده زي مقارنة المرسيدس بالفيات 128 بالضبط البرايد قطع غيار رخيصة تكاد تقارب الفيات 128 ومافيهاش اي ادني تعقيد عربية كاربراتير عادية اي حد يشتغل فيها ويبدع واستهلاك بنزين مافيش حاجات تافهه بس ماتقوليش لا اداء ولاتسارع ولاركوبه ولا خامات انما البولو الماني بخامات اعلي وانجكشن صيانتها بتحتاج كشف كمبيوتر عند واحد متخصص فولكس اب عن جد عشان مايفتيش ويعك فيها اسعار قطع غيارها اغلي من البرايد نسبيا بس معمره جدا بس ثبات عالي واستهلاك بنزين قليل برده بس اداء حلو عشان انجكشن حتي لو 1000 سي سي بس الاتنين التكيف متوسط بس بياثر جدا ع السحب خاصة انها اوتوماتيك / من الاخر كده لو عاوز عربية ماسكه سعر وبتتباع بسرعه وقطع غيارها ببلاش ولو وقفت مع صنايعي ولقطت الصنعه منه هتعمل صيانتك بنفسك يبقي برايد لو عاوز اداء وثبات وناوي تسقط مكنة اعلي و هتقضيها شد وغرز يبقي بولو او جولف بس انا لو مكانك هبص ع البولو لو مالاقيتش اخليها برايد وهقولك ليه ؟ البولو عربية شبابية ف معظم المعروض بيبقي خلاص استوي شغل واتفحت والنضيف بقي قليل لكن موجود انما البرايد حتي لو عدمانة العافية ب 5 الاف جنية ترجع زيرو ده ف حالة انك هتغير الموتور يعني لو صرفت الف جنية بيبان كانك صرفت عشره انما البولو عشان ترجع زيرو بتحتاج مبلغ ومحتاجة صنايعي فولكس اب عن جد ف كل حاجة ميكانيكا وكهربا
البولو طبعا احسن بكتير
جزاكم الله خيرا على النصيحة وخصوصا الأخ أحمد الحسنى أستفدت من كلامة كتير فالف شكر أنشاء الله هاجيب البرايد وخصوصا انا لابتاع جرى ولاغرز هادى فى سواقتى