السلام عليكم ورحمة الله وبركاته
امبارح كنت فى هايبر و شوفت طيارات هليوكوبتر بالريموت انواع و مش عارف ايه الافضل
لقيت فيه بـ 200 جنيه و فيه بـ 280
فيه حجمه صغير و حجم كبير و طبعا كلهم صينى
و فيه بشحن و فيه من غير شحن ببطاريات عادية
و مش عارف ايه الافضل سواء فى النوع او الحجم او ببطاريات عادية او بشحن ؟
سهل جدا تشيل قضية اليومين دول من حاجة زي دي
لو نفسك تزور السجن اشتري واحدة اقل حاجة سنة
شرطة متخلفة عقليا معندهاش أي حد مثقف او متعلم تقريباً...
الطيارة مفيش منها أي خطر على الاماكن "المهمة" لكن هما بصمجية ومش عارفين كدا..
بص يا باشا هى تحس انها فكرتها حلوة بس هى مش عملية خالص.
علشان تشغلها محتاج مكان واسع جدا. حديقة مثلا.. لما بتطير بتعلى والهوا يبعدها والتحكم فيها بيكون صعب وممكن تقع على حد. انا فكرت انى اربطها بخيط علشان متبعدش وتعلى بس لسة مش عارف كدة ينفع وللا ﻻ.
موضوع ظريف بس عاوز حته واسعه و الناس حتضايق لو قربت مل عمارات و بوليس و قلق لو وقعت منك شكرا ....
فيه حد عندو فكره العربيات ريموت كونترول - بنزين بيتباع فين ؟
جبتها لابني و مشكلتها انها عايزه مكان واسع لانها لما تطير بتحدف في اي اتجاه و غير كده التحكم صعب واخر مره المروحه خبطت في عامود و انكسرت
انا هاجيلها لطفل صغير يلعب بيها فى البيت مش فى مناطق عامة
بس اللى بحشن افضل ولا من غير شحن ؟
فى البيت مش هينفع خالص ، هتخبط فى كل حاجة وتقع.اقتباس:
المشاركة الأصلية كتبت بواسطة hacker5
لكن فى حاجة أحسن سمعت عنها بس مجربتهاش ودى تنفع فى البيت ومناسبة للسن الصغير.
حاجة زى سمكة بتطير بالهليوم ذى بلالين الهليوم, بس بتتحكم فى حركتها بريموت كنترول.
انا جبتها و كنت بحاول اشغلها فى البيت بس كانت بتعلى و توطى بس و لما خدتها لمكان واسع ارتفعت جامد و فصلت الاشارة و وقعت و اتكسرت
بلاش منها احسن و خصوصا هى خطر
فى البيت مش هينفع خالص لأن التحكم فيها مش دقيق فهتخبط منك فى الحيطان والسقف.
فكرة فاشلة
أنا اشتريت 3 طيارت قبل كدة
أولاً أنسى موضوع البيت أول خبطة هتتكسر و مش كل الأنواع معها قطع غيار لها ، أنسي الطيارات ألي ب-٢٠٠ جنيه عوز حاجة كويسة ، ممكن توصل معك لحوالي ١٠٠٠ جنيه و أكتر و كمان مش أوي
صعبة على الأطفال
أول حاجة بتتكسر في الطيارة عبارة عن قطعة صغيرة بتمسك المروحتين إلي فوق من غيرها مش هيكون فيه أي توازن
أحسن نوع بيكون شكله غريب شوية مسطح و فيه ٤ مراوح دة بيكون بلاستيك خفيف و فلين بس الهوا بيلعب فيه و التحكم بيكون صعب شوية
ههههههههههههههههههههههههه ههههههههههههههههههههههههه هههههههههههههاقتباس:
المشاركة الأصلية كتبت بواسطة mohamed hussei
السلام عليكم و رحمه الله و بركاته
في نوعين نوع اللي الاخوه الافاضل اتكلموا عنه , اللي صعب التحكم فيه لان الطائره بتلف حولين نفسها و بتحتاج تضبيط من الريموت و هيا طايره عشان تقدر تمشيها و هي فعلا صعبه جدا
بس في نوع جديد مدمج فيه سنسيور عشان موضوع الدوران ده و دي التحكم فيها اسهل و ممكن تسال قبل ما تشتري هل الموديل اللي في المحل فيه الخاصيه و لا لأ اما بالنسبه لسعرها في منها حجمين - دول اللي شفتهم - صغير في حدود 130 و الاكبر 260
[youtube]http://www.youtube.com/watch?v=FV2MTJkhmJ0[/youtube]
اؤيد هذا الراي وبالفعل لسه جايبهم لاولادي 12 و 13 سنة ... واستخدامهم صعب ومحتاج تدريب..اقتباس:
المشاركة الأصلية كتبت بواسطة phantom0xx0
استاذ / فانتوم ... مع اني جربتهم مع البائع ولكن لما روحت البيت فيه طيارة منهم مروحتها اللى فوق بس هي اللى بتشتغل والتانية بتدور على خفيف , متعرفش ايه السبب ؟؟
معرفش أيه السبب ، أنا أول لما أتكسره محولتش أصلحهم ،اقتباس:
المشاركة الأصلية كتبت بواسطة banboty
+11111111111اقتباس:
المشاركة الأصلية كتبت بواسطة adel.nasr
انا عندى الطائره بقالها 3 سنين
طبعا انا اللى بلاعب بيها اولادى بمعنى انها محرمه عليهم لإن تحكمها صعب جدا و غير دقيق بالاضافه الى ان المروحه لو حبط حد بتبقى مؤلمه فعلا (مش بتعور لكن مؤلمه)
و الطائره اتهرت منى تكسير و تصليح اكتر من مره
انا وقت ما اشتريتها كانت ب 300 جنيه
ياريت لو حتشترى اتأكد ان مروحة الديل تكون افقيه و متركبه على موتور و شغاله (هى دى المسؤله عن تحريك الطائره الى الامام و الخلف)
لإن فيه نوع تانى من الطائرات الصينيه بتكون المروحه دى موجوده على مسمار مجرد منظر فقط و بالتالى النوع ده لاتستطيع الطائره التحرك فيه للامام و الخلف
عندي واحدة بلاعب بيها العيال جوة البيت وبرة البيت
بتحكم في ارتفاع الطائرة واتجاهها وسيرها
وكمان بعرف أخليها تزحف على الأرض من غير ما تطير ولا سنتي واحد
طبعا اوقات العيال بتصر تمسك الريموت وبتحصل أحلى مواقف
مرة المدام اتصلت بيا تسالني يعملو ايه
العيال جابو الطيارة وشغلوها جوا الشقة
والعكروت الصغير زق الزرار اللي بيطيرها للآخر واول ما طارت راح سايب الريموت وجاري والريموت زراره معلق والطيارة لازقة في السقف ومحدش عارف ينزلها
رغم ان كلامى ملوش علاقة مباشرة بطلب حضرتك لكن نصيحة انك تفكر قبل ما تشترى حاجة فيها تهديد للأمن القومى ولو كنت مصمم يبقى اقرا الكتالوج المرفق كويس وسيرش على النت واطمن ان نوع الهليوكوبتر اللى هتشتريه غير مجهز لتركيب معدات اطلاق نار او صواريخ حرارية وغير صالح لاضافة كاميرات تجسس عالية الجودة hd
ومرحبا بك فى ام الدنيا
اقتباس:
المشاركة الأصلية كتبت بواسطة khaled_sabry
ممكن تقولي كنت بتصلحها فين :bee5:
لان الطيارتين عندي بقوا خردة من الركنة
انا اللى بصلحهماقتباس:
المشاركة الأصلية كتبت بواسطة banboty
هى طيارات صيني ماتستهلشى
و دلوقتى لاقيت واحده اكبر من اللى عندى و ب 200 جنيه
طيب عندك فكرة ليه مروحة من المروحتين بس بتشتغل والتانية لأ
عندى نفس القصةاقتباس:
المشاركة الأصلية كتبت بواسطة banboty
من كتر الخبط ، بيبقى تعشيق ترس المروحة دى فك من الترس المقابل ليه المتصل بالموتور ..
يعنى المشكلة مش فى المروحة اللى فوق ، المشكلة بتبقى فى الترس بتاعها اللى تحت
عندى نفس المشكلة ومشاكل أخرى والطيارة اترمت فى صندوق اللعب بتاع العيال بعد 24 ساعة فقط من شراءها بعد خبطة فى السقف وأخرى فى الحائط.
أنا كنت شاريها للعيال من حوالى 6 شهور
سعرها كان حوالى 110 جنيه
بتتشحن
وعلى فكرة فاشلة جدا
التحكم فيها زى الزفت وبتخبط فى اى حاجه ولو مخبطتش لما بتعلى فوق وتبعد عن مدى الريموت بتنزل تانى زى الطوبة
واتكسرت فى نفس اليوم وخلاص على كده
والفلوس اترميت على الارض
http://cf2.souqcdn.com/item/47/70/65...55_1407049.jpg
طيب انا ابنى طالبها هديه عيد ميلاده اليومين دوول
و الحمد لله عندى مكان واسع و مفتوح . حديقه كبيره امام المنزل
اعمل ايه , اجيب نوع مضروب يفرح به يوم و خلاص و لا اجيب حاجه محترمه
و الاهم مين اللى بيبيع الحاجات دى
لقيت على سوق كوم طائره و التحكم عن طريق الموبايل بابليكيشين على الاندرويد و حوار كبير
ابنى عنده 10 سنين فعاوز حاجه يمشى معاها كويس
http://egypt.souq.com/eg-ar/helicopter/s/
حرام يندفع فيها الفلوس
زى قلتها
هاتله عربية حلوة بالريموت احسن
ومهما كان المكان مفتوح وواسع ممكن تلاقيها فجأة فقدت السيطرة وطارت بعيد جدا وسقطت
نفس الموضوع بالضبط من اول طلعه جويه وسلامتك طارت طارت ووقعت ذي الطوبه وياريت واحده بس دول اتنين مع اني عارف مسبقا مصيرهم هيكون اذاي ولكن مينفعش اشتري واحده بس هيتخانقو مع بعض وهيعملو مشكله
في الطيارات المحترمه بيكون معاها سي دي محاكاه والريموت بتاعها بيتوصل مع الكمبيوتر usb وتلعب علي الكمبيوتر براحتك لغايه ما تتعلم توزن الثروتل بتاعك والاتجاهات كويس بعدين تبقي تطيرها براحتك انا عن نفسي افضل ماركه trex افضلهم في طيارات الهيليكوبتر وطيرانها 3d وحاجه وهم كان عمدي واحده اصغر حجم وهي trex 100 وبرضه اتكسرت والفيديو ده trex 500 حجم ممتاز وطيران وهم وحتي الي بيطيرها محترف شوفو الفيديو علي 1080p او 720p علي الاقل
[youtube]http://www.youtube.com/watch?v=us0a6knAKA[/youtube]
هو فين الفيديو انا مش شايف حاجهاقتباس:
المشاركة الأصلية كتبت بواسطة naser_56
ياريت تحط اللينك تانى
عاوز نوع كويس ممكن تجيب انواع جيده من اى نادى طيران ولو مش موجود عندهم هيجلك على انواع كويسه وفى انواع بالبنزين بس غاليه ولكن قيمه جدا
ومصر هانت عليك؟