علي فكره ده بجد بس كنا شباب في بعض فكله كان بيقول دووس فجبت 220 وهديت علي متوسط 160
لدرجه ان عداد الرحلات avg كان 168 كأقل سرعه
عرض للطباعة
علي فكره ده بجد بس كنا شباب في بعض فكله كان بيقول دووس فجبت 220 وهديت علي متوسط 160
لدرجه ان عداد الرحلات avg كان 168 كأقل سرعه
المقصود بتفتيح الموتور بصفة عامة أني بمرن الموتور على اخراج أقصى عزم وقدرة ليه علشان ميبقاش كسول واستجابته ضعيفة .. علشان كدة بعد أي مشوار سفر بنمشي فيه بسرعات عالية بنلاقي استجابة دواسة البنزين سلسة ومن أقل دوسة العربية بتبقى عاوزه تجري .
وبالبلدي كدة زي ما بنقولها بتشيل رواسب الكربون من السلندر .. وضغط طرمبة الزيت بيزيد فيزيت البساتم والسلندر بشكل أفضل وتجعل حركة البستم اكثر سلاسة .. وده بدوره بيحافظ على العمر الافتراضي للموتور على المدى البعيد .
الموضوع ده جاب المفيد :
http://www.nilemotors.net/Nile/212403-a.html
معلش يا جماعه علشان انا لسه مش فاهم
يعنى ايه بامرن الموتور
الموتور ليه اداء ثابت على كل عزم دوران .... و لأجزاءه حركات محدده يتغير عددها فقط و لا يتغير مشوارها
العامل الأخير فى هذه المنظومه هى كل السوائل التى تدخل المحرك
بنزين - مياه - زيت
البنزين هو مدخل خارجى تتغير عوامله بنظافة التانك و دورة البنزين و جودة نوع البنزين
المياه تدور فى دورة مغلقه بعيدا عن احتراق الوقود و تقتصر مهمتها على تبريد المحرك
يتبقى زيت المحرك و الذى يدخل فى غرف الأحتراق و يسير فى دورة كامله شبه مغلقه داخل المحرك
زيت المحرك يتعرض للأحتراق داخل غرف البساتم و تدخل اليه شوائب البنزين خاصة مع المشاوير القصيره التى لا تتيح احتراق الوقود فى درجة حراره عاليه أو تتيح احتراقه بشكل كامل .
معنى هذا وجود شوائب داخل الزيت .... و لعلنا لو قسنا كمية الزيت لسياره تقطع مشاوير صغيره دائما ثم قامت بمشوار طويل سوف نلاحظ نقص كمية الزيت بسبب احتراق هذه الشوائب و خروجها مع غازات العادم .
اذن ما نعنيه بعملية تفتيح المحرك ليس لها علاقة اطلاقا بأجزاء المحرك الميكانيكيه و انما له علاقه بكمية الشوائب الموجوده بالزيت و التى بعد احتراقها تعود لزوجة الزيت لوضعها الطبيعى و بالتالى فتعطى نسبة كبس أحسن و بالتالى أداء احسن للمحرك .
لو اتقنا على هذا المبدأ .. فاننا بالتالى يمكن أن نصل لنفس النتيجه و ذلك بادارة المحرك و تسخينه جيدا و السياره متوقفه مع رفع عدد لفات المحرك لضمان زيادة الحراره .... وذلك بالطبع لتجنب اخطار السير بسرعه عاليه ..... و الأسهل أن نقوم بتغيير الزيت كلية .
مع التحيه
نقطه أخيره بالنسبة لموضوع ازالة الكربون المحترق داخل قميص المحرك .
بالطبع فأن السرعه العاليه تسبب احتكاكا أكبر بين البساتم و الشنابر و بين جدار غرفة المحرك الداخلى .
لكن هل هذا الأحتكاك مفيد
اولا : ازالة طبقة الكربون معناها زيادة المسافة الحاكمه بين البستم و جدار المحرك و بالتالى نقص مقدار كبس المحرك
ثانيا : معنى أن الأحتكاك قد ازال طبقة - و لو رقيقه - من جدار المحرك الداخلى .... انه بزيادة هذه العمليه و تكرارها سوف يتم ازالة أجزاء أخرى من جدار المحرك و يحتاج المحرك بعد فتره لعملية تغيير شنبر البساتم أو عمره كامله لوضع بستم بمقاس أكبر .
مع التحيه
المقصود أني أمرن الموتور هو تطبيع جميع أجزائه الميكانيكية مع بعضها للعمل كمنظومة واحدة بشكل سريع ومتواصل مع مراعاة التليين المبدئي للسيارة .. بالرغم ما يقال أن الموتور بالفعل يتم تليينه في المصنع .
البنزين والزيت والمياه من السوائل اللي بتخش المحرك .. ولكن هما دول كل حاجة .. لا طبعاً مننساش الهواء اللي ليه دور في تشغيل أي موتور كعامل مساعد على عملية الاحتراق بين البنزين وشرارة البوجيهات .
طيب الهوا ده بيخش نظيف ومفيهوش عوالق وأتربة .. أه لازم يخش نضيف في المحرك وعلشان كدة بنحط فلتر هواء لإزالة الرواسب دي .. طيب الفلتر ده بيشيل كل حاجة .. الإجابة لا طبعاً ولازم تخش نسبة من الأتربة أو الشوائب مع الهواء بالرغم من وجود الفلتر .
طيب الزيت وظيفته الأساسية أيه .. أول حاجة العمل على تقليل الاحتكاك بين أجزاء المحرك الداخلية علشان متسخنش أو بالبلدي كدة (متقفش) والوظيفة التانية هي ازالة الرواسب المتراكمة على جدار المحرك الداخلية (السلندر أو الشميز) .. لأن الموتور مصمم ببستم وشنابر حاكمة الكبس بنسبة معينة ومعمول حساب أنه حتتكون طبقة الكاربون نتيجة الاحتراق الداخلي .. طقم الشنبر مبيبقاش قافل تماماً 180درجة حول البستم لأنه بيبقى معمول حساب التمدد الحراري ليه وفي الحالة دي بعد ما يسخن ويشتغل حيقفل ال 180 درجة أو بنسبة محسوبة ميكانيكياً .. وعلشان كدة مش حيحصل تآكل في جدار الشميز الداخلي زي ما حضرتك بتقول إلا بعد مرور العمر الافتراضي لأي محرك (واللي إجراءات التليين الصحيحة بتطيل عمره الافتراضي) .
طب هو الزيت بيخش المحرك ازاي ويبقى ليه دوره في المحرك زي دورة تبريد المياه .. أكيد بيبقى ليه طلمبة بتدفع الزيت وتخليه يمشي في دورته .
طب هو الزيت بيخش غرفة الاحتراق ويشيل الرواسب دي لوحده كدة .. لا طبعاً بيبقى في شنابر جوه راكبة على البستم . واحد فيهم مختص بعمليه التزييت بمعنى أنه بياخد طبقة رقيقة من الزيت ويفردها جوه البستم .. والتاني مختص أنه يمسح طبقة الزيت دي وينزلها تاني لدورة الزيت بعد ما تاخد معاها نسبة من الرواسب الكربونية وكذلك لو فيه جزء بسيط من الأتربة أو الشوائب اللي عدت من فلتر الهوا .. والتالت مختص بإحكام كبس الموتور .
طب ما الزيت كدة حيخش تاني على المحرك وفيه الرواسب والأتربة دي ؟!! .. حقولك لآه لأنه فيه فلتر لتنقية الزيت قبل دخوله على المحرك مرة تانية .
بالنسبة لاحتراق الزيت داخل غرفة المحرك .. طبيعي جداً أن أي عربية حتى لو زيرو تحرق نسبة من الزيت .. ولكن بأي درجة ؟! أكيد بدرجة بسيطة جداً لا تذكر .. ولذلك يوصي صانع أي سيارة بدرجات لزوجة معينة لمحركات سيارته وفقاً للأجواء البيئية والمناخية المحيطة بظروف تشغيلها .. بمعنى مينفعش مثلاً أحط زيت بلزوجة عالية في أجواء باردة .. أو بلزوجة منخفضة في أجواء حارة
بعد المقدمة الطويلة والمختصرة في نفس الوقت .. كلامك مظبوط أن مشوار البستم جوة السلندر واحد واللي بيفرق هو عدد اللفات وسرعتها .. ولكن للأسف مش حقدر اتكلم كلام علمي لإثبات وجهة نظري لأني مش متخصص في مجال الميكانيكا .. فتعالى نشرحها بالبلدي أو بالعامية :
هل حركة التزييت وإزالة الرواسب جوة المحرك لما تكون سريعة أفضل أم لما تكون بطيئة أفضل .. ولا مش حتفرق من أساسه .
الأهم من ده كله هو اتباع إجراءات التليين بشكل صحيح في البداية كما في الموضوع .. لأنه حيحدد أداء الموتور فيما بعد عامل أزاي .
سيبك من الكلام ده كله .. بما تفسر عربيتين من ماركة واحدة والاتنين خارجين من الوكالة .. واحدة مشيها كله داخل المدينة بسرعات بطيئة .. والتانية على طرق سفر .. أيهما حيبقى أدائه أفضل واستهلاكه للبنزين أفضل واستجابة المحرك أقوى ؟!
وأخيراً للحكم أن محرك سيارة ما أداءه أفضل من محرك سيارة أخرى من نفس الموديل لا يقتصر فقط على ما سبق وذكرناها جميعاً .. ولكن هناك عوامل أخرى تتحكم فيه .. مثل منظومة إخراج العادم exhaust وما تحتويه من مكونات زي " علبة البيئة " في السيارات الحديثة التي تساعد على تقليل انبعاثات ثاني أكسيد الكربون في الجو .
هل تعلم أن هذه العلبة ممكن تتأثر على المدى البعيد بتسخين السيارة صباحاً فترة لو زادت عن دقيقة وتتسد وبالتالي تؤثر على سحب العربية ؟!
وبالقياس لو عربية مشيها بسرعات متوسطة داخل المدينة ووقوف في اشارات كتير ودوران المحرك على السلانسية لفترات ومرات أكتر .. حيساعد على انسداد علبة البيئة بالمقارنة بسيارة تسير في طرقات سريعة وبالتالي سحب السيارة .. لذلك نلاقي المصطلح الدارج بيننا .. العربية عاوزة تفوق والموتور مكتوم وأدائه قليل .
وأسف جداً على الإطالة .. وفي انتظار أراء أخرى للتوضيح .. خالص تحياتي .:120105~352:
اثبات ان فتيس الكورولا 8 نقلات أكيد مخصوص ليك ياباشا مصوره في تابلوه عربيتي وانا جايب النقلة السابعة كما وضحت من قبل , يعني ممكن نفتح القوس جنب البي ام و المرسيدس و نكتب كورولا 2014 و ماركات عالمية و بعدها نقفل القوس :
http://nileup.com/up/uploads/nilemotors_13968693981.jpg
مبدايا فتيس الكورولا cvt يعني مفيش نقلات اصلا
و ال 7 دول نقلات مبرمجه
و واحد فاهم يخليهم 17 بدل ال 7
المرسيدس اغلب الفيتسات بتاعتها ال 7g tronic و ده زي ما باين من اسمه 7 نقلات
و اعلنوا انهم هينزلوا واحد 9 نقلات كمان قريبا
و ال bmw بتستخدم ال zf ال 8 سرعات (اماميه) و من اسرع و انعم الفتيسات في النقل ده و لا يتفوق عليه الا ال DSG
و اصلا الفتيس ده مستخدم في كذا نوع و ماركه منهم الرينج روفر و الكرايسلر علي سبيل المثال
مختلفناش خالص ...
ال CVT مفيهوش نقلات في الاوتوماتيك صحيح ,
ولكن في الستيبترونيك بيبقي 8 نقلات زي مواضح رقم النقلة في الصورة !
الصورة من عربيتي مصوها بنفسي و صور قبل كدة الكتالوج مكتوب فيه الفتيس زو السرعات السبع مش شرط يبقو نقلات ميكانيكية بتروس و لكنها نقلات برضو , يعني انا لما كنت علي الاول جبت بيه سرعة 40 كم/س و الار بي ام عالي بعديها رحت ناقل علي التاني و هكذا لغاية مةصلت للسابع ,مش دي نقلات برضو , ولا كنت هفضل ماشي علي الاول ؟
انا لم اقل انها نقلات حقيقية او غير حقيقية ولا ميكانيكية ولكنها في الاول و في الاخر نقلات و ليها عدد من النقلات .
ولو نقلات كلمة مش دقيقة ممكن نخليها سرعات و نقول 7 سرعات .
http://nileup.com/up/uploads/nilemotors_13968728351.jpg
http://nileup.com/up/uploads/nilemotors_13968728352.jpg