أجيب فيكترا c ولا أرجع في كلامي علشان قطع الغيار و الصيانه !
سلام عليكم يا رجاله ..
أنا معايا بومة 1600 أوتو 2005
حاسس إن خلاص بقى راحت عليها فعايز أعلى خطوه .. و برضه مش عايز ادفع فرق كتير
بحترم الفيكترا c جدا .. و هي عندي بصراحه أحسن من الأوكتافيا و الجيتا كمان :)
أنا كتير بسوق الشارك و الجيتا و أكيد البومه برضه .. قطع غيار الشارك موجوده و أسعارها عادية و الجيتا غالية أوي ..
أنا ركبت الفيكترا c و استريحت فيها عن الأوكتافيا و الجيتا كمان .. بس كل خوفي من قطع غيارها و صيانتها ، و كمان أنا نفسي ألاقي حاجة 2200 لإني لما سوقتها 1600 حستها تقيلة أوي على الموتور بتاعها ده !!
الفكرة كلها في إني لو لاقيت حاجة 2200 حالة محترمه كاملة .. هتتعبني في قطع الغيار أوي !؟
دلوقتي انا متعود على قطع غيار البومه و الشارك و الجيتا ..... يا ترى هي أعلى من الجيتا ولا في نفس الرينج ولا أقل !؟ و كمان متوفرة ولا لأ .. خصوصا إني من طنطا :)
لو حضرتك مكاني هتفكر إزاي و تشور عليا بإيه ؟
