لسه بتربط حزام الأمان .. ؟؟

**kh_talaat** · 06-04-2014 02:07 AM

كلنا لاحظنا بعد 30-6 كثرة كماين الشرطة في معظم شوارع مصر وبعيدا عن اي كلام في السياسة او الكمين وطريقته الخاطئه في الوقوف ومساعدته على زيادة الزحام في الشوارع ، اللي هي اصلا مش مستحمله زحام وفيها ما يكفيها ...

لكني لاحظت ان ضابط او امين الشرطة معدش بيهتم هل قائد السيارة رابط الحزام او مش رابطه

يا ترى لسه بتربط حزام الأمان السيارة .. ؟؟

بعضنا اتعود على الحزام واصبح مش محتاج رقابه عليه لإلزامه بربطه .. والبعض الآخر كان متضرر ومخنوق من الحزام وكان بس بيربطه بس من اجل عيون ضابط المرور

انا عن نفسي من الناس اللي اتعودت عليه لدرجة اني لو ما ربطوش بحس اني قاعد بَلٌوق وهقع بره العربية ... بالاضافه انه بيحميني من آلام الضهر .. وكان سبب من اسباب اختفاء الكرش

اكيد مش محتاج اكتب عن اهمية حزام الأمان فكلنا عارفين مدى اهميته في المساعدة على حماية ركاب السيارة من الاصابات او لقدر الله من الموت في الحوادث .. وانا عن نفسي اعرف اصحاب وزمايل كتير تعرضوا لحوادث بشعه وخرجوا منها بسلامة .. فقط لأنهم كانوا رابطين الحزام

واعرف برضه اصدقاء وزمايل تعرضوا لحوادث اقل من السابقه ولكن كانت اصابتهم الشخصية بالغه لعدم إلتزامهم بربط الحزام

واعرف ناس كانوا راكبين نفس السيارة واللي رابط الحزام طلع سليم واللي مش رابط الحزام كانت اصابته بالغه وللأسف وشه اتبهدل وركب شرائح بوجهه وملامحه اتغيرت .. عفاكم الله

الخلاصة .. حزام الأمان هو نتاج ابحاث عديده بشركات السيارات لحماية الركاب .. ولم يوضع في السيارة للرفاهيه او حتى للسرعات العالية فقط (كما يعتقد البعض)

من اجلك سلامتك .. اربط الحزام

من اجل سلامة اسرتك و اولادك .. اربط الحزام

ورحمة كل قريبك اللي توفوا في حوادث طرق .. اربط الحزام

**Ahmed.Essam** · 06-04-2014 02:13 AM

هو بصراحة وبكل أمانة لما بربط حزام الامان بحس بالتركيز في السواقة لو مسافر على طريق وكمان بيظبط القاعدة وبالتالي بيساعد على التركيز زي ما قولت

لكن على ارض الواقع قليل لما بربط حزام الامان

**hugan** · 06-04-2014 02:14 AM

الحزام مهم جدا طبعا
في في الغالب مفيش حد حاليا بيستخدمه الا القليل
المرور مهتم بالفاميه والحزام مابقاش حد بيسال

**john55** · 06-04-2014 02:25 AM

لا لاني 99 من سواقتي جوا البلد

**kh_talaat** · 06-04-2014 02:27 AM

المشاركة الأصلية كتبت بواسطة Ahmed.Essam

هو بصراحة وبكل أمانة لما بربط حزام الامان بحس بالتركيز في السواقة لو مسافر على طريق وكمان بيظبط القاعدة وبالتالي بيساعد على التركيز زي ما قولت

لكن على ارض الواقع قليل لما بربط حزام الامان

صدقني لو حاولت تضغط على نفسك 4 او 5 مرات ورا بعض .. بمرور الوقت هتتعود وهيبقى اساس من اساسيات سواقتك .. وربنا يستر طريقك

المشاركة الأصلية كتبت بواسطة hugan

الحزام مهم جدا طبعا
في في الغالب مفيش حد حاليا بيستخدمه الا القليل
المرور مهتم بالفاميه والحزام مابقاش حد بيسال

ده حقيقي فعلا

المشاركة الأصلية كتبت بواسطة eng f3lix

مش هربطه تاني ابداً

ليه بس ؟؟ طب قولي هو زعلك في اية ؟؟

**kh_talaat** · 06-04-2014 02:33 AM

المشاركة الأصلية كتبت بواسطة john55

لا لاني 99 من سواقتي جوا البلد

صدقني حضرتك ده اعتقاد خاطئ .. ولو كان صحيح كانوا كتبوا في كتالوج السيارة مثلا ينصح بإسخدام حزام الامان بعد سرعة كذا

طب جرب يبقى جنبك طفل مثلا وانت ماشي على سرعة 40 واضرب فرامل فجأة وشوف هيبقى فين .. انا مره ابني كان قاعد في نص الكنبه الورانيه بالظبط وضربت فرامل فجأة وانا على سرعة 50 تقريبا .. لقيته في ثواني اتحدف فوق الطابلوه

اوعى تجرب .. انا بهزر

**john55** · 06-04-2014 02:41 AM

عندك حق انا فعلا ابني الصغير كان قاعد جنبي وضربت فرامل فجاه واتخبط في التابلوه بس المشكله ان الواحد اتعود علي كدا انا حزام الامان عندي لسا كيس المصنع فيه فابريكا مستخدمتوش ولا مره وفعلا شكرا لنصيحت حضرتك الواحد يحاول يجرب وشكرا

**مصطفى-حسن** · 06-04-2014 02:42 AM

جوة البلد عمرى ما ربطتة
لكن مجرد ما امسك الطريق السريع اتوماتيك ايدى بتسحبى وتربطة

وبدين زى ما احد الاعضاء قال انا من غير الحزام بحس انى بلق وممكن اتدحرج جوة العربية

-

الموضوع: لسه بتربط حزام الأمان .. ؟؟

LinkBack

أدوات الموضوع

عرض

لسه بتربط حزام الأمان .. ؟؟ - انشر الموضوع فى :

-

-

-

-

-

المواضيع المتشابهه

انذار حزام الأمان

حزام الأمان

لمبة حزام الأمان

حزام الأمان

مين بيصلح حزام الأمان

الكلمات الدلالية لهذا الموضوع

المفضلات

المفضلات

ضوابط المشاركة