ربنا يرحمه و يغفر له
الموضوع سهل بس بياخد وقت شوية
انت الاول بتاخد معاك شهادة الوفاة و بتروح للمحكمة اللى انت تابع ليها
و بتقدم هناك طلب اعلام وراثة و قرار وصاية لو فيه قصر ولا حاجة
و بعد كده الطلب بتاعك بيتسجل و بتديهم العنوان عشان المحضر يجيبلك الميعاد الجلسة على العنوان (و خلى بالك الموضوع ده مهم و بسببه اتعطل الورق بتاع اعلام الوراثة بتاع والدي)
المهم
بعد ما المحضر يجيبلك اعلان الجلسة هتكون حضرتك مربط مع اتنين أصحابك او اتنين من قرايبك ( شهود و يكونوا رجالة ) عشان يجوا معاك الجلسة و طبعا لازم يكون معاهم بطايق الرقم القومي (اوعى حد ينساها )
القاضي هيسألهم انتوا تعرفوا فلان الفلان (والدك ) و مين اولاده و مين مراته و كام سؤال كده مش فاكرهم ( طبعا لو أصحابك هتكون انت قايل لهم على أسماء والدتك و اخواتك و اسم والدك طبعا )
و بس بعد ما بياخدوا البيانات دي بيتحدد ميعاد عشان تستلم فيه اعلام الوراثة
اول اعلام بيكون ببلاش لو حبيت تطلع صورة منه بيكون بفلوس بس مش متذكر بكام
المفضلات